Biblia Todo Logo
Bib sou entènèt

- Piblisite -




Galesia 3:5 - Nobonob Baibel

5 Ib attenppa Kayak Nug nuhig Ouɗi ag matta, ag oolagppa kobol danab hekkunu elele iitta laala hette? Nug ag ɗonu uɗat hetteb, amuppa Nug anam hettetai? O iitta, Nug ag Nai Ena doon, ag oolagppa genab dooppig, ib amuppa anam hettetai? Ib laa iitta, Nug ooppa genab doyak aguppaib hette.

Gade chapit la Kopi




Galesia 3:5
14 Referans Kwoze  

Keeke laippuib da ag oɗ madappi ag appeg doyei! Ag Kayak Ouɗi aoppig amu, ag attem hena Nug aoppig? Ag ɗo dim lamidna aoppigte? O iitta ag Nai Ena doona oolagppa genab dooppig, ag amuppate ag Kayak Ouɗi aoppig?


Da anam heppi, ag genab tutukku dooglag. Kristus Nug da oɗelppa nai maditte. Doyeg! Kristus Nug ahilagnu ha, Nug uɗat nuhig ii bodoedatte. Iitta! Nug ahilagppa uɗat ɠagattag hette.


Amunu Pol, Barnabas ele aa haen elab Aikoniam appa baɗak iitta ele Naɗinu nai mehuqeh, Naɗi Nug ɠagattag mate, aa Kayak dabmettaknu kobol danab haknu elele iitta kuɗum digdig ele hepiɗ. Anam heeheh, amuppa Naɗi Nug nuhig ehanittak okkai hamu mettaknu nai, amuam genab, danab ah ippuanattom.


Iitta. Da dakka da ag Korint ag oolagppa dayeye, da am totol danab daattem uɗat dahilppa ippunadmi. Uɗat da uug doyaya eɗittaknuib dabmak awewe hemi am, Kayak dabmettaknu kobol danab haknu elele iitta digdig, uɗat ɠagattagnab, aria kobol danab hekkunu elele iitta laala ele.


Ban haknu keeke oh ig aɗattem amu, ag wanppan keeke iitta. Iitta. Ig aɗattem ele amuam Kayaknu ɠagattag ele, amuppa ig kekeɗnu ban haknu aben ɠagattag loppaɗttem.


Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.


Ɗonu binag amahlak oppiaawak ele am okkai, amge Kayak Nug danab ah nuhig Ouɗi madakkunu heum amu, nug tituana nai qakkak amuam tituanak alag eɗidtte; nuhig binag amahlak oppiaawak ele am tituanak alag binag amahlak oppiaawak ele eɗidtte.


Am Nug laa ehah mette, nug kobol danab hekkunu elele iitta ele, nug hekkunu elele daatte. Laa nug propet nai mehuqkkunu ehah amu medatte. Am laa nug ouɗi digdig epeɗiadkkunu ehah amu medatte. Am laa nug nai laappa nai madikkunu ehah medatta, Nug laa nug nai amu eɗukkunu ehah amu medatte.


Amunu ooppa genab doyaknu diig amu Nai Ena doyak, amu haen danab nug Kristusnu nai mehuqtte amu, danab ah ag nai Ena dootteb.


Kayak, Nug ee eppaknu danab ee tumu madatte, Nug ee digdig danab oh lakkulagnu ele madatte amu, Nug geha ag keeke oh elele matteb, ag laa madappeg, aria ag Korint ag geha genab tutukku hak kobol ahilag amu nug tuɗid okkai maama, ag laa daɗek daatteb keeke kuɗum mattaglagnu elele daaglag.


Aɗinu? Da doottem, ag Pilipai daatteb amu, unuqittak ahilkad, amu Jesus Kristus Ouɗi, nuhig ehanittak ele, keeke aɗit amu aa hepeɗ, da maniguittakppanu uhuqak aokkul.


Swiv nou:

Piblisite


Piblisite