Esra 1:6 - Nobonob Baibel

⁶ Ag gokkulagnu dabmenan babaittegeg, ahilkad mudippan lailkad ag ehanadna, ag keeke silwa, gol eleppa hak, lamen keeke, doɗ, keeke daden maknu men doɗo okkai ele ahilag daakkunu, amu ɗo hamu mettaknu ofa hekkulagnu doɗ keeke ele ag madappig.

Esra 1:6 Referans Kwoze

2 Korint 9:7

Ag anen anen oh ahilag dabmakppa, ag akka ag oolag tutukku elele anidna, ahilag dabmakppa gane mattaglagnu dabmak aon, matteg! Danab laa nug keeke oo qeebeb, ehanittak keeke maama, dabmak nuhigppa, “Ag ɠagattag wagai mena heppig amunu, da mattami,” ii dabmema. Iitta. Kayak Nug danab nug oo gamag ahehe, ehanittak keeke laa medatte, Nug nuhignu ooppa ena dootte.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Esra 8:33

Ig deɗ ewam hik aot malat, ig deɗ waɗeleppa ihinig Kayaknu mettid lag, amuppa teta, ig silwa, gol, amu keeke Kayaknu tituanak daatte ele skelppa mewota, ig keeke amu oh mana mettak danab Uraia bekka Meremot eppegppa memut. Haen ig keeke amu oh nug eppegppa memut amu, mana mettak danab laa, Pinias bekka Eleasar, amu Lewi buɗubppan mana mettak danab iitta, ag am Jesua bekka Josabat, Binui bekka Noadia ele, ag ele oh daappig.

Esra 1:4

Ag Israel ag gemu ippa diia ukka laih me dayak danab ah daatteb amu, ag oolagppanu laa gokkulagnu dabmekkulag dayeb amu, ag gokkulag. Laa ii gokkulagnu dabmekkulag, ag laa gokkulag ele, ag gona, appa keeke hekkulagnu amu, ag ehanadnana, silwa, gol, lamen keeke, doɗ, amu ɗo hamu mettaknu ofanu doɗ keeke ele aon gokkulagnu mattaglagoitte. Ag gokkulag ele amu, ag keeke amuppa Kayaknu mettid lag Jerusalem appa buun, ag ele ɗo hamu mettaknu ofa hekkulag.” Sairus nug anam mattie, pepappa yaappig.

Nehemaia 6:9

Ihinkad kekeɗ ag anam heppignu diig am ag, “Ig hepput, Juda ag baɗan, uɗat ag hetteb amu ag uun, ii hena malamna,” anana, ag anam heppig. Ag amu heppig doomi, amunu da Kayak unuqidmi. “O Kayak, na da ɠagattag meɗakkutnu oɗ medattem,” awe unuqidmi.

Aisaia 35:3

⌊Anam bekku amunu, ag dahil nai doon, Yawenu oolagppa genab dootteb ele,⌋ ag danab ah ag dabmak ahilagppa, “Ig ebehinig iitta,” doon, ag ahilag dabmakppa, “Ig am gai-iitta daattem,” ele doon oitteb amu, ag ag ehanadna,

Eksodas 12:35

Am Israel ag Moses aum bia, ag matu Isip danab ah gol balanu, silwa balanu, amu lamennu ele oɗ madappig.

Eksodas 12:36

Am Yawe Nug he, Isip danab ag Israel dilagnu ena anadppig, amu Isip ag Israel aɗi keeke aoglagnu oolag daye appig amu, ag madappig. Israel ag kobol anam heppig amunu, amuppa ag Isip danab ah dilag keeke amu ohbia aɗadppig.

1 Stori 29:9

Okkai danab ag oo qak iitta ele, ag meulag ohppa ele Yawe keeke amu medappig amunu, danab ah ag ahilkad okkai ag oo qak iitta ele keeke Yawe medappig anidna, ag oolag gamag ahom. King Dawit nug ele oo gamag huanak ahom.

Sam 106:46

Nug he, laa ag ag aɗualatteg, ag eppelagppa daappig amu, ag ahilagnu oolag gai-iitta doon, oolag mattan, ehanadppig.