Eksodas 40:1 - Nobonob Baibel

¹ Ag amu oh hena malaeg, dimppa Yawe Nug Moses amegppa aum.

Eksodas 40:1 Referans Kwoze

Eksodas 39:43

Amu ag keeke amu oh akkan uɗieg, Moses nug ag keeke oh Yawe nug amegppa haknunab aumbianab heppig anttom. Nug anam antta, nug ag itattom.

Eksodas 40:2

“Doye, kalam digmaknu deɗ digmakppa, na dahil mettid haknu peh lag, amuam dahil mettid haknu peh lag danab ah appa qagmetteb ele, na lag amu aon qappe!” awa aum.

Eksodas 31:7

Keeke ag hekkulagnu ami am, dahil mettid haknu peh lag danab ah appa qagmetteb ele, Tituanak Nainu Kunup kontrak inak ele, amunu ameg ele, ameg amuam eheɗ haknu nob nau tiigppa iitta me elele medatte ippunadtte amu, aria keeke laa am dahil peh lakkanu uɗat haknu keeke digdig. Keeke amuam balal ⌊epeɗiaknab⌋, nuhig keeke ele, lam maattaknu balal, gol ena dubuttid iitta eleppa hak, amu nuhig keeke ele, kalu muttuɗig enanag ileb baknu qaɗab, manaknu ofa haknu qaɗab, nuhig keeke ele, amu le layaknu tappiɗ, nug baeg ele.

Eksodas 35:10

Ag keeke amu aon uɗippeg amu, ag oolagppan danab oh ag keeke hekkulagnu doon autna aotteb ele, ag uɗin, ag keeke oh Yawe haknunab aum amu, ag heig!

Eksodas 39:32

Mettid haknu peh lag amu, lag amunu uɗat oh anam heeg, uɗat amu aakku malom. Israel ag keeke oh Yawe Nug Moses amegppa haknunab aum, ag Nug aumbianab aakku heppig.

Eksodas 40:17

Israel ag Isipnu ahan goppig, dimppa maɗ laippu uue, maɗ aɗit digmakppanab, kalam anuqaknu deɗ anuqakppa, ag mettid haknu peh lag qabappig.

1 Stori 21:29

Yawenu mettid haknu peh lag, Moses atu taɗakppa heum, aria manaknu ofa haknu qaɗab ele amu, lag, qaɗab amu ele haen amuppa Gibeon appa, appan mettid haknu abenppa daapiɗ.