Eksodas 37:5 - Nobonob Baibel

⁵ Nug anam tonata, nug tuqai aɗit amu nug Tituanak Nainu Kunup mawa ukkaknu heqo laih laih ring amu oɗeppa aɗualate nopiɗ.

Eksodas 37:5 Referans Kwoze

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Namba 1:50

Iitta. Na Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu dabmettanna atognokkulagnu otiatte! Ag geha mettid haknu peh lag amu ooppanu keeke oh, amu nuhig keeke laa oh elenu gumak danab anuqak daaglag. Ag geha dahil mettid haknu peh lag, nuhig keeke oh ele, ag amu maonna, laih gokkulag; ag amu dabmettan atognonana, ag haen tutu dayaknu aab kalan, mettid haknu peh lag amu talilidna daaglag.

Eksodas 37:4

Amu hewowa, nug ad akasia tuqai aɗit Tituanak Nainu Kunup maoglagnu hoyata, qaɗelah golppa tonatom.

Eksodas 37:6

Amu nug Tituanak Nainu Kunup amu anam hewowa, nug Tituanak Nainu Kunup amu ameg gol ena dubuttid iitta eleppa heum. Tituanak Nainu Kunup amu ameg, amuam eheɗ haknu nob nau tiigppa iitta me elele medatte ippunadtte. Amu nug ameg amu inam heum. Elab nuhig am 110 sentimita, emaitak nuhig 66 sentimita.

1 King 8:8

Tuqai amuam aa elabnab amunu, danab nug Oo Gun Ele, oo amuam Oo Gunnab Ele noobppa dayom amu, danab nug appa dayaya, nug neekkeb ukkeb, anatkkunu elele, amge danab nug lag amu dimittim daakku dayeb, nug neekkeb ukkeb, anidkkunu elele iitta. Gemu ⌊nai imu yaak haenppa⌋ ele Tituanak Nainu Kunupnu tuqai aɗit aa anam daattep.