Galesia 2:6 - Nobonob Baibel

⁶ Aria danab da ele nai mattimut, ag da nai mehuqttem ele amu, ag nai amu ii tuɗidppig. Eleleib dooppig. Danab laa ag amu dilagnu, “Danab okkai,” atteb, amge amuam genab o genab iitta, da amunu dab-ii-mettem. Aɗinu? Kayak Nug danab dilag neekkakppa danab laanu, “danab onig ele,” laanu, “danab onig iitta,” Nug dabmak amu dab-ii-mette.

Galesia 2:6 Referans Kwoze

Galesia 2:2

Kayak Nug da ippuniɗe, da aakku gomi. Da inam dabmemi. “Da ⌊Jerusalem tamaniak⌋ anuqak danab amelagppa, da iitta aɗi oolagppa Nai Ena mehuqttem amu da amunu ii akkul amu, uɗat da gemu hettem imu, uɗat tatam hemi ele amu, uɗat amu oh hamu ukka qettoɗkkutai.” Da anam dabmemi amunu, da ukkai, anuqak danab amu appa daappig ele, da ag akka aakkuib ele daatta, da amu ippunadmi.

Aposel 10:34

Kornilius nug nai mattia male amu, Pita nug inam awa aum. “Amu genabnab, gemu da doottem, Kayak Nug danab mamekkud aɗi am aun dabmaama, diig amunu Nug danab laa awa, laa geɗitta ii hette.

2 Korint 12:11

Da nai madittem imuam danab nug Kayak dab-ii-maama ii dim lamidttenu nai bia, amge ag akka da nai imu inam madikkulnu duttuniɗeg, da madittem. Aɗinu? Ag dahilnu, “Nug ena hette,” pasppa yaaglagnu am aib iitta, amu kobol elele, ag helob am ena, amge ag anam ii heppig. Genab, da amu keeke hamu, amge da gaɗalagib totol danab ahilkad amu ag waalagppa ii daattem.

Galesia 6:3

Danab laa nug nukka nug, “Da onil ele,” dabmette, amge nug onig iitta, danab amu nug nukka nug oo buppuidtte.

2 Korint 11:5

Doyeg! Dahil dabmakppa, totol danab amu, ag danab amelagppa anuqak daatteb amu, da ag waalagppa nakok laa ii daattem.

Rom 2:11

Aɗinu? Kayak Nug danab onig ele, nuhignu oo daye, ii epeɗia, laa onig iitta ele amu nuhignu oo ii daye epeɗitte, amubia ii hette. Iitta. Nug danab oh melemel laippuppa ag kobol heppigppa epeɗiadtte.

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Luk 20:21

Ag inam oɗ medappig. “Ippunittak danab, ig doottem, nahip nai mattiak, nahip ippunittak ele am tutukkuib. Na danab okkai onig ele o danab onig iitta, na amu dabmenan ii madittem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Mak 12:14

Ag gumidna gona amu ag appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem amunu, na keeke imunu appe doognig. Na attem doottem? Ig takis Sisar mettagnig am kobol tutukku, o kobol tutukku iitta?

Matyu 22:16

Ag anam hena, ag ahilkad ippunittak awak danab, am Herotnu ehanittak danab ele, ag amunu laala maatteg, Jesus gumidna gona appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Job 34:19

Kayak Nug king tiigppan danab, enub danab, daɗek ele oh hattom amunu, Nug laa nug king tiigppanu amunu, nuhignu diig iittappa ena doya, laanu diig iittappa eheɗ ii dootte. Ao, Nug laa am enub danab amunu, diig iittappa nuhignu ena doya, laa am daɗek amunu diig iittappa nuhignu eheɗ ii dootte.

Duteronomi 10:17

Aɗinu? Yawe, ahilag Kayak, Nug am kayak laa oh eɗadtte, Nug am naɗi laa oh dilag Naɗi daatte. Nug am Kayak naɗinab, ɠagattag okkai ele. Nug am danab Nug antta, ebehi oh bodoetta le maknu Kayak daatte. Nug danab ah ohnab kobol eleleppaib epeɗiadtte. Nug lokkumakppa eheɗ haknu ehanittak ii aoma.

Aposel 5:36

Aɗinu? Ag imu dootteb. Matu haen Teudas nug aha, ‘Da danab okkai,’ ana, nug nukka binag ma hambuppualatta he, danab 400 ag ahan dim lamidppig. Amge gabman nug Teudas qe mauhe amu, danab ag nuhignu oolagppa genab dooppig ele, ag ele matatun ukkaeg, nuhig uɗat aakku iitta meum.