Eksodas 34:24 - Nobonob Baibel

²⁴ Amu geha da heppi, ag Israel, ag danab ah huu laala, ag gemu wan da ag Israel madattemppa daatteb, ag ag lamadppeg, da wan amunu tom okkai ag Israel madakkul. Amu ag maɗ ohppa haen ewam, ag da Yawe, ahilag Kayak, ag da noolppa uɗiglag amu, haen amuppa da heppi, danab laa ag ahilag wan aoglagnu ii dabmemana.

Eksodas 34:24 Referans Kwoze

Sam 78:55

Nug ⌊ig alankad⌋ ag noolagppan wan anen anen, amunu danab lamatte goppig. Nug anam he, Israel ag om ena yaak heeg, Kayak ib amuppa Nug huu anen anen ahilag wan, ag aulag daakkunu ag mattom. Ao, Nug ag ahilkad wan anen anen matte, danab ah Israel dilag huu okkai anen anennu amu, ag laulkadppa aakku daappig.

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Duteronomi 12:20

Am haen Yawe, ahilag Kayak, Nug nai aum bia ha, wan tom heeb otaleb amu, ag doɗ teppunu baalag tataɗkku amunu, ag inam akkulagtai. “Da doɗ teppu laa lalombia doottem.” Anam dayeb amu, ag teppu labeppeg, oolag didikku am nai iitta. Am elele.

Sam 80:8

Anukka na grep muɗi laa Isipnu aon uɗin, na danab laa wan imuppanu lamadna, grep amu wan imuppa eppame.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Duteronomi 19:8

Am ag haknunab anak da ag gemu madattem imu, amuam ag hanhan Yawe, ahilag Kayak, ag nuhignu oolag mauheb, nuhig ib aakkuib dim lamidkkulag amu, ag amu hekkulagoitte. Aɗinu? Ag amu hekkulag dayeb amu, Nug tuɗidib wan mattebeb ukkeb, Nug wan oh madakkunu aum madakku. Nug ag mamelkad aɗi amelagppa amu hekkununab nuhig nai ɠagattag qetta aum. Amu anam ba maleb amu, ag ii doyaya qe mauhomnu ehanittak aab okkai ewam laa ele epeɗiglagoitte.

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

Job 1:10

Nahip ehanittak am Job nug, nug baegppan, nuhig keeke oh ele guppiɗ bia taliliatte daatte. Na ena ititte, aɗi uɗat nug hette am enaib beebe, nuhikkud doɗ ele huan appatna, kuɗumnab daatteb.

2 Stori 17:10

Amu Yawe Nug he, wan Juda talilidna daappig ele, amuppan danab ah ag Yawenu ɠagattagnu baɗan, ag Jehosapat, Juda ele banelag ii goppig.

Lewitikas 18:24

Ib imu ohppa danab ah Kanan wanppa daatteb ele ag heegeg, dahil neekkakppa ag oolagppa dubuttid teum daatte. Amu diig amunu da heppi, ag Israel, ag danab amu lamadkkulag. Amunu ag Israel, ag kobol wan amuppan danab ag hetteb ele heppeg, da ahilagnu da dahil neekkakppa ag oolagppa dubuttid teum daatte anidpanu, ag kobol amu aibnab heppig.

Eksodas 34:11

⌊Nug tituana nai qakkak amuppa amu, da anam hekkul. Ag Israel amu, ag⌋ haknunab nai oh da gemu ag madakkulnu hettem amu, ag dimib lamitteg! Ag dim lamidppeg, da heppi, ag Israel ag Amo danab, Kanan danab, Hit danab, Peres danab, Hiwi danab, amu Jebus danab ele lamadkkulag.

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Sam 120:1

Da uug nauppa dayeye, Yawe unuqidttem. Da unuqitti, Nug dahil unuqittak nob mette.

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

1 King 5:1

Amu aab okkai Tair dilag king Hiram nug anukka Dawitnu layam ena dayom, nug Solomon nug king daakkunu goɗen gokkaɗakppa tituanak awa, nug mameg Dawit abenabppa king ba daatte, nug amu doyowa, diig aɗit amunu nug nuhikkud ehanittak anuqak danab laala maatte, ag Solomon anidkkulagnu uɗippig.