Biblia Todo Logo
Bib sou entènèt

- Piblisite -




Eksodas 34:25 - Nobonob Baibel

25 Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Aria, ag Pasowanu ee lappeg, sipsip amunu teppu big laa dayeb amu, big amu dayeb ukkeb, aib wagkkaɗom!

Gade chapit la Kopi




Eksodas 34:25
12 Referans Kwoze  

Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Laa amu, ag da dabmeɗanna qagmak gamag ahak ele henana, ag doɗ main, da meɗatteb amu, ag doɗ amu ittag meppeg dayebeb, butti buttua aib meɗappig. Iitta. Ag gemu main meɗeg!


Ag doɗ teppu laih laa uuppeg dayeb, wagɗeb lakkulagnu aib heppig. Am doɗ teppu huppu laa dayeb, wagkkaɗeb amu, ag aab aɗuppa maippeg ewa iitta maɗ!


Ag teppu amuppanu lanana amu, ag bret yis ele aib lappig. Deɗ eblaih aɗit ele oh amu, ag bret yis iitta lakkulag. ⌊Yawe Nug ag ehanatte,⌋ ag bret amubia lanana, ag Isip pahanab uuppig amunu, ag amubia bret amu lakkulag. Ag hanhan Isipnu ahan uɗin bau daatteb dabmekkulagnu, ag hanhan Isip appa guittak aonna daappig ele dabmekkulagnu amu, ag bret amu lakkulag.


Amu ag doɗ teppu laih laa iinab uuppeg dayebeb wakkaɗma; ebehi laippu laa ele ii qiimna. Haen ag Pasowanu Hobul gamag ahak ele hekkulag amu, ag amunu ɗo oh dim lamidkkulag.


Yawe amegppa, ‘Ena heme,’ anaknu, laippu dayaknu ofanu amu, doɗ amu teppu am deɗ nug mana mettak hette, amuppaib lanaknu daakkuoitte. Teppu laa wagɗeb lanaknu bakkalenu iinab mak daama.


Am amunu teppu, bret ele laala dayebeb ukkeb, wagɗeb buttua daakku dayeb amu, ag ee amu ii lamana. Iitta. Ag maippeg ewaɗ! Aɗinu? Ee amuam dahilnu tituanak daatte; am ee hamu iitta.


Doyeg! Ag mettid amuppa bret yis ele iinab lamana. Iitta! Ag adeppa adeppa daanna amu, ag bret yis iitta laig!” awa aum.


Tuqan amuppa amu, ag sipsip teppu, o meeme teppu amu, ag aab aɗuppa managlag. Manona amu, ag teppu amu, bret yis iitta ele, amu ele lanana, keh mua ele lakkulag.


Ana amu Nug baula ele keeke danab ag dootteb ii dootteb ele ouaqata ippuanatta, amelagppa mattia inam aum. “Kayaknu ɗo maɗoɗ am yis bia. Ah laa nug plaua kuɗum awa, yis ele kabolie, dimppa plaua oh titiɗa okkai meum,” awa aum.


Ag ee aegnu ofa, Yawe mettaknu aab aɗuppa hetteb amu, ag amu oh henana, ag aib yis mena, ee aegnu ofa Yawe medappig. Aɗinu? Ag yiste, o uppuh leppute Yawe mettaknu aab aɗunu ofa mena, ofa amu hena, Yawe mettaglagnu ii daatte.


Am Israel wan ohppa, deɗ eblaih aɗit ele amu oh, ag laulkadppa yis laa ii daakkuoitte. Aria, ag Pasowanu ee lappeg, sipsip amunu teppu big laa dayeb amu, big amu dayeb ukkeb, aib wagkkaɗom!


Swiv nou:

Piblisite


Piblisite