Galesia 1:10 - Nobonob Baibel

¹⁰ Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

Galesia 1:10 Referans Kwoze

1 Tesalonaika 2:4

Iitta! Kayak Nug ig Nai Ena mehuqak uɗat imu hekkunignu elele anikka mekke, ig hettem. Ig Nai Ena madipput, danab ag ihinignu oolag daakkunu iitta. Iitta. Ig Kayak, Nug ig oonig epeɗitte amu, Nug ihinignu oo daakkunu hettem aakkuib.

Aposel 5:29

Nug anam a amu Pita nug totol danab 12 ele ag oh eɗun appig. “Kayaknu nai, amu danab dilag nai ele aa laippu iitta daattep dayeb amu, ig Kayak nai dim lamidkkunigoitte.

Epesus 6:6

Ag ahilkad okkai amelagppaib, ag oolag ittag aqakkunuib aib heppig. Iitta. Kristusnu begbeg maɗi nid, nug oo oh Kristus metta Kayak oɗe dim lamidtte amubia heig!

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

Matyu 22:16

Ag anam hena, ag ahilkad ippunittak awak danab, am Herotnu ehanittak danab ele, ag amunu laala maatteg, Jesus gumidna gona appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Kolosi 3:22

Begbeg maɗi nid ag ahilkad wan imuppanu okkai, keeke ohnu waalagppa dayeg! Ag okkai ahilkad amelagppaib ag oolag ittag aqakkunuib aib heppig. Ag oolag aɗitppa uɗat aib heppig. Iitta! Ag Kayaknu ebehilag oh bodoetta le meeb, ag uɗat tutukkuppaib heig!

Rom 2:29

Iitta. Danab nug Juda danabnab amu Nug Jesusnu ooppa genab doye, Kayak Ouɗi Nug danab amu oo babaittom. Amuam gaɗa otaɗak genab aakku. Oo babaittak amuam ɗo nai yaak niitte amu dim lamittaknu keeke iitta, Ouɗinu keeke. Danab amu nug danab amelagppa nug binag iitta, amge Kayak amegppa nug binag ele.

1 Jon 3:9

Amu danab laa nug Kayak Bekka daatte amu, Kayaknu bauklel nuhigppa daatte amunu, nug hipunin kobol dim ii lamidtte. Nug hipuninppa oikkunu elele iitta. Aɗinu? Nug am Kayak Bekka.

2 Korint 12:19

Da ii doottem. Ag ihinignu, “Ag ig ahilagnu, ahilag haknu ele ena dooglagnu anam yaatteb,” dabmettebtai. Amge iitta. Ig Kristusnu daattem amunu, ig Kayak noobppa nai imu madittem. O lailad, gadonnab, da nai yaami imu oh amu ahilag ooppa genab doyak amu ɠagattag qedakkulnu yaami.

Rom 2:8

Amge danab laala ag akka ahilagnu dabmenana, ag doyak diig genabib dimettan, kobol eheɗ, amuib dim lamidtteb ele amu, geha Kayaknu oppoɗi bak aqeb, ag nob naunab aoglag.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

Matyu 28:14

Aria, gawana nug nai amu doya heeb amu, ig nug amegppa imunu akkunig amunu, ag uug laa ii anidmana,” aon appig.

1 Samuel 21:7

Am deɗ amu Dawit nug uɗia, Nop aabppa beum amu, Saulnu maɗi nid laa nug appa deɗ amuppa Yawe noobppa daakkunu dayom. Danab amu nug danab huu laa ag sipsip, makau, keeke Saulnu gumadtteb, nug am amu dilag gumak danab. Danab amu onig am Doeg, nug am Edom danab.

Aposel 12:20

Aria, Herot Agripa nug Tair, Saidon ele dilah danab ah dilagnu oo aeg beum. Amu amun danab ag ee Judanu hanhan daden meppig amunu ag enug aqamanu, danab ah amu ag qagmena gumidna gona, ag Herot ele nai bappaidkkulagnu dabmeppig. Ag amu hena, ag nuhig ehanittak anuqak danab okkai laa onig Blastus gumidna gona, amegppa Herot nug oo aeg bak amu uukkunu, ag oh maɗoɗ ele daaglagnu aeg, nug ehanadkkunu aum.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.