Eksodas 39:43 - Nobonob Baibel

⁴³ Amu ag keeke amu oh akkan uɗieg, Moses nug ag keeke oh Yawe nug amegppa haknunab aumbianab heppig anttom. Nug anam antta, nug ag itattom.

Eksodas 39:43 Referans Kwoze

2 Stori 30:27

Amu Lewi buɗubppan mana mettak danab ag ahan, danab ah itittak ena mattaglagnu heppig. Ag anam heeg, Kayak Nug hab attan, nuhig dayak aben oppiaawak eleppa dayeye, ag danab ah amu itattegeg, Kayak Nug itattak amu doya, ⌊itittak ena ag mattom⌋.

1 King 8:14

King Solomon nug unuqittowa, nug eɗua Israel danab ah oh ag appa hippaidna daappig ele, nug ag neekkattatta, Kayak onigppa danab ah itittak ena mattom.

2 Samuel 6:18

Amu Dawit nug manaknu ofa, laippu dayaknu ofa ele manatta, Kayak metta mala, nug Israel danab ah Yawe Nukka Ɠagattag Oh Ele onigppa itittak ena ag mattom.

Sam 104:31

Yawe Nug binag amahlak oppiaawak ele, amu binag amahlak oppiaawak ele amuam hanhan daakkunu ool daatte. Ao, Yawe Nug aɗi aɗi hattom amu, Nug amunu gamag ahak dookkunu ool hette.

2 Stori 6:3

King Solomon nug unuqittowa, nug eɗua Israel danab ah oh ag appa hippaidna daappig ele, nug ag neekkattatta, Kayak onigppa danab ah itittak ena mattom.

Josua 22:6

Josua nug nai amu mattia malowa, nug Israel dilag huu okkai Ruben, Gad, amu Israel dilag huu okkai Manase mahaib ele itattowa, nug maatte, ag appalagppa goppig.

Genesis 14:19

Mattowa amu, nug Abram inam itittom. “Kayak Attannab Laa Oh Eɗattak Nug hab, wan ele haatom amu, Nug na itidkkunu ool daatte.

Genesis 1:31

Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Sam 19:11

Am da, nahip maɗi nid, da nahip ɗo aɗe dabmedakkul dayeb amu, da eheɗ hein, nau aopanu dabmak meɗakku. Danab ah ag aɗan dabmettaglag dayeb amu, ag geha nob ena okkainab aoglag.

Nehemaia 11:2

Danab ah oh ag adeppa adeppa daaglagnu ib amuppa bappaidppig, amge danab laippu laippu ag akka ahan, om ena yee ippunittak iittappa mattin, “Uuppeg, ig aakku Jerusalem daagnig,” appig. Ag anam appig amunu, danab ah laa ag amu binalag madappig.

1 Stori 16:2

Amu Dawit nug manaknu ofa, laippu dayaknu ofa ele manatta, Kayak metta mala, nug Israel danab ah Yawe onigppa itittak ena ag mattom.

Eksodas 40:25

Nug anam ha mala, nug lam diia, lam maattaknu balal ebekkudppa Yawe noobppa maattom. Yawe Nug Moses amegppa haknunab aum, nug aumbianab aakku heum.

Eksodas 39:42

Israel ag uɗat oh Yawe Nug Moses amegppa ag hekkulagnu haknunab aum amu, ag anamnab aakku heppig.

Eksodas 40:1

Ag amu oh hena malaeg, dimppa Yawe Nug Moses amegppa aum.

Jeremaia 13:5

Nug anam a amu, da matagiɗ awe, Perat ukke, appa Yawe aum bia lokkummi.

Eksodas 7:6

Aria, Moses, Aron ele aa keeke oh Yawe haknunab aum, aa Nug aumbianab aakku hepiɗ.

Eksodas 12:28

Aria, Moses, Aron ele aa anam aeh, Israel danab ag doyona, ahan gona, kobol ag anam hekkulagnu, Yawe Nug Moses, Aron ele oɗelahppa haknunab aum, ag Nug aumbianab aakku heppig.

Eksodas 25:9

Amu mettid haknu peh lag amu, keeke oh peh lag ooppanu ele, da na dottog ippunidkkul bianab na heppe, ag heig!” awa aum.

Lewitikas 16:34

Ɗo imu amu ag Israel danab ah, am ag ahilagnu, hanhannu daatte. Mana mettak danab nug maɗ anen anenppa, haen laippu, hipunin ag heppignu amu, nug hipunin amu haknu nob nau tiigppa iitta meeb elele medakkunu hekkuoitte,” awa aum. Am Moses nug Yawenu nai dim lamitta hekkununab aum amu, nug amu oh dim lamitta heum.

Josua 22:7

Amu Moses nug matu Basan wan, wan amuam laih Jodannu kaɗag uɗitteppanu daatte amu, nug wan amu Israel dilag huu okkai Manase mahaib ag mattom. Amu Josua nug Israel dilag huu okkai Manase mahaib laa, am wan laa laih Jodannu qaban uɗitteppanu, ag lailkad oolagppa ag mattom. Aria gemu amu, Josua nug Ruben, Gad, amu Israel dilag huu okkai Manase mahaib ele, nug danab amu oh maatteb gokkulagnu heum amunu, ag anam gokkulagnu daaegeg, nug ag itattowa,

1 King 6:38

Danab uɗat amu heppig amu, ag maɗ eblaih aɗit uɗat heeg ukke, lag amu heppig. Amu Solomon king dayeye, maɗ 11ppa, kalam ebqak eblaih ewam ele, kalam amuppa, ag lag amu hena malappig. Kalam ebqak eblaih ewam ele, kalam amunu onig am “Bul”. Kalam amuppa ag lagnu uɗat oh hena malappig. Ag lagnu keeke oh Solomon aum bia, ag hena bappaidna, autna aon, malappig.

1 King 8:55

Solomon nug hibaitta, nug Israel danab ah oh itittak ena madatta, nug aum.