Eksodas 7:9 - Nobonob Baibel

⁹ “Am haen aa Paro noobppa daayya, aa nug amegppa nai madipeɗ, Paro nug ⌊da aa maati gopiɗ dookkunu⌋ nug aa kobol danab haknu elele iitta laa hepeɗ anidkkunu aa amelahppa akku amunu, Moses na Aron amegppa appe, nug dudqak hokkat awa buɗieb, Paro noobppa wanppa noaɗ! Nob amu, geha dudqak hokkat amuam eɗua mat bekku.” Yawe Nug Moses, Aron ele amelahppa anam aum.

Eksodas 7:9 Referans Kwoze

Jon 2:18

Anam daye amu, Juda okkai ag amu anidna, ag Jesus amegppa appig. “Na Kayak dabmettaknu kobol danab haknu elele iitta aɗi laa heppe, ig anidta, na heme imu hekkutnu ehah ele daattem amu, ig doognig?” aon appig.

Aisaia 7:11

“Na Yawe, nahip Kayak, Nug na aɗinab at laa na ippunidkkunu oot daatte amu, na amunu Nug oɗ mette! At amuam wan unuqagppanute oot daatte, o iitta habppanute, o iitta adeppanu na oot daatte amu, na oɗib meppe, geha Kayak Nug nukka na at amu ippunidkku,” awa aum.

Eksodas 4:2

Moses nug anam a amu, Yawe nug oɗ mettom. “Na aɗi aɗattem?” A amu, Moses nug aum. “Da dudqak hokkat aɗattem,” awa aum.

Jon 6:30

Jesus Nug anam aum amunu ag appig. “Na Kayak dabmettaknu kobol danab haknu elele iitta aɗi laa heppe, ig anidta, nahipnu oonigppa genab doognigte? Na amu laa attem hekkut?

Eksodas 4:17

Aria, na gonana, na dudqak hokkat nahip imu ele aon ukke! Dimppa na geha dahilnu dabmettaknu kobol danab haknu elele iitta, amuppa hekkut,” awa aum.

Eksodas 10:13

Yawe anam aum amunu, Moses nug dudqak hokkat attan huma, Isip wan eppone, Yawe he, ulah laih kaɗag uɗitteppanu deɗ laippu, amun tuqan ele uɗiaya dayom. Daya, buttua amu tap-lokus ele diie uɗippig.

Jon 10:38

Amge da Mamenu uɗat hettem dayeb, ag amuppa dahil nainu oolagppa genab dooglagnu elele iitta dabmak aotteb dayeb, da uɗat laala, danab haknu elele iitta hettem amu, ag amu anidna, oolagppa genab doyeg! Amuppa ag doyak aona, Mame Nug dahilppa dayeye, da nuhigppa daattem amu tutukku dooglag,” awa aum.

Matyu 12:39

Aeg am Nug nob ma aum. “Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Propet Jona, nuhigppa aɗi beum aakkuib ag ippunadkkul.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Eksodas 9:23

Aakku Moses nug dudqak hokkat nuhig awa aɗa, hab eppone, amu Yawe Nug he, hakkaɗ qe, amemɗi awa, wanppa ne, ais doɗo ele neum. Yawe Nug he, ais doɗo Isip laih ohppa aakku neum.

Eksodas 4:20

Yawe anam a amu, Moses nug wau, bekoɗ aɗit ele diia, donki laa attan maatta, nug dudqak hokkat nuhig, Kayak nug awa gokkunu aum amu, nug amu awa aɗe, ag Isip gokkulagnu goppig.

Eksodas 7:8

Aria, Yawe Nug Moses, Aron ele amelahppa inam aum.

Eksodas 4:3

Moses nug anam a amu, Yawe Nug aum. “Na dudqak hokkat amu maoppe, wanppa noaɗ!” awa aum. Awa aum amunu, Moses nug mawe wanppa noa, dudqak hokkat amu eɗua, mat me, Moses antta, nug baɗa oolom.