Eksodas 5:5 - Nobonob Baibel

⁵ Aria, Paro nug anam Moses, Aron ele amelahppa awowa, nug inam dabmeum. “Antteɗ! Israel ag kuɗumnab appatna, huanak daatteb, am gemu aa aɗinu ag uɗat uun, hamu daaglagnu hettep?” awa dabmeum.

Eksodas 5:5 Referans Kwoze

Prowerb 14:28

King laa nug danab kuɗum nuhig ɗo waappa daatteb amu, nug am binag amahlak oppiaawak ele daatte; amge king tiigppan laa nug nuhig ɗo maɗoɗppa danab ah laa ii daatteb dayeb amu, nug nauhkku.

Eksodas 2:11

Dimppa Moses nug danab okkai ma, nug ukka, Hibru danab anattom; ag nug ele amu, ag tiilag laippu. Nug ag Paronu uɗat ɠagattag, uug ele heegeg anattom. Nug anam anattette amu, Isip danab laa aha, Hibru danab makkuɗeɗe anatom. Danab guittak awom amu, nug Moses ele aa tiilah laippu; aa oh am Hibru danab.

1 King 12:14

nug nid bau dilag ulum nai dim lamitta, nug ag amelagppa inam aum. “Am genab, da mamel nug ag uɗatnu uug okkai, ɠagattagnab mattom, amge da amu, geha da ag amu eɗittak, okkainab madakkul. Da mamel nug ag bu qaun eleppa mataɗattom, amge da bu qaun ele noob aeg eleppa ag mataɗadkkul,” awa aum.

2 Stori 10:11

Genab, da mamel nug ag uɗatnu uug okkai, ɠagattagnab mattom, amge da amu, geha da ag amu eɗittak, okkainab madakkul. Da mamel nug ag bu qaun eleppa mataɗattom, amge da amu geha bu laa noobppa aeg ele awe, ag huan mataɗadkkul.’ Na anam appe doyeg!” aon appig.