Eksodas 34:30 - Nobonob Baibel

³⁰ Nug ii doyom, amge haen Aron nug Israel danab ah ele ag Moses iɗuppa amahlak amu anidna amu, ag baɗan, ag nug gumidna ii wappig.

Eksodas 34:30 Referans Kwoze

Mak 9:3

Beɗu eɗue, nuhig lamen ele hakkabnab eppom. Wan imuppanu danab laa nug lamen heeb, hakkabnab amubia bekkunu elele iitta.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Mak 9:15

Danab ah ag Jesus anidna, ag huana ottaina, ag ahan gumidna gona, “Aakku uɗime,” appig.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

2 Korint 3:7

Kayak Nug ɗo nai amu men mahappa ya otaɗa, Moses eppegppa me awom amu, ɗo nai amu ig oh dim lamidkkunignu am elele iitta. Amunu ɗo nai, nuhig uɗat amu ig ihinig hipuninnu oonig ii eɗuebeb, ig mauhta padal mekkunignu daatte. Amge Kayak Nug ɗo nai amu bekkunu he, nuhig binag amahlak oppiaawak ele ba, Moses iɗuppa amahlele, Israel ag nug iɗuppa neegkkulagnu elele iitta daappig. Moses nug ɗo nai mattia male, dimppa amu Kayaknu amahlak nug iɗuppa amu aakku iitta meum.

Eksodas 34:31

Ag anam heppig, amge Moses nug ag onilagppa e, Aron nug Israel dilag ikki danab ele ag nug gumidna waeg, Moses nug ag amelagppa nai mattiom.

Eklisiastis 8:1

Aun nug danab doyak dabmak ena ele bia daatte? Ge, aun nug keeke ohnu diig ab doognignu elele? Danab nug doyak dabmak ena ele, nug iɗuppa amahlak bia daatte. Ao, doyak dabmak ena ele he, danab iɗu am danab ɠagattag neegtte bia ii daatte.