Galesia 1:15 - Nobonob Baibel

¹⁵ Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Galesia 1:15 Referans Kwoze

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Aisaia 49:5

Yawe Nug da anil ooppa, Nug da nuhig maɗi nid meiɗa, Nug da Jakop buɗub, ag nuhigppa eɗue diie uɗikkulnu heiɗom. Yo, Nug da Israel danab ah ehanadppi, ag eɗun, nuhigppa uɗiglagnu heiɗom. Yawe Nug da binag okkai meɗatte. Ao, dahil Kayak Nug ɠagattag meɗatte.

Aisaia 49:1

Danab ah wan miagnu, wan umanu ele, ag nai dahil doyeg! Ao, ag danab ah wan atu umanu, ag doyeg! Anai da ii menuiɗom haenppa, Yawe Nug da onilppa eum. Ao, da anai ooppa niiiyi, Yawe Nug da onil diiom.

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

Epesus 1:5

Nug anukka dabmaknab awom, oo ele niiom bia amu, Nug Jesus Kristusnu uɗatppa ig tainig mawa, Nug bekkod daagnignu meikkom daattem.

1 Korint 1:9

Kayak, Nug nukka ag Nug bekka Jesus Kristus, ihinig Naɗi, Nug ele laippu daaglagnu tituanattom amu, Nug oo metta ii uuak kobol dim lamidtte.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Rom 8:30

Amu Nug danab anukka Nug Bekka bia daaglagnu maittak awom ele, Nug ag ele onilagppa eum. Nug danab onilagppa eum ele, Nug ahilagnu ele, “Genab tutukku hak danab,” awa aum. Nug danab laala, Nug ahilagnu, “Genab tutukku hak danab,” aum ele amu, Nug he, ag Nug Bekka bianab betteb.

Rom 1:5

Jesus, nuhigppa amu, Kayak Nug da iitta aɗi danab iɗu iɗu oh ag nuhignu oolagppa genab doon, nuhig nai dim lamidkkulagnu onilagppa ekkulnu Nug nuhig ehanittak okkai hamu megatte meɗa, da totol danab ele dayeye, totol uɗat hekkulnu meiɗom.

Matyu 11:26

Yo, Mama, na amu hekkutnu enanag doome, amunu na heme,” awa aum.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

Epesus 3:11

Amuam Kayaknu maittak hanhan daattom, amu Nug ihinig Naɗi Jesus Kristus, nuhig uɗat okkaippa anam hekkunu aum amu, Nug aakku heum.

Epesus 1:9

Anukka Kayak Nug nukka nuhig dabmaknab awakppa Kristusnu uɗatppa ehanigkkunu oo ha dabmeum amu, Nug dabmak amuib dim lamitta he, ihinigppa miag atiom.

Galesia 1:6

Ag Galesia ag kobol hettebnu amu, da ottaie, dabmak kuɗum aottem. Kayak Nug ag Kristusnu ehanittak okkai hamu mattomppa ag onilagppa eum amu, ag pahanab Nug uuna, ag Jesusnu Nai Ena dimettan, ag nai laa, danab laala ag gona mehuqeg doona, ag nai laa amunu ag, “Nai ena,” aon atteb ele, ag nai amu dim lamidtteb.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 1:24

Juda, amu Grik danab ele ag anam hetteb, amge ig danab, Kayak Nug oninigppa ette doottem ele amu, ig Juda danabte, o Grik danabte, amuam keeke hamu, ig doottem; Kristus Nug am Kayaknu ɠagattag, amu Kayaknu doyak dabmak ena ele.

1 Korint 1:1

Da Pol, Kayak Nug da onilppa e, da Nug oo niitte bia Kristus Jesusnu totol danab daattem amu, da amu ig lainig Sostenes ele

Luk 10:21

Haen amuppa Kayak Ouɗi Nug he, Jesus Nug maɗoɗppan gamag ahak doya, Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem. Yo, Mama, na amu hekkutnu enanag doome, amunu na heme,” awa aum.

Rom 9:24

Amuam ig danab ig Jesusnu oonigppa genab doottem. Nug ig Juda danab amu iitta aɗi danab ele ig anam hekkunignu oninigppa eum.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

1 Korint 1:21

Wan danab ag akka ag ahilag doyak dabmak ena eleppa Kayak mattin anidkkulagnu elele iitta; ag ahilag doyak dabmak ena eleppa amu hekkulagnu am ib iitta. Anam amge Kayak Nug danab ah eɗua diikkunu ib iikku babaittom. Ag ad emaitaknu Nai Ena ig mehuqttem amu doona, ag Kristusnu oolagppa genab dooglag amu, Kayak Nug eɗua diikku. Danab laa ag Nai Enanu, “Am dabmak tutukku iitta,” aon atteb.

Galesia 1:1

Da Pol, da am Jesusnu totol danab. Da am danab dilag totol iitta. Laa ele amu, danab laa nug da Jesusnu totol uɗat hekkulnu ii meiɗom. Iitta. Jesus Kristus amu ig Mamenig Kayak, Nug Kristus moɗppanu bau maɗettom ele amu, Nug ele, aa aakkuib da meiɗpiɗ.