Galesia 2:1 - Nobonob Baibel

¹ Da anam hei ukke, maɗ 14 uue amu da Barnabas ele i oh eɗuɗ Jerusalem goɗa, da Taitus ele omali, ig oh gomut.

Galesia 2:1 Referans Kwoze

Galesia 2:3

Ag Nai Ena da mehuqttem ele amu, ag amunu eheɗ doon aib akkulagnu baɗami, amge iitta. Ag ena doona, Taitus nug da ele daamuɗ, nug am Grik danab amunu nug am gaɗa otaɗak iitta, amge qagmakppa ag nug gaɗa otaɗak aokkunu ii appig.

Taitus 1:4

O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

Galesia 2:13

Pita anam he amu, Juda danab laala ele ag nug ele kobol hambuppuak amu heppig. Am ag kobol hambuppuak dim lamitteg ukke, Barnabas ele nuhig dabmak eɗue, kobol amuppa noum.

Galesia 1:18

Aria, dimppa maɗ ewam ukke amu, da Pita ele nai mattignihnu Jerusalem gomi. Am da Pita ele deɗ 15 daamuɗ,

2 Korint 8:23

Taitus nuhignu amu, ag inam anidkkulag. Nug am dahil kadoi, ag ehanadkkunu dahil uɗat laippu. Aria ig lainti aɗit amu, aa am Kristen tamaniak oh dilag maɗi nid, ahilah uɗatppa aa Kristus binag mettep.

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

1 Korint 9:6

Amu da Barnabas ele i iya ee le ele keeke aognihnu men doɗonu uɗat hekkunihte?

Aposel 15:25

Ag gona anam heeg, nai amu uɗie ig doota, ig nai mattit, oonig laippu meta, ig lainti gokkulahnu otiatmut. Amu ig lainti aɗit laa ele ig ahilahnu oonig huana hette ele, amuam Barnabas, Pol ele, aa ele aakku gokkulagnu amut.

Aposel 14:12

Ag anam ana, Barnabasnu amu ag Grik dilag kayak onig Sus dayom anana, ag Polnu amu, ag Grik dilag kayak onig Hermes dayom appig. Aɗinu? Pol nug nai kuɗum mattiom, Hermes bia; Barnabas nug nai kuɗum ii mattiom.

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Aposel 12:25

Kayaknu nai amu anam aha ugekke, Barnabas, Saul ele aa Jerusalem daayya, maɗi ahilah maloya, eɗui Antiok gokkulahnu heya, aa Jon Mak aoeh, nug ele oh goppig.

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

Aposel 11:25

Aria, Barnabas nug Saul anidkkunu Tarsus ukka

2 Korint 2:13

amge da ool maɗoɗ ele ii daami. Aɗinu? Da layal Taitus da nug ii anidmi amunu, da Troas danab uuatte, da ukke, Makedonia temi.

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.