Esra 1:3 - Nobonob Baibel

³ Nug anam aum amunu, ag Juda buɗub amu, ag oolagppa aun ag Jerusalem gona, amu hekkulagnu dabmetteb ele amu, Yawe, ahilag Kayak, Nug ag ele daanna, ag Juda wanppa, Jerusalem appa gona, ag Yawe, Nug Israel dilag Kayak, nuhig dayak aben am Jerusalem appa daatte amu, ag appa tena, lag nuhig buuglag.

Esra 1:3 Referans Kwoze

Daniel 6:26

Da ɗo imu iikku mei gotte. Danab ah ohnab ag da wan atu gumattem amu, wan amunu aben ohppa, ag ohnab ag Danielnu Kayaknu ebehilag oh bodoetta le maɗ! Danielnu Kayak Nug bau daatte. Ao, Nug hanhan daatte. Nuhig ɗo maɗoɗnu amu, laa nug heeb ii nauhma. Ge, nuhig wan atu gumak am alet, ii tuqa awak daatte.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Aisaia 45:5

Da dakka aakkuib am Yawe! Kayak laa ii daatte. Na da ii dooiɗttem, amge da heppi, na ɠagattag daakkut.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Duteronomi 32:31

Nai amu genab daattenu diig am, ig Israel, ihinig Kayak, Nug hanhan ɠagattag daatte. Anam amge, ihinkad kekeɗ dilag kayak, ag am ɠagattag iitta. Ahilag kayak am ihinig Kayak bia iitta. Anam amu, ihinkad kekeɗ ag amu doon maditteb.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

1 Stori 28:20

Amu Dawit nai imu ele Solomon amegppa aum. “Na ɠagattag daan, ootppa ele ɠagattag doon, uɗat amu he! Yawe Kayak, dahil Kayak, Nug na ele daattep amunu, na aib baɗame. Na dabmak qe nak ele aib doome. Na lag amu, danab ah ag appa Yawe noobppa dup nona Nug binag mekkulagnu daakkunu, amu lag amunu keeke ele babaittak daakkunu, na lag amu heppe ukka ukka, gogppa tekkunu, Nug ii uuidma; Nug ehanidkkunu dabmak ii paɗama.

1 King 8:23

nug unuqitta aum. “O Yawe, na am ig Israel, ihinig Kayak. Kayak laa na bia habppa, o honap wanppa ele, laa ii daatte. Amu na nahipad maɗi nid maɗi ah ele, ag meulag ohppa nahip ib dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

1 King 18:39

Aria, haen danab ah oh ag amu anidna amu, ag oh laippun gatelag qaun o, gomelna, iɗulag wanppa mena, ag inam eppig. “Yawe Nugib am Kayak genab, Yawe Nugib am Kayak genab!” aon eppig.

Esra 1:4

Ag Israel ag gemu ippa diia ukka laih me dayak danab ah daatteb amu, ag oolagppanu laa gokkulagnu dabmekkulag dayeb amu, ag gokkulag. Laa ii gokkulagnu dabmekkulag, ag laa gokkulag ele, ag gona, appa keeke hekkulagnu amu, ag ehanadnana, silwa, gol, lamen keeke, doɗ, amu ɗo hamu mettaknu ofanu doɗ keeke ele aon gokkulagnu mattaglagoitte. Ag gokkulag ele amu, ag keeke amuppa Kayaknu mettid lag Jerusalem appa buun, ag ele ɗo hamu mettaknu ofa hekkulag.” Sairus nug anam mattie, pepappa yaappig.

Esra 5:3

Amu haen amuppa Tatenai, nug Persianu prowins Yupretis lenu qaban uɗitteppanu gawana dayom. Nug anam daye, nug, Setar Bosenai ele, ahilti ehanittak laala ele ag Juda heppig doon, ag ahan gona, Juda danab Kayaknu mettid lagnu uɗat heppig ele oɗ mattan appig. “Aun aum amunu ag Kayaknu mettid lag imu eɗun bappaidna henan daatteb?” aon oɗ madappig.

Aisaia 37:16

“O Yawe Nakka Ɠagattag Oh Ele, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Yawe, na aakkuib am wan ohppan Kayak daattem.

Esra 4:3

Ag anam appig, amge Serubabel, Jesua, amu Israel baelkadppan dilag okkai laa oh ele ag eɗun, nob mena, inam appig. “Ag ehanigppeg, ig Juda, ig ihinig Kayaknu mettid lag ii buumta. Iitta. Ig Persia dilag king Sairus nug ig Yawe, ihinig Kayak, ig Nug laug buugnignu haknunab aum bia, ig ikka buugnig,” aon appig.

Esra 5:13

Anam aakku, amge Sairus nug Babilon dilag king abenab awa, nuhig king dayaknu maɗ digmakppa nug ɗo nai laa, ig Juda danab ig Kayak laug imu eɗut buugnignu ana meum.

Esra 6:7

Ag Juda dilag gawana, Juda dilag ikki danab ele ag Kayak laug amu buutteb, ag amu ii buumnanu baula uug aib madappig; uuadppeg, lag amu dayomppa eɗua daakkunu buuglag!

Sam 132:13

Aɗinu ⌊Yawe Nug anam aum⌋? Nug Sion tituanom. Nug appa daakkunu oo daatte.

Aisaia 44:28

Amu da Sairusnu ele attem. ‘Danab ah dahilad ag sipsip bia daatteb, amu Sairus nug am dahil sipsip gumak danab daatte. Nug da ool hette oh heeb bekku. Nug Jerusalemnu, “Danab ag ahan babaitteg!” akku. Ao, nug dahil mettid lagnu, “Danab ag ahan, digmen babaitteg!” akku.’ ” Yawe Nug anam atte.