Galesia 1:23 - Nobonob Baibel

²³ Ag nai inam aakkuib mattieg dooppig. “Anukka danab nug ig eheɗ heikkom, nug aun aɗi ag ooppa genab doyak ele, ahilagnu eheɗ heum amu, gemu nug Nai Ena amu mehuqtte,” anam appig.

Galesia 1:23 Referans Kwoze

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

Aposel 9:26

Aria Saul nug oiyaya, Jerusalem ukka, nug danab Jesusnu oolagppa genab dooppig ele, nug ag ele oh daaglagnu heum, amge ag oh nug baɗidppig. Aɗinu? Ag nug oo eɗue, Jesusnu ooppa genab doyom amu, ag amu oolagppa genab ii dooppig.

Aposel 6:7

Aria, Kristen tamaniak ag anam hena, ⌊totol danab aɗi⌋ ag Kayak nai mehuqegeg, danab ah kuɗum ag oolagppa genab dooppig. Jerusalem appa danab kuɗum ag oolagppa genab doona, Kristen tamaniak ooppa ukkaeg, nuhig ebqak okkainab meeme, mana mettak danab kuɗum ele oolag eɗuom.

Aposel 9:21

Nug Jesusnu nai amelagppa mehuqeqe doonna, danab oh ag nuhignu ottaina dabmak kuɗum aonna, ag appig. “Danab amu nug aakkuib danab ah ag Jesusnu oolagppa genab doon unuqidtteb ele amu, nug ag aqattom. Nug Jerusalem uppa anam ha, ippa ele nug ag hippalatta diia, mana mettak danab okkai eppelagppa maadkkunu uɗiom,” aon appig.

Aposel 19:13

Am Juda laala ag oinna, ouɗi nau lamadppig ele amu, ag Naɗi Jesus onigppa appeg heeb, ouɗi nau danab ah uuadna gokkulagnu ele dabmena heppig. Ag inam appig. “Ig Jesus, Pol nug nuhignu mehuqtte ele amu, ig Nug onigppa ‘Ag danab imu uuidna ukkeg!’ ag amelagppa haknunab attem,” aon appig.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.