Galesia 3:16 - Nobonob Baibel

¹⁶ Aria Kayak Nug dimppa keeke ena bekkunu Abraham amegppa nai ana qakka, nug, “Da na buɗun ele nai ana qakkak iikku hettem,” awa aum. Nug Abraham, buɗub amu ele, ahilahnuib nai ana qakkaknu aum. Nug buɗub oh amelagppa ii aum. Iitta. Nug buɗub laippunuib amegppa nai ana qakkom, amu nid amu Nug am Kristus.

Galesia 3:16 Referans Kwoze

Rom 4:13

Anukka Kayak Nug Abraham, amu nug buɗuppud ele Nug ag geha wan atu oh madakkunu nai qakka aum. Nug nai nuhig amu qakka aum, amge Abraham nug ɗo dim lamittom, diig amunu Kayak anam ii aum. Iitta. Abraham nug ooppa genab doye, Kayak nuhignu, “Genab tutukku hak danab,” awa awowa, Nug nai qakka anak nuhig amu aum.

Rom 4:16

Amu Kayak Nug nai qakka ana, ig eɗua awigkkunu aum, amge ig amu hamu mauhnoak aognignu ii aum. Iitta. Ig nuhignu oonigppa genab doota, ig aognignu aum. Ig ɗo dim lamidta aognignu ii aum. Ig ooppa genab doyaknu ib, ig ib amuppa aognignu diig am, ig Kayak Nug ehanittak okkai hamu megatte, kobol nuhig amuppaib ig aognignu babaittom. Aria, ib amuppa awaknu daatte dayeb amu, ig Abraham buɗub oh, laa ig Juda danab, laa ag Juda danab iitta, ig oh ig Abraham ooppa genab doyom, amubia ig oonigppa genab doot, nug buɗub daattem ele amu, ig oh ib amuppa Kayaknu keeke ena genabnab aognignu doognig. Aɗinu? Ib amuam danab oh tonadkkunu elele daatte. Anam daatte amunu, Abraham nug am ig oh ig mamenig daatte,

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Galesia 3:8

Am Kayak Nug anukka iitta aɗi ag geha Nai Ena aona, ag oolagppa genab dooppeg, ahilagnu Nug, “Genab tutukku hak danab,” akkunu doya he, nai amunu nuhig naippa yaak daatte. Nug anam doyom amunu, Nug anukka Abraham amegppa Nai Ena mehuqa, inam aum. “Wanppan wan ohppan danab ah ag nahip-ppa itittak ena aoglag,” awa aum.

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Aposel 3:25

Kayak Nug propet oɗelagppa aɗi bekkunu aum, nug Abraham ele nug tituanya nai qagapiɗ ele amu, ag gemu daatteb, ag propet nai, nai qakkak amu ele, ag meulah aoglagnu daatteb. Nug Abraham ele nug tituanya nai qagapiɗnu nai am inam. ‘Da heppi, na buɗunppa wan ohppan danab ag itittak ena aoglag,’ awa aum.

Genesis 21:12

Nug oo uugnab doyom, amge Kayak Nug Abraham amegppa aum. “Na Hagar, bekka ele dilah oot uugnab aib doome. Sarahnu nai amu dim lamitte! Aɗinu? Na buɗunadnab am Aisak, nuhigppa bekkulag.

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

Genesis 15:5

Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.

1 Korint 12:27

Ag oh amu Kristus beɗu daatteb, danab anen anen ag amu Nug beɗu laih naunau daatteb.

1 Korint 12:12

Ig danab beɗunig amu laippu, amge laih kuɗum daatte. Am beɗu laih kuɗum amu ag oh qagmeeg, beɗu laippu daatte. Kristusnu tamaniak ele nug anam aakku daatte.

Rom 12:5

Anam amu, ig oh Kristusnu daattem, ig danab nug beɗu am laih kuɗum ele, amge beɗu am laippu daatte, amubia ig am kuɗum, amge laippu daattem. Beɗu laippu ooppanu laih naunau, ag nug ehanidnana daatteb, amubia Kristen tamaniak ele anam daatte.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Kolosi 2:19

Danab amu nug Kristus ele ouqak ii daattep. Jesus Nug ig Kristen, ig ikkinig daatte. Ikki nug beɗu oh ɠagattag medatta he, beɗu nug diɗippa tuɗittak ouqak laippu dayaya, ena daatte. Beɗu nug am Kayaknu ɠagattagppa ba okkai mette.

Epesus 5:32

Nai amuam diig unuqagnab ele, amge nai amuam Kristusnu, ⌊nuhig⌋ tamaniaknu ele,

Matyu 1:1

Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.

Rom 9:4

Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.

2 Korint 11:22

Totol danab hambuppuak amu ag am Hibru danabte? Aria, da ele am Hibru danab. Ag Israel danabte? Aria, da ele am Israel danab. Ag am Abraham buɗubte? Aria, da ele am Abraham buɗub.

Galesia 3:19

Aria, aɗinu Kayak Mosesnu ɗo meum? Amuam iikku. Kayak Nug hipunin diig geha miag atikkunu oo dayom amunu, Nug Abraham amegppa nug keeke aokkunu nai qakka aum dimppa, Nug ɗo amu aakku he beum. Amu ɗo nug dayeb ukkeb, geha Jesus bekku, amu batak daakkunu meum. Kayak a, engel ag Moses ɗo ippunitteg, nug gamag danab dayaya ɗo awa, danab ah ippuanattom.