Eksodas 34:4 - Nobonob Baibel

⁴ Yawe Nug anam a, aria Moses nug men maha aɗit tatam daapiɗ bia otaɗowa, buttuanab aha, eppegppa mawata, Sinai qaukoppa teum; Yawe Nug amegppa haknunab aumbia, Nug heum.

Eksodas 34:4 Referans Kwoze

Eksodas 34:1

Amu Yawe Nug Moses amegppa inam aum. “Na men maha aɗit, na aoɗatme ele amu, na men maha aɗit amubia otaɗna bappaidna diiatppe, aria geha da nai anukka ye otaɗmi, amuib da eɗue ye otaɗkkul.

Duteronomi 10:3

Yawe Nug anam da amelppa aum amunu, da akasia adppa kunup hein, men maha aɗit, tatam daapiɗ bia otaɗe, amu da men maha amu eppelppa mawaten, qauko temi.

Eksodas 19:3

Aria, Moses nug ⌊Kayak ele aa nai mattiglahnu⌋ qaukoppa ta, ⌊nug Yawe gumitta te,⌋ Yawe Nug qaukoppanu Moses onigppa ewa, nug amegppa aum. “Nai laala na Israel danab ah amelagppa appe dooglagnu am inam. Ao, na Jakop buɗub, na ag amelagppa nai appe dooglagnu am inam.

Eksodas 19:20

Amu kobol amuppa Yawe Nug Sinai qauko igippa na dayaya, Moses tekkunu onigppa e, aria Moses nug teum.

Eksodas 32:16

Kayak Nug nukka men aɗit amu ha, Nug nukka ele ɗo nai men aɗit amuppa otaɗatom.

Duteronomi 10:1

⌊Da qaukoppa eɗue tekkulnu daami,⌋ haen amuppa Yawe Nug da amelppa aum. “Na men maha aɗit tatamnu, amubianab otaɗna bappaidna, kunup laa amu ooppa inataknu adppa hena, na eɗun qaukoppa gumiɗna be!