Eksodas 9:29 - Nobonob Baibel

²⁹ Paro nug anam a amu, Moses nug oɗeppa awa aum. “Da aab okkai ooppanu eɗue, dimittim goppi, haen amuppa na wan oh am Yawe, nuhigib daatte dookkutnu, da eppel attan hume, Yawe unuqidppi, geha hakkaɗ qak uueb, ais doɗo nette amu, amu ele iitta mekku.

Eksodas 9:29 Referans Kwoze

1 Korint 10:26

Aɗinu? Wan, amu keeke oh wanppa daatteb ele am Naɗinuib.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Sam 143:6

Da na guguittaknab daakkulnu ool ahak ele daattem. Ao, atu qaɗaiettakppanab danab laa le baag diie, nug le aokkunu oo okkai daatte, amubia da na guguitten daakkulnu ool okkai daatte. Sila.

1 King 8:38

ig Israel, ig nahipad danab ah, ig anen anen uug ig oonigppa doot, ig oonigppanu aun nug eppeg bahia, mettid lag imu epponana, na unuqidkku dayeb,

1 King 8:22

Solomon nug nai amu mattia mala, nug eɗua, Yawenu qaɗab guguitta ukka, qaɗab am noobppa daye, Israel danab ah oh noolagppa anam dayaya, nug eppeg laih laih oh bahia, eppeg oo oh otale hume daye,

Duteronomi 10:14

Antteg! Hab, hab waappa, hab attan ukke ukke, adekku batatte, aria wan, am wanppan keeke oh ele amu, amu oh am Yawe, ahilag Kayak, nuhigib daatteb.

1 Korint 10:28

Amge danab laa nug ag amelagppa, “Ag doɗ teppu imu main kayak hambuppuak medappig,” ab, aria danab nug amelagppa aum amu, ag nuhig ooppan oiyak ippunittaknu ulum dabmena, doɗ amu aib lappig.

Sam 135:6

Yawe Nug habppa, wanppa, yuppa, amu yu unuqagppa ele aɗi hekkunu dabmette amu, Nug hette.

Sam 50:12

Wan, amu keeke oh amuppa daatteb ele am dahil amunu, da enug iutte elelob, da ag ee meɗaglagnu oɗ madakkulte?

Job 11:13

Anam daatte, amge na Kayaknu danabnab daakkutnu na meut ohppa hekkut dayeb; na Nug unuqidkkutnu na eppen bahippe, nuhigppa tekku dayeb,

Esra 9:5

Amu mana mettak danab ag tueb doɗ manan, Kayak mettaglagnu haen do, da dakka onil qei ne, heɗep nein daamippanu ahen, dahil lamen patiɗak dayeye, da dup noin, gatel qaun o, da eppel humai ta, Yawe, dahil Kayak, Nug daatteppa ukke,

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Eksodas 9:33

Aria, Moses nug Paro uuitta, aab okkai dimittim ukka, nug eppeg hume attan te, Yawe unuqittom. Unuqitte, hakkaɗ baula ii qe, ais doɗo baula ii ne, gu huana ele ii neum; mataɗom.

Eksodas 8:22

Amge na danab ah dahilad ii paɗadppe, qid ameg naɗi bekkulag amu, deɗ amuppa, na geha da Yawe, da wan imuppa daattem dookkutnu, da aben onig Gosen, dahilad danab ah appa daatteb amu, wan amu da gumakkul amunu, wan amuppa qid ag gona ii daamna.

Eksodas 20:11

Aɗinu? Da Yawe, da deɗ eblaih laippu ele uɗat hei ukke, hab, wan, yu ele, amu keeke oh amuppa daatteb ele hattami, amge da deɗ ebqak eblaih aɗitppa, da hik aomi. Da keeke amu oh deɗ amuppa hein maloya, da deɗ eblaih aɗitppa hik aomi amunu, da deɗ ebqak eblaih aɗit ele, amuam Sabat aakku, da deɗ amu itittak ena mettoya, dahil daakkunu tituanmi.

Eksodas 8:6

Yawe Nug a, Aron nug dudqak hokkat huma attan aɗa, le epponatte amu, og kuɗumnab bena, Isip wan amu oh ambeppig.