Eksodas 38:3 - Nobonob Baibel

³ Ag qaɗab amu hena, ag brasib aon, tappiɗ okkai laala hewona, sabol naunau, tiig amuppanu awa tauɗeb ukkaknu tappiɗ, huɗup ele hena, aria, tappiɗ nakok, aab ma mawa ukkaknu amu, ag amu oh ele heppig.

Eksodas 38:3 Referans Kwoze

1 Samuel 2:13

Eli bekoɗ, a mana mettak danab amu, aa Yawenu anam doopiɗ amunu, aa inam hedapiɗ. Danab nug doɗ mana, Yawe medakkunu uɗia, nug mana mettak uɗat oh ha malowa, nug teppu laa dayom ele amu nug, nug baekkudppa ele ag amu lakkulagnu battieye, Eli bekoɗ aa heeh, maɗi nid ahilah laa nug huɗup aeg ewam ele aɗa ukka,

Eksodas 27:3

Ag qaɗab amu hena, ag brasib aon, tappiɗ okkai laala aab uhuɗ awaknu hewona, sabol naunau, tiig amuppanu awa tauɗeb ukkaknu tappiɗ, huɗup ele hena, aria, tappiɗ nakok, aab ma mawa ukkaknu amu, ag amu oh ele heig!

Eksodas 38:2

Ag henana amu, ag qaɗab ad akasiappa hetteb, ag ad amuppaib ag keeke makau qeqeɗi bia waɗele qaɗabnu daug waɗele ohppa hoippig. Ag ad piɗenu hoyadna, qaɗabppa ii atulppig. Iitta. Ag laippu heppig. Ag amu oh hewona, ag qaɗab amu oh brasppa tonappig.

Eksodas 38:4

Amu ag qaɗab hena, ag nuhig keeke laa, battam okkai bia, ag keeke amu brasppa giɗo giɗo ele heppig. Ag hewona, ag ring bras waɗele hattana, ag keeke battam okkai bia daug waɗele, amu ohppa qaɗab mawa ukkaknu ad aɗit amu oɗelagppa aɗualatppeg nokkulahnu maadna, keeke battam bia amu aɗan, qaɗab amu ooppa paɗaeg noum. Ag paɗaeg noono, keeke battam okkai bia bitob am qaɗab gamagppa, attan iitta, honap ele iitta, nug anam noa dayeye, keeke battam okkai bia oɗe am qaɗab agappan maha, otala nakok okkai ele amu, am amu waappa dayom.

2 Stori 4:2

Am nug le daakkunu tappiɗ naɗi okkai brasppa hak onig Yu heum. Keeke amuam tappiɗ naɗi. Laihnu laih ukkak am 4 mita, 40 sentimita. Attan tak nuhig am 2 mita, 20 sentimita ele. Tappiɗ akka talilia ukkak am 13 mita, 50 sentimita ele.

2 Stori 4:16

waa ⌊brasppa hak⌋, sabol, amu teppu awaknu huɗup ele. King Solomon nug Huram Abi Yawenu mettid lagnu keeke aɗi aɗi hadakkunu aum amu, nug keeke amu oh bras amemɗi aotte eleppa heum.