Esra 4:2 - Nobonob Baibel

² ag ahan, Serubabel, amu Israelnu baelkadppan danab okkai ele gumadna wana, ag appig. “Ig ag hetteb bia, ig ahilag Kayak noobppa dup nota, Nug binag mettem. Ig Asiria dilag king Esarhadon he, ig uɗit daamut, haen amuppa ig doɗ mait, Nug mettagnignu digmeta heut uɗie, gemu ele hettem amunu, ag appeg, ig ag ehanadpput, ig oh Yawe laug imu buugnig,” aon appig.

Esra 4:2 Referans Kwoze

2 King 19:37

Nug appa dayaya, deɗ laa nuhig kayak hambuppuak onig Nisrok, nug nuhig mettid lag appa, nug noobppa dup noa binag meeme, nug bekoɗ aɗit, Adramalek, Sareser ele, aa qep elabppa aa mamelah qeeh mauhom. Mauhe, bekoɗ aa oolya, wan laa onig Ararat, aa appa goya daapiɗ. Aa appa daapiɗ amu, Senakerip bekka laa onig Esarhadon, nug mameg abenab awa, Asiria dilag king ba dayom.

2 King 17:24

Israel ag anam gona daaegeg amu, Asiria dilag king nug danab ah Babilonnu, Kutanu, Awanu, Hamatnu, am Separwaimnu ele diia ukka, Israelnu aab anen anenppa maatte, Israel oulag daaglagnu daappig. Danab ah amu ag Israel wan ahilag daakkunu aon, ag Israelnu aab anen anenppa aakku daappig.

2 Timoti 3:8

Anukka Janes, Jambres ele aa Moses kekeɗ medapiɗ bia, danab amu hetteb ele, ag am doyak diig genabibnu kekeɗ daatteb. Dabmak ahilag aakku nauhom, ahilag ooppa genab doyak amu hambuppuakib.

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Aisaia 37:37

Anam amu, Asiria dilag king Senakerip nug he, nuhikkud daup ii mauhppig ele ag ahan, eɗun ag wanelagppa goppig. Ag gona, Senakerip nug nug wanebppa aab okkai Niniwe, nug appa dayom.

Sam 73:8

Ag danab ah laa hippelag qakkanna, ag nai nau maditteb. Ag am beɗuppa tak kobol henana, ag laa, ag ag oɗelag ii dim lamidkkulag dayeb amu, ag eheɗ hadappeg, ag oɗelag dim lamidkkulagnu atteb.

Esra 3:12

Ag anam heppig, amge haen Lewi buɗubppan mana mettak danab kaino kuɗum, Lewi buɗubppan mana mettak danab iitta, amunu kaino kuɗum, aria Israelnu baekkudppan danab okkai kaino kuɗum ele ag Yawenu mettid lag tatam dayom anidppig ele, ag gemu Yawenu mettid lagnu men ukku meppig anidna, ag huana gaappig. Ag gaaegeg, laa kuɗum ag oolag gamag ahe, baalag okkaippa eppig.

Esra 3:2

Ag qagmena, haen amuppa Josadak bekka Jesua, mana mettak danab laala ele, amu Sealtiel bekka Serubabel, nug laikkud laala ele, ag qaɗabppa manaknu ofa, Kayaknu uɗat danab Moses ɗo naippa yom bia hekkulagnu, ag digmena, Israel dilag Kayaknu qaɗab qeppig.

Esra 2:2

Danab ah ag ahan, Juda wanppa goppig amu, ahilkad danab okkai am Serubabel, Jesua, Nehemaia, Seraia, Relaia, Mordekai, Bilsan, Mispar, Bigwai, Rehum amu Bana ele. Aria, Israel danab ag Babilonnu eɗun uɗippignu ebqaknu lista, ⌊ag mamelkad aɗi⌋ onilkad ele am iikku.

Esra 1:5

Sairus nug anam mattie, Juda baekkudppan ikki danab, Benyamin baekkudppan ikki danab, Lewi buɗubppan mana mettak danab, amu Lewi buɗubppan mana mettak danab iitta, ag ele, aria danab ah aun laa ele Kayak Nug ag eɗun gokkulagnu ahilag dabmak maɗettom ele, ag ahan gona, Yawe laug Jerusalem appa buuglagnu dabmenan, gokkulagnu bappaidppig.

2 King 17:41

Wan laappanu danab ah amu, ag uɗippig, Israel wanppa daatteb amu, ag Yawe noobppa dup nona binag menana, kayak hambuppuak ahilag, amu ele noolagppa dup nona binalag metteb. Danab ah amu, ag bekkalkad, aɗelkad, alalkad ele amu, ag gemu ⌊nai imu yaak haenppa⌋ ele, ag kobol amuib dim lamidna henan daatteb.

Genesis 10:11

Amu Nimrot nug Sinar wanppanu aha ukka, Asiria wan ⌊ele gumakkunu ban ha awa,⌋ nug appa aab okkai laala kalattom. Ag onilkad am Niniwe, Rehobotir, Kala,

Nehemaia 9:32

O Kayak, na ihinig Kayak, na ɠagattag okkai ele, danab na anitta, nug ebehi oh bodoetta le mette elenu Kayak, na danab ah aun aɗi ele, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem. Na anam henan daattem amunu, O Kayak, uug digdig ig gemu daattem, ihinigppa beppig amu, ig na uug amunu, ‘Am keeke hamu, keeke okkai iitta,’ ii doomnanu oɗ medattem. Uug amuam, ig, ihinkad king, ihinkad ikki danab, ihinkad mana mettak danab, ihinkad propet danab, ig mamenkad aɗi, ig laa oh ele, ig oh ihinigppa beppig. Asiria dilag king ag digmena, uug amu ig mekkaeg uɗie uɗie, gemu ele ig uug amu anidttem.

Aisaia 37:38

Nug appa dayaya, deɗ laa nuhig kayak hambuppuak onig Nisrok, nug nuhig mettid lag, appa nug nug noobppa dup noa binag meeme, nug bekoɗ aɗit, Adramalek, Sareser ele, aa qep elabppa aa mamelah qeeh mauhom. Mauhe, bekoɗ aa oolya, wan laa onig Ararat, aa appa goya daapiɗ. Aa appa daapiɗ amu Senakerip bekka laa onig Esarhadon, nug mameg abenab awa, Asiria dilag king ba dayom.