Eksodas 34:5 - Nobonob Baibel

⁵ Moses nug te, Yawe Nug bud ooppa qaukoppa ne, Moses ele daayya, Nug onig, Yawe, Nug onig amu Moses amegppa aum.

Eksodas 34:5 Referans Kwoze

Eksodas 33:19

Nug anam a amu, Yawe Nug Moses amegppa eɗua, nob ma inam aum. “Da geha dahil kobol ena oh na ippunittoya, geha da onil, Yawe, da amu na noomppa mehuqkkul. Doye! Da danab laanu oo gai-iitta doya oo metta ehanittak kobol dim lamidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul.

Namba 11:25

Ag appa daaegeg amu, Yawe Nug lombig mettid haknu peh lag tonom ele amuppa no, Nug Moses ele nai madipiɗ. Amu anukka haen laappa Yawe Nug a, nuhig Ouɗi Moses ehanidkkunu nuhigppa dayaya ehanitte, amu gemu Nug baula a, nuhig Ouɗi Nug ikki danab 70 amu ahilagppa ukka dayeye, ag propet nai madippig, amge ag haen laippu aakkuib heppig.

Eksodas 33:9

Ag anttegeg, Moses nug lag ooppa no, aakku lombig teppu ele attan tak nug uɗia, peh lag amu od guguitta dayaya, od amu tone, Yawe Nug Moses amegppa nai mattiom.

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Aisaia 1:10

Anam amu, gemu ag ⌊Jerusalem ikki danab, ag⌋ Sodom ikki danab ⌊bia amu⌋, ag Yawenu nai doyeg! Ao, ag ⌊danab ah Jerusalem daatteb, ag⌋ Gomoranu danab ah ⌊bia amu⌋, ag Kayak, ihinig Kayak, Nug nuhig ɗo nai ig ippunigtte amu, ag ele daulag human, ɗo amu doyeg!

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Sam 102:21

Yawe Nug anam hekku amunu, Sion appa danab ah ag Nug onig mehuqkkulag. Ao, Jerusalem appa ag Nug binag mekkulag.

Duteronomi 32:3

Da Yawenu madikkul. Ihinig Kayak Nug onig, ɠagattag okkai ele. Ig Nug binag metu!

Eksodas 19:18

Amu Yawe Nug aab ewak ooppa na, Sinai qaukoppa dayom amunu, aab kahug naɗi qauko amu oh tonom. Aab kahug attan teum, amuam aab okkainab ewa kahug tette, amubia teum. Kahug anam teete, qauko nug eheɗ hahaɗeɗe,

Namba 14:17

Amunu, O Yawe, dahil Naɗi, da na nahip ɠagattagppa, na aɗi keeke hekkutnu nahip nai ɠagattag qettan ame amu, na amu hekkutnu oɗ medattem. Na inam ame.

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Eksodas 23:21

Ag nug nai akku amu, ag tutukku doon dim lamitteg! Ag nuhig nai aib tabappeg neum. Aɗinu? Da onil nuhigppa daatte amunu, nug danab ah dilag nai tappenak amu, nug amunu hamu ii dooma. Iitta! Nug bu madakku.

Namba 12:5

Ag ukkaeg amu, Yawe Nug lombig teppu ele attan tak ooppa na, Nug mettid haknu peh lagnu od oɗeppa dayom. Dayaya amu, Nug Aron, Miriam ele dilah eum. E, aa oh gukkuidya waeh,

1 Samuel 3:18

Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.