Epesus 1:1 - Nobonob Baibel

¹ Da Pol, da Kristus Jesusnu totol danab daakkulnu Kayak Nug da tituaniɗom amu, da Epesus danab ah ag Kayaknu danab ah oppiaawak ele, ag Jesus Kristusnu daaglagnu oo metta ii uuak kobol dim lamidtteb ele, da ahilagnu iikku yaattem.

Epesus 1:1 Referans Kwoze

Kolosi 1:2

i uɗug imu ag danab ah Kolosi daatteb, i laintad, ag Kayaknu danab ah oppiaawak ele, ag Kristusnu daaglagnu oo metta ii uuak kobol dim lamidtteb, i ahilagnu yaattep. Ig Mamenig Kayak, nuhig ehanittak okkai hamu mettak, amu nuhig maɗoɗ ele ahilagppa daaglahnu oonih daatte.

2 Korint 1:1

Da Pol amu, Kayak Nug nukka da totol danab meiɗe, da Kristus Jesusnu totol danab daattem. Da ig lainig Timoti ele i ad uɗug imu yaattep, amu i ag danab ah Kayaknu Kristen tamaniak Korint daatteb, ahilagnu amu Kayaknu danab ah oppiaawak ele oh prowins Akaia appa daatteb, amu oh dilagnu ele yaattep.

Galesia 1:1

Da Pol, da am Jesusnu totol danab. Da am danab dilag totol iitta. Laa ele amu, danab laa nug da Jesusnu totol uɗat hekkulnu ii meiɗom. Iitta. Jesus Kristus amu ig Mamenig Kayak, Nug Kristus moɗppanu bau maɗettom ele amu, Nug ele, aa aakkuib da meiɗpiɗ.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Epesus 6:21

Ag da attem daattem, da aɗi hettem ele amu, ag amu dooglagnu Tikikus, nug da ele, i oh Naɗinu oonihppa genab doottep, nug da layalnab, nug Kayaknu maɗi nid genab, nug geha amu oh mattieb dooglag.

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

Luk 16:10

Am danab laa nug keeke nakok dabmedakkunu oo metta ii uuak kobolppa dabmedatte amu, aria geha nug keeke okkai ele oo meta ii uuak kobolppa dabmedakku. Amu danab nug keeke nakokppa uɗat tutukku haknu ii dootte, am geha nug keeke okkaippa uɗat tutukku haknu ele ii dooma.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

Galesia 3:9

Amunu danab ag oolagppa genab dootteb ele, ag Abraham, nug am danab ooppa genab doyak ele, ag nug itittak ena awom bia aotteb.

Rom 8:1

Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

Aposel 16:15

Nug nai doya oo eɗue layattak awe, nug baekkudppa ele ag layattak aoppig. Lidia layattak awowa, nug ig amenigppa aum. “Ag da Naɗinu oolppa genab doottem elele anidtteb dayeb amu, aria ag uɗin, da laulppa dayeg!” awa aum. Nug anam ana wagai ma he, ig nug oɗe dim lamidta, gota nug laugppa daamut.

Revelesen 2:13

Da nahip dayak adeppa daatte amu, da doottem. Satan nug aben amuppa nug okkai daatte, amge na da onil ɠagattag aɗattem. Na dahilnu ootppa genab doottem, amu anukka Antipas, nug oo metta ii uuak kobol dim lamitta nai dahil mehuqttom ele, nug mehuqeqe, na appanppa, Satan aguppa daatte amu, appa laa ag Antipas qeeg mauhom, amge haen amuppa ele na ooppa genab doyak nahip dahilnu ii paɗame.

Namba 12:7

Amge Moses, dahil maɗi nid amu, nug dahilad danab ah oolagppa oo metta ii uuak kobol elelenab dim lamidtte amunu, da nug amegppa ib anamppa nai ii madittem.

1 Korint 4:12

Keeke aognignu amu iikku eppenigppa uɗat naɗi hettem. Laa ag ig eheɗ laa awaknu anak waappa daagnignu nai mattieg, ig nai enappa ahilag nai nob meta itittak ena madattem. Ag ig eheɗ heikkegeg, ig amu maot oittem.

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

Aposel 18:19

Aria, ag gona Epesus tena, Pol nug ukka, Juda dilag nai doyak lakka no, Juda danab ag nug ele nai madippig. Nug ag ele nai mattin, ag nug amegppa appig. “Na haen nakok elab ig ele daatu!” aon appig amge nug aum. “Da anam hekkulnu elele ii doottem,” awa aum. Pol nug anam awowa, gokkunu haaha, nug ag amelagppa aum. “Kayak Nug dabmaknab amu awa ab amu, da eɗue uɗie anadkkul,” awa aum. Nug anam awowa, nug Prisila, Akwila ele aab okkai amuppa daaglahnu uuate daaeheh, nug uubppa ta, Epesusnu aha ukkom.

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Epesus 1:15

Kayak Nug anam tituanikkom amunu, da ag Naɗi Jesusnu oolagppa genab dooppignu nai, ag Kayaknu danab ah oppiaawak ele oh dilagnu oolag mauhttenu nai ele doyoya,

Epesus 2:6

Kayak Nug Kristus, ig ele oh eɗua maɗeɗikke, ig Kristus Jesusnu daaut, Kayak nug he, Kristus ig ele, ig oh hab aabppa heɗep neta daattem.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Epesus 2:13

Amge gemu ag Kristus Jesusnu daatteb. Ag tatam uma daappig, amge Kayak Nug Kristus tiigppa ag omalatte, Nug gumidna uɗippig.