Eksodas 34:18 - Nobonob Baibel

¹⁸ Ag Bret Yis Iitta Lanaknu Hobul Nakok aib daulag atiom; ag gamag ahak ele heig! Ag henana, haknunab nai deɗ amunu oh da mattami amu, ag amu dim lamitteg! Ag kalam Abibppa Isip uuppig amunu, maɗ ohppa, kalam amuppa, da amibia, ag bret yis iitta deɗ eblaih aɗit ele laig!

Eksodas 34:18 Referans Kwoze

Lewitikas 23:6

Amu Pasowanu Hobul dayak malak amu, Bret Yis Iitta Lanaknu Hobul Nakok haen aakku kalam amunu deɗ 15ppa digmette. Yawe dabmettaknu hobul dayak haen amu, deɗ tuɗid ele dayeb ukkeb, deɗ eblaih aɗit ele aokku, haen amu ohppa ag bret yis iitta lakkulagoitte.

Eksodas 13:4

Gemu am kalam onig Abib, amu ag gemu Isip uutteb amunu,

Aposel 12:3

Nug kobol am he, Juda danab ⌊ag Jesusnu oolagppa genab ii dooppig ele,⌋ ag oolag ena daye antta, nug Pita ele aɗom. Kobol amu Bret Yis Iitta Lanaknu Hobul Nakok haenppa beum.

Luk 22:1

Aria Bret Yis Iitta Lanaknu Hobul Nakok, hobul amu onig laa am Pasowa, amu bekkunu miag dayeye,

Mak 14:1

Jesus Nug nai amu oh mattia male amu dimppa Pasowa Hobulnu deɗ ii nak, nekkunu deɗ aɗit dayeye, hobul amunu ag Bret Yis Iitta Lanaknu Hobul Nakok ele adappig amu, mana mettak danab okkai, ɗo mehuqak danab ele amu ag lokkumakppa Jesus aɗan, qeppeg mauhkkunu ib madippig.

Eksodas 23:15

Hobul amu laa am Bret Yis Iitta Lanaknu Hobul Nakok. Ag hobul amu gamag ahak ele hena, da ag Israel amelagppa haknunab ami, amubia ag bret yis iitta deɗ ebqak eblaih aɗit ele lakkulag. Da ag amu hekkulagnu haen tituanmippa hekkulag. Da haen tituanmi am kalam onig Abib, kalam amuppa ag Israel ag Isip uun uɗippig amunu, ag kalam amuppa hobul amu heig! Ag amu henana, ag ɗo hamu mettak dahilnu aon uɗiglagoitte. Ag hamu aib uɗippig.

Eksodas 12:2

“Kalam imu amu, geha maɗ anen anenppa ahilag kalendappa kalam anuqak daakku.

Eksodas 12:42

Deɗ amu tuqan amu, Yawe Nug Israel Isipnu diia, omalatta gokkunu dabmatta auta awom amunu, buɗub buɗub doobob, maɗ ohppa hanhan Israel oh ag deɗ amu do, tuqan am, ag Yawe heumnu dabmena autna aoglagnu daatte.

Namba 28:16

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Maɗ ooppa kalam digmakppa, deɗ 14ppa ag Yawenu Pasowanu deɗ gamag ahak ele hekkulagoitte.

Namba 28:17

Aria, deɗ dim lamittak, kalam amu ooppa, deɗ 15ppa, ag qagmak gamag ahak ele hekkulag. Qagmak gamag ahak ele amuppa ag bret yis iitta lakkulag. Qagmak gamag ahak ele amu digma beeb amu, ag deɗ eblaih aɗit ele qagmak amu daakku amu, ag deɗ amu oh, ag bret yis iitta aakkuib lakkulag.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Eksodas 23:14

Maɗ anen anenppa amu, ag haen ewam ag da noolppa uɗina, da dabmeɗanna qagmak gamag ahak ele hekkulag.