Biblia Todo Logo
Bib sou entènèt

- Piblisite -




Eksodas 39:27 - Nobonob Baibel

27 Amu ag Aron, nug bekkod dilagnu ele ag lamen nakok elab ele heppig. Ag linen hakkabppa heppig. Danab nug muɗi awa agattenu doyak okkai ele, am nuhigppan hak.

Gade chapit la Kopi




Eksodas 39:27
14 Referans Kwoze  

Ag lamen amu takkanna, ag ikkilagppan lamen, dimittimnu lamen waappa lamen laa metteb ele amu, lamen amu oh am linenppa hak amuib dayaɗ! Mana mettak danab ag lamen aɗi laa, lamen amuam keeke aɗippatai hak, amge mana mettak danab ag tagappeg, heɗi aqakku amu, ag lamen laa amubia aib tagappig.


Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!


Ag Kristus ele ouqena, Nug onigppa layattak aoppig amu, ag Kristus oiyom bia oiglagnu daatteb. Ag oh Kristus ele ouqak daatteb.


Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.


Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.


Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.


Moses nug anam hewowa, amu Yawe Nug anam haknunab aum bia, nug Aron bekkod diia doa, lamen nakok elab, nug lamen amu aɗualatte noeg, lamen matagiɗ imualagppa tagattowa, ikkilagppan lamen ele ikkilagppa itattom.


Ag amu hena, ag igippan lamen, linen hakkabppa ikki itaknu lamen, amu lamen trausis tutu bia ele heppig.


Wagɗeb buttua mana mettak danab nug linen lamen gaɗappanu takka, nug amu qaɗeppan lamen linenppa hak ele takkowa, amu nug manaknu ofa hak, uhuɗ amu awa, qaɗab guguittak mekkuoitte.


Ag amu hekkulag, amge haen ag mana mettak danab dilag haɗap-ppa gokkulag amu, ag tatam lamen linenppa hak takkan wakkulag. Ag mana mettak danab dilag haɗap-ppa, o da laul ooppa dahil ɗo maɗoɗnu uɗat henana amu, ag lamen sipsip uɗigppa hak takkan aib goppig.


Laa amu, ag gol ena dubuttid iitta ele, ag gol amu maha laa aon, ag tappiɗ otala nag bia hena, amuppa ag ‘Yawe Nug imunu, nuhignu tituanak daatte anidtte,’ otaɗeg!


Swiv nou:

Piblisite


Piblisite