Biblia Todo Logo
Bib sou entènèt

- Piblisite -




Esra 1:1 - Nobonob Baibel

1 Anukka Persia dilag king Sairus nug Babilon dilag king daye, nuhig king dayaknu maɗ tatamnu Yawe Nug nai Jeremaia oɗeppa mattiom ele meu okkunu, Nug Sairus nuhig dabmak maɗette, nug wan oh nug gumaama, nai laa pepappa ya me, ag oh, ahilagppa ukkom.

Gade chapit la Kopi




Esra 1:1
23 Referans Kwoze  

Amu Yawe Nug inam ele atte. “Babilon nug ɠagattag maɗ 70 dayebeb, nuhig ɠagattag dayak haen amu iitta mekku amunu, haen amuppa da ag Juda, gemu Babilon wanppa diia ukka laih me dayak danab ah daatteb, da ag gumatten ukken heppi, da kobol ena ahilagppa hekkulnu nai ain qakkami am meu ob, ag eɗun ippa uɗiglag.


King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.


Yawe, ig mamenkad aɗi dilag Kayak, Nug he, king nug Yawe laug Jerusalem appa daatte, nug lag amu binag mekkunu anam dabmeum amunu, ig Kayak binag metu.


Nug he, laa ag ag aɗualatteg, ag eppelagppa daappig amu, ag ahilagnu oolag gai-iitta doon, oolag mattan, ehanadppig.


Yawe Nug gamag ahak naɗi mattom amunu, ag deɗ eblaih aɗit ele Bret Yis Iitta Lanaknu Hobul Nakok lanan, gamag ahak dooppig. Yawe Nug he, Asiria dilag king nug ahilagnu ena doya ehanatte, ag Kayak, Israel dilag Kayak, ag Nug laug buuglagnu elele daan heppig amunu, ag gamag ahak dooppig.


Aria Nebukatnesar king abenab awe, maɗ laippu uue, maɗ aɗit ooppa Nebukatnesar nug tul niiom. Nug tul niia, aha, dabmak huanaknab awa, eɗua niikkunu elele iitta.


Ag anam aeg amu, Jon nug propet Aisaianu nai imu awa, nob ma amelagppa aum. “Da am baag laa atu taɗakppa ewawa, ‘Ag Naɗinu ib tutukku, tak nak iitta ele babaitteg!’ ” awa aum.


Sairus nug anam mattie, Juda baekkudppan ikki danab, Benyamin baekkudppan ikki danab, Lewi buɗubppan mana mettak danab, amu Lewi buɗubppan mana mettak danab iitta, ag ele, aria danab ah aun laa ele Kayak Nug ag eɗun gokkulagnu ahilag dabmak maɗettom ele, ag ahan gona, Yawe laug Jerusalem appa buuglagnu dabmenan, gokkulagnu bappaidppig.


Ag anam appig, amge Serubabel, Jesua, amu Israel baelkadppan dilag okkai laa oh ele ag eɗun, nob mena, inam appig. “Ag ehanigppeg, ig Juda, ig ihinig Kayaknu mettid lag ii buumta. Iitta. Ig Persia dilag king Sairus nug ig Yawe, ihinig Kayak, ig Nug laug buugnignu haknunab aum bia, ig ikka buugnig,” aon appig.


King Sairus nug king dayaya, nuhig king dayaknu maɗ digmakppa nug Kayaknu mettid lag Jerusalem appa daakkunu ɗo laa meum. Nai amuam inam. ‘Jerusalem appa danab ag doɗ main, Kayak mettaglagnu amu, Juda danab ag eɗun, Kayaknu mettid lag eɗua daakkunu, ag lag amu buueg! Ag lag amunu men ukku mewona, ag lag buuglag; lag amunu emaitak am 27 mita, attan tak nuhig ele 27 mita daakku.


Ag anam heppig amunu, Juda dilag ikki danab ag Kayaknu mettid lag heegeg, propet danab Hagai, propet laa Ido buɗub Sekaraia ele, aa naippa ɠagattag aqaeheh, ag lag amu heppig. Ag Kayak, Israel dilag Kayak, ag nuhig haknunab anak, amu Persia dilag king Sairus, Darius, Artekserksis ele, ahilag ɗo maknu anak, ag ele appig bia, ag Kayaknu mettid lag buun malappig.


Amu da Sairusnu ele attem. ‘Danab ah dahilad ag sipsip bia daatteb, amu Sairus nug am dahil sipsip gumak danab daatte. Nug da ool hette oh heeb bekku. Nug Jerusalemnu, “Danab ag ahan babaitteg!” akku. Ao, nug dahil mettid lagnu, “Danab ag ahan, digmen babaitteg!” akku.’ ” Yawe Nug anam atte.


Buk imuppa propet Jeremaia nug nai laala aum amu, nai amuam buk imuppa yaak daatte. Jeremaia nug mana mettak danab laa. Nug mameg onig am Hilkaia. Hilkaia, mana mettak danab laala ele, ag appalag diig onig am Anatot. Anatot am Benyamin wanppa daatte.


Daup Persianu, Kusnu, Putnu ele ag nahipad daup oolagppa daaglag. Ag oh guppiɗ, hat aenppa hak igippanu ele.


Aria, amu dimppa King Darius nug nai laa huu ohppan danab ah, ɗo maɗoɗ ohppan danab ah, nai ohppan danab ah dilag ele inam yom. “Ag enanag, maɗoɗ ele daaglagnu ool daatte.


maɗ amuppanab da, Daniel, da Yawenu nai propet yaappig ebqein, da Yawe Nug Jeremaia ippunitte, nug yom bia, Jerusalem am maɗ 70 nauhak dayeb, haen amu maleb, ag bappaidppeg daakkunu doomi.


Yawe Nug Sairus king daakkunu goɗen gokkaɗakppa tituanom. Nug wan laala eɗatta diiaknu, nug king laala dilag ban haknu keeke aɗatta awaknu, nug aab okkainu aɗ od matulattebeb, appa wanaknu ib keldoak daamanu, Yawe Nug nug eppeg naɗiap aɗom daatte. Amu Yawe Nug Sairus amegppa inam atte.


Amu Daniel nug kingnu ikki danab daye ukke, king laala beeg ukke, Sairus king abenab awa daya, maɗ nug amu digmeumppa Daniel nug uɗat amu uuom.


Swiv nou:

Piblisite


Piblisite