Eksodas 37:22 - Nobonob Baibel

²² Keeke amu oh anamib dayom, amge ag hama aon, gol ena dubuttid iitta qenana, ag keeke amu hatteg, keeke laippuib dayom. Ag amu nukka nukka piɗe hewon, qata-ii-aqadppig.

Eksodas 37:22 Referans Kwoze

Kolosi 3:5

Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

1 Korint 9:27

Genab, da Nai Ena danab laaib dooglagnu mehuqen, dimppa da hipunin hein nein qepanu, da dakka da beɗul qei ne, dabmak da ool unuqagppa daatte aakkuib da beɗul dim lamidtte.

Aisaia 5:10

Haen amuppa muɗi grepnu dad okkai am geha grep meulkad huanak, kuɗum ii oma amunu, geha wain nakokib aoglag. Ag ee aeg battam 10 eppaglag, am geha ee aeg meu ob, ag battam laippu inaglag,” awa aum.

Sam 51:17

Amu genab na doɗ mana mettaknu oot ii daatte, amge na oot daatte am, danab nug hipunin qeum, nug ooppa guittak okkai doyaya, nukka nug onig qeeb nekkunu oot hette. O Kayak, danab hipunin heum ele nug ooppa guittak okkai doyaya, nukka onig qe nette dayeb, nug baula hemanu dabmekku dayeb amu, na danab amu ii geɗidmana. Iitta. Na hipunin amu uhuqna medakkut.

Eksodas 25:31

Aria, laa amu, ag lam maattaknu balal heig! Ag gol ena dubuttid iitta ele aon, hamappa qaadnana, ag diig, imuag, ebekkud, amu bala haɗag mabatak bia nuhig ele gol amuppaib hekkulag. Ag keeke amu oh am laippu hekkulag. Ag anen anen hena, qata-aqadppeg laippu bena daaglagnu am aib.

Eksodas 25:36

Keeke amu oh anamib daakku, amge ag hama aon, gol ena dubuttid iitta qenana, ag keeke amu hadappeg, keeke laippuib dayaɗ! Ag amu nukka nukka piɗe hewon, qata-aqadkkulagnu am aib.

Eksodas 37:21

Aria, ebekuɗ anen anen imuagppa tuɗittak waappa, almonnu bala haɗag mabatak bia ele daappig.

Eksodas 37:23

Ag amu oh hewona amu, ag lam eblaih aɗit ele aguppa maadkkulagnu hattana, ag lam wik eeɗaknu keeke amu, nuhig tappiɗ ele, ag gol ena dubuttid iitta eleppaib hadappig.