Galesia 2:16 - Nobonob Baibel

¹⁶ Amge ig doottem, Kayak Nug danab ɗo dim lamidtte ele, Nug diig amunu danab amunu, ‘Genab tutukku hak danab,’ ii atte. Iitta. Danab nug Jesus Kristusnu ooppa genab dootte amu, danab amunu aakkuib Kayak Nug nuhignu, ‘Genab tutukku hak danab,’ awa atte. Am ig ele, ig Kayak noobppa, Kristus Jesusnu ooppa genab doyakppa, ig ɗo dim lamittakppa iitta, ig genab tutukku hak danab daagnignu Kristusnu oonigppa genab doomut. Aɗinu? Danab laa nug ɗo dim lamidtte, diig amunu Kayak Nug danab amunu, ‘Genab tutukku hak danab,’ atte laa iinab daatte. Iitta.

Galesia 2:16 Referans Kwoze

Sam 143:2

Auntai laa na noomppa hibaitta, “Da genab tutukku hak danab daattem,” akkunu elele? Iitta amunu, na da, nahip maɗi nid, na da nahip hettoɗiakppa ii meiɗmananu oɗ medattem.

Rom 9:30

Amunu ig inam aot akkunig. Iitta aɗi danab ag Kayaknu genab tutukku hak kobol aoglagnu uɗat ii heppig, amge ag genab tutukku hak kobol amu aoppig. Kayaknu genab tutukku hak kobol, amu awaknu ib am ooppa genab doyak.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

Rom 4:2

Abraham nug ɗo dim lamittom, amuppa nug genab tutukku hak danab beum daakku amu, nug nukka nug onig humakkunu ib daakku; amge Kayaknu neekkakppa am anam ii daatte.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

Rom 8:3

Amu inam. Ig oonig alag nug he, ɗonu ɠagattag am gai-iitta dayom amunu, ɗo nug heeb, ig ena bekkunignu elele iittanab, amge keeke ɗo nug hekkunu elele iitta amu, keeke amu Kayak nukka heum. Kayak Nug nukka Nug Bekka me uɗia, danab beum. Nug beɗu am, ig hipunin danab, ig beɗunig bia tagittom, amge Nug am hipunin laa iitta. Amu Jesus Nug ib etta hipunin haknu ofa dayeb, amuppa Kayak Nug ihinig hipunin uhuqa megakkunu, Nug Jesus me uɗiom. Ib amuppa amu, Kayak Nug danab ah ag hipunin waappa ii daamnanu heum.

Rom 3:30

Aɗinu? Kayak laippuib daatte. Anam amu, Nug danab gaɗa otaɗak ele, Nug danab amunu ooppa genab doyak, diig amunu, Nug danab amunu, “Genab tutukku hak danab,” awa akku. Amu danab nug gaɗa ii otaɗak ele, Nug danab amu ele, nuhig ooppa genab doyak, diig amunu, danab amunu, “Genab tutukku hak danab,” awa akku.

Rom 1:17

Nai Enappa Kayak Nug ib attenppa ihinignu, “Genab tutukku hak danab,” akkunu ippunigtte. Genab tutukku daagnignu ib am ooppa genab doyak, aakkuib. Ib laa iitta. Kayak naippa yaak inam daatte amubia. “Laa nug Kayak noobppa genab tutukku hak danab daatte, nug Kayaknu ooppa genab dootte amunu, nug bau daakku,” awa atte.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.

Galesia 5:4

Am ag ɗo dim lamidkkulag, amuppa Kayak Nug geha ahilagnu, “Genab tutukku hak danab,” awa akkunu dabmetteb amu, amuppa ag aakku Kristus uuppig, ag am Kayaknu ehanittak okkai hamu megatte amu, ag amuppa ii daatteb.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Job 25:4

Kayak Nug okkainab anam daatte amunu, ig danab ah oh, ig oonigppanu laa nug Kayaknu neekkakppa, nug genab tutukku hak danab daakkunu elelete? Ge, laa ah ooppanu doum ele, nug Kayaknu neekkakppa ooppa oppiak ele daakkunu elelete?

Galesia 4:5

Nug ig ɗo waappa daamut, ig amunu qagaiettakppanu eɗua uhuqak ha mekkeb, ig Kayak bekkodnab beta daagnignu anam heum.

Job 9:29

Na dahilnu, ‘Na beɗunppa aab ele,’ akkut. Anam amunu, aɗinu da hik iweb, ‘Da beɗulppa aab iitta,’ ii daye daye akkul?

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

Rom 4:24

Iitta. Ihinignu ele aakku atte. Ig Kayak Nug he, Jesus, ihinig Naɗi, Nug eɗua hibaittom amu, ig nuhignu oonigppa genab doottem, amu Kayak Nug ihinig ooppa genab doyaknu amu ele antta, ihinignu, “Ag am genab tutukku hak danab,” atte. Amunu nai amuam ig oh, ihinignu nai.

Aposel 4:12

Wan imuppan danab aun nug ig eɗua awikkeb, ig hipunin waappa ii daamta? Laa iitta! Jesus Nug nukkaib elele. Wan imu ohppa ig laa onigppa ehanitta padal ii mak aognignu iitta, Jesus nukka,” awa aum.