Galesia 1:6 - Nobonob Baibel

⁶ Ag Galesia ag kobol hettebnu amu, da ottaie, dabmak kuɗum aottem. Kayak Nug ag Kristusnu ehanittak okkai hamu mattomppa ag onilagppa eum amu, ag pahanab Nug uuna, ag Jesusnu Nai Ena dimettan, ag nai laa, danab laala ag gona mehuqeg doona, ag nai laa amunu ag, “Nai ena,” aon atteb ele, ag nai amu dim lamidtteb.

Galesia 1:6 Referans Kwoze

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Sam 106:13

Amge ag pahanab Nug aɗi heum, ag amunu daulag atiom! Ag ulum nai mattaglagnu Nug ameg ii meppig!

1 Timoti 1:3

Haen da Makedonia gokkulnu dayeye, nai da na amenppa ami amubia da baula nahip dabmak maɗetten, amenppa attem. Epesus appa, danab laala ag hambuppuak nai danab ah ippunadna madatteb amunu, na appa daanna, danab amu ag anam ii amananu haknunab nai appe doyeg!

1 Korint 4:15

Ag Kristusnu daanna, ag ippunittak danab kuɗumnab ag ehanadkkulagnu diiglagtai. Ag diiglag dayeb am diiglag, amge amuam heeb, keeke laa ii baolima. Keeke ii baolikku, amuam da Jesusnu Nai Ena mehuqi, ag oolagppa genab dooppig amunu, daib ag mamelag daattem; ag mamelkad kuɗum iitta.

Aposel 15:11

Doyeg! Ig Kayak, Nug ehanittak okkai, Naɗi Jesus Nug hamu megatte ele, amuppa Nug ig eɗua awikkom amubiaib Nug iitta aɗi ag ele amuppa eɗua diitte, oonigppa genab doottem,” awa aum.

Galesia 5:4

Am ag ɗo dim lamidkkulag, amuppa Kayak Nug geha ahilagnu, “Genab tutukku hak danab,” awa akkunu dabmetteb amu, amuppa ag aakku Kristus uuppig, ag am Kayaknu ehanittak okkai hamu megatte amu, ag amuppa ii daatteb.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

1 Timoti 1:14

Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

Revelesen 22:21

Naɗi Jesus Kristusnu ehanittak okkai hamu mettak, ag Kayaknu danab oh, ahilagppa dayaɗ! Genab.

2 Timoti 2:1

O da bekkal, na Kristus Jesusnu ehanittak okkai hamu mettak, na amuppa ɠagattag daye!

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

2 Tesalonaika 2:14

Ag ihinig Naɗi Jesus Kristusnu binag amahlak oppiaawak ele ooppa daaglagnu Kayak Nug Nai Enanu mehuqak ihinigppa ag eɗua diiadkkunu ag onilagppa eum.

Rom 5:2

Ig oonigppa genab doout, Naɗi Jesus, nuhig uɗat okkaippa, ig Kayaknu ehanittak okkai hamu megatte ele amu aot, ɠagattag daattem. Amu ig Nug ele hab aabppa enanagnab daagnignu ameg meta, ig maɗoɗppan gamag ahak doottem.

Jon 9:30

Ag anam aeg, danab ameg ena dayom ele nug aum. “Imuam laanab, ag Nug adeppanu uɗiom ii dootteb amge Nug he, da amel obatom.

2 Pita 1:3

Kayak Nug nuhig ɠagattag okkaippa, Nug keeke oh ig bau daat, genab tutukku hak danab daagnignu mekkom. Nug nuhig ena hak kobol, nuhig binag amahlak oppiaawak ele dabmaama, ig oninigppa e, ig Nug doottem, amu doyak amuppa Nug keeke amu oh ig mekkom.

1 Pita 1:15

Iitta. Kayak Nug ag onilagppa eum, Nug oppiaawak daatte, amubia ag keeke aɗi hetteb, ag oppiaawak daanna heig!

Mak 6:6

Ag oolagppa genab ii dooppig amunu, Nug dabmak kuɗum awa, Nug aab amuppanu aha, aab laalappa ukka, Kayak nai mehuqom.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Rom 8:30

Amu Nug danab anukka Nug Bekka bia daaglagnu maittak awom ele, Nug ag ele onilagppa eum. Nug danab onilagppa eum ele, Nug ahilagnu ele, “Genab tutukku hak danab,” awa aum. Nug danab laala, Nug ahilagnu, “Genab tutukku hak danab,” aum ele amu, Nug he, ag Nug Bekka bianab betteb.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

Galesia 1:7

Amge Nai Ena laa ii daatte. Iitta. Amge danab laala ag heeg, ahilag dabmak kabolie, danab amu ag Kristusnu Nai Ena eɗuegeg, ib laappa gokkunu hetteb.

Galesia 1:11

O lailad, da tutukku ag amelagppa iikku attem. Nai Ena anukka da ag amelagppa mehuqmi amu, danab laa he nai amu ii beum.

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Galesia 2:2

Kayak Nug da ippuniɗe, da aakku gomi. Da inam dabmemi. “Da ⌊Jerusalem tamaniak⌋ anuqak danab amelagppa, da iitta aɗi oolagppa Nai Ena mehuqttem amu da amunu ii akkul amu, uɗat da gemu hettem imu, uɗat tatam hemi ele amu, uɗat amu oh hamu ukka qettoɗkkutai.” Da anam dabmemi amunu, da ukkai, anuqak danab amu appa daappig ele, da ag akka aakkuib ele daatta, da amu ippunadmi.

Galesia 2:5

Amge ig Nai Ena ag iitta aɗi, ahilagppa hanhan daakkunu oonig dayom amunu, ig gaɗalag Kristen dilag nai amu nakoknab laa ii dabmemut.

Galesia 2:7

Danab amu ag nai dahil ii tuɗidppig. Iitta. Ag dooppig, Kayak Nug Pita Juda oolagppa Nai Ena mehuqkkunu meum bia, da Nai Ena, iitta aɗi amelagppa mehuqkkulnu meiɗom.

Galesia 2:14

Aria, ag Nai Ena ippunigtte amubia ii oippig anidmi amunu, da ag noolagppa Pita amegppa ami. “Na Juda danab, amge na iitta aɗi ⌊ag Kristen daatteb, amge ag Juda dilag dimittimnuib ɗo oh ii dim lamidna oitteb amu,⌋ na ag oitteb bia oittem. Anam amunu, na attem hena, na gemu iitta aɗi, ag Juda kobol amu dim lamidkkulagnu ɠagattag hettem?

Galesia 5:14

Aɗinu? Ɗo oh amu nai laippu imu ooppa daatteb. “Na nakka nahipnu oot mauhtte, amubia na laipad dilagnu ele oot mauhaɗ!”