Esra 3:1 - Nobonob Baibel

¹ Haen danab amu ag eɗun uɗin, ahilkad aab anen anenppa daan amu, maɗ amuppa kalam eblaih aɗitppa Israel danab oh ag Jerusalem appa laippu aɗamen qagmeppig.

Esra 3:1 Referans Kwoze

1 Korint 1:10

O lailad, da Naɗi Jesus Kristus onigppa ag unuqadttem, ag obatak obatak daamnanu ag oolag laippu dayeg! Ag dabmak laippu, aɗi haknu laippu ele daaglagnu ag oolag laippunab dayeg!

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,

Lewitikas 23:24

“Na Israel danab ah nai imu appe doyeg!” awa aum. ⌊Nug anam a amu, Moses nug inam ag amelagppa aum.⌋ “Kalam ebqak eblaih aɗit ele, kalam amunu deɗ digmakppa, ag hik aoglagnu daatte. Deɗ amuppa ag uɗat hekkulagnu ii daatte. Ag uɗin, Kayak noobppa qagmena dup nona Nug binag mekkulagnu daatte. Amuam Trampet Iwalaknu Hobul dayak haen aakku. Trampet huana iwaleb, ag qagmekkulag.

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

Sepanaia 3:9

Aɗinu? Da amu hewoya, wan atu ohppan danab ah ag da Yawe, ag da unuqilkkulagnu, ag oh laippu daan, ag da waalppa daan, da oɗel dim lamidkkulagnu, da heppi, ag amu hekkulagnu elele daaglag.

Nehemaia 8:14

Ag anam uɗin daaegeg, Esra ɗo nai amu mehuqeqe, ag Yawe Nug Moses oɗeppa Israel danab ah ag kalam eblaih aɗitppa hobul laa henana, ag peh lagppa daaglagnunab ippuanattom anidppig.

Nehemaia 7:73

Ag amu oh hena malona, Lewi buɗubppan mana mettak danab, Lewi buɗubppan mana mettak danab iitta, danab od gumappig, danab ah ahi edappig, Kayaknu mettid lagnu maɗi nid, amu Israel danab laa ele, ag eɗun gona, aab diig ahilkadppa daappig. Aria, ag gona daaegeg ukke, kalam ebqak eblaih aɗit ele digmekkunu ⌊miag do⌋, haen gamag amu oh ag aab diig ahilkadppa aakku daanna,

Ikki Danab 20:1

Am anam beum, aakku Israel ohnab, aab onig Dan, appanu ukka ukka Berseba batak, Gileat wanppanu ele, ag oh aɗa mak laippu, Mispa appa Yawe noobppa qagmeppig.

Lewitikas 16:29

Ag keeke imu oh maɗ ohppa, kalam ebqak eblaih aɗit ele, kalam amunu deɗ eblaih tanig eleppa hekkulagoitte. Ag deɗ laippu amu ohppa amu, ag ee ohnu kud mena daanna, uɗat laa iinab hemana. Ɗo imu nug hanhannu, Israel danabnab, amu wan laihnu danab, ag uɗin, ag oolagppa daatteb ele, ahilag ohnu daatte.

Nehemaia 8:1

ag ahan Jerusalem uɗin, ag aɗnu od onig Lenu Od, ag haɗap laa amu guguittak dayomppa qagmena daappig. Ag qagmen daanna, ag yaak danab Esra, nug Ɗo Nai Buk, Yawe Nug nai amu Israel danab ah dim lamidkkulagnunab Moses amegppa a, Moses nug bukppa yom amu, ag Esra nug Mosesnu buk amu awa uɗia, ebqeeb dooglagnu appig.

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Nehemaia 7:72

Danab ah laa ag 170 kilogram gol, 1,100 kilogram silwa, mana mettak danab dilag lamen 67 ele en maknu oo, amuppa meppig.