Eksodas 34:16 - Nobonob Baibel

¹⁶ Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

Eksodas 34:16 Referans Kwoze

Esra 9:2

Israel danab ag danab laa umu aɗelkad, ahilkad ah daaglagnu diion, appanu ah diin, ag bekkalkad dilag ah daaglagnu mattanna, ib amuppa ag heeg, ig danab ah, ig Yawenu tituanak daattem, ig laa ag Yawenu danab ah iitta amu, ig tiinig aakku kaboliak daatte. Amu Israel dilag ikki danab, ahilag ehanittak anuqak danab ele, ag Kayak kobol amunu ippunikkomnu oo metta ii uuak kobol ii dim lamidna, amu hekkulagnu danab ah noolag aon ukkaeg, Israel laa ag amu hetteb.” Ag da amelppa anam appig.

Nehemaia 13:25

Juda danab amu ag ah amu diieg, nid amubia daaegeg anatten, da ag daulag baten, ag eheɗ laa awaknu anak waappa daaglagnu nai ami. Da danab amu laala makkuɗatten, laa ikkilkad uɗug eppelppa hiɗami. Da wagai mei, ag dahil nai dim lamidkkulagnu anana, ag nai ahilag Kayak onigppa ɠagattag qettan appig. Dahil nai da ag amelagppa ai doon dim lamidkkulagnu ahilag nai ɠagattag qettan anana, nai ahilag amuam inam. Ag ahilkad nid ah wan amuppan danab ahilkad ah daaglagnu ii mattamnanu, ag wan amuppan ah diin, ag bekkalkad ele ahilkad ah daaglagnu ii mattamnanu, appanu ah ele ag akka ii diimna.

Nehemaia 13:23

Amu haen amuppa ele da Juda danab ag Asdot ah, Amon ah, Moap ah diippig ele anadmi.

Josua 23:12

Aɗinu? Ag nuhignu oolag ii mauheb, ag Nug dimettana, ag Kanan wan imuppan huu laala ag ii lamadppig daatteb, ag ag ele layam batan, ag ele oo akkak daan, ag ele ewau dayaknu matulak hekkulag amu,

Josua 23:13

ag imu tutukkunab doyeg! Yawe, ahilag Kayak, Nug baula heeb, ag Israel, ag Kanan danab ii lamadmana. Iitta. Ag anamib daanna, eheɗ hekkulagnu eeɗadnana, ag am uhui, o pelem bia, ag Israel, ag amuppa tekkulagnu daaglag. Ag heppeg, ag Israel, ag am danab nug qaietta ugakka, qettippa guittak dootte, ag amubia doonna daaglag. Ag qaun laa amegppa ya daatte, ag ahilagppa anam bia daaglag. Wan imuam enanag, Yawe, ahilag Kayak, Nug ag madatte, amge ag Kanan danab ele laippu daaglag dayeb amu, Yawe Nug heeb, ag Israel ag ippa ii daamna. Ag wan imuppanu iitta mekkulag.

Ikki Danab 3:6

Ag oolagppa anam daaegeg, ag ag ele ewau matulak heppig. Israel bekkalkad ag danab amu aɗelkad diiegeg, Israel aɗelkad ag danab amu bekkalkad diippig. Anam hena, Israel ag ahilag kayak hambuppuak waappa daan, ag oɗelag dim lamidppig.

Ikki Danab 14:3

Nug anam a amu, nug anig mameg ele aa oɗeppa aoya apiɗ. “Na Israel dilag huu okkai nahip-ppan ah laa, o Israel laala oolagppan ah laa aokkutnu elele iite daatte amunu, na gona, Pilistia danab, ag Yawe ii dootteb, ii dim lamidtteb ele, ag oolagppanu ah aokkutnu hettem?” aoya apiɗ. Aa anam apiɗ amge Samson nug mameg amegppa aum. “Da nuhignu oolppa enanagnab doottem amunu, na dahilnu awe!” awa aum.

1 King 11:1

Amge King Solomon nug wan laalappan ah dilag oo mauhom amunu, nug diikkunu oo daye, nug Paro aɗeg amu awowa, nug Moap ah, laala ele diiowa, am Amon ah, Edom ah, ele diiowa, nug aab okkai Saidon ah, am Hit ah ele nug diiom.

Esra 9:12

Wan amuppan danab ah ag anam ele amunu, aria ag Israel, ag aɗelkad wan amuppan bekkalkad madappeg, ahilkad ah aib daappig. Anamib, ag wan amuppan aɗelkad diin, ag bekkalkad madappeg, ahilkad ah aib daappig. Ag ɠagattag daan, ag wan amuppan ee ena aon lakkulagnu, ag wan amu aon daan, ag ag bekkalkad ag aulag hanhan daakkunu mattaglagnu elele daaglagnu amu, ag wan amuppan danab ah ele layam batan, ag ele nug tituanna nai aib qagappig; gemu, butti aɗi ele anamib.’ Propet ag ig amenigppa anam appig.

Nehemaia 10:30

Keeke laala ig ii hematanu, keeke laala ig hekkunignu nai ata qagattem am inam. Ig ihinkad nid ahin wan ig taliligna daattebppan danab bekkalkad ahilkad ah daaglagnu ii mattamta; ig ele ahilkad nid ahin ihinkad nid danab waalkad daaglagnu ii diimta. Iitta.

Genesis 24:3

na Yawe, Nug hab aabppanu Kayak, wanppanu Kayak ele daatte amu, na Nug onigppa nahip nai ɠagattag qena, na da bekkal wau Kanan danab, da ag oolagppa oittem, na ahilagppanu da bekkalnu ah laa ii aomna.

Lewitikas 21:15

Nug ah laa amubia ii aokku dayeb amu, amuppa nug heeb, nug buɗub ag dahil neekkakppa ag oolagppa dubuttid teum daatte daaglag, amu diig amunu nug nuhig huu, Israel danab ah, nug amuppanu ah laa danab laa ele ii niipiɗ aokkuoitte. Da am Yawe. Da hei, nug dahilnu, oppiaawak ele daatte,” awa aum.

Ikki Danab 3:5

Yawe Nug Kanan danab amu uuatte, Israel danab ah amu, ag Kanan danab, Hit danab, Amo danab, Peres danab, Hiwi danab amu Jebus danab ele oolagppa aakku daappig.

Ikki Danab 8:27

Amu Gideon nug amu oh awa, nug gol amuppa nug lamen enanag-epod laa ha, bala metta, nug amu nug appag Opra, appa meum. Amge haen elab iitta, Israel ag Kayak ag Nug noobppa dup nona binag mekkulagnu ib ippuanattom dimettanna, ag lamen enanag-epod amu noobppa dup nona binag meppig. Keeke amuam Gideon, amu nuhigppan ele, ahilagppa pelem nau laa dayom.

1 King 21:25

Haen Ahap nug king dayom amu, Nug Kayaknu neekkakppa genabnab genab nug kobol eheɗib nuhig ɠagattag ohppa hekkunu dabmaama oiya, amu haknu danab laa oh eɗattom. Yawe Nug nuhig neekkakppa kobol amunu am nauib dootte. Aria, nug wau Jesebel amu, nug anam hekkunu duttunak ele heum.

2 Stori 21:11

Amu Jehoram nug Juda dilag qauko nakok igippa kayak hambuppuak dilag mettid lag nakok bappalattom. Nug amu ha, nug he, Jerusalem danab ah, Juda danab ah laa ele ag kayak amu noolagppa dup nona binalag meppig. Nug Juda danab ah ib eheɗppa omalatte goppig.

Nehemaia 10:31

Wan laalappan danab ag ig talililgna daatteb amu, ag keeke laala, o ee aeg aon uɗin, Sabat deɗppa mena daden mekkunignu hebeppeg, ig Sabat deɗppa, o deɗ laa Kayaknu tituanak daatte, amuppa ig daden ii memata. Ig ee wanppa ebapput ukkeb ukkeb, maɗ eblaih laippu ele teeb, maɗ eblaih aɗitppa ig keeke laa wanppa ii eppamta. Maɗ amuppa ele ig Israel buɗub laa ihinigppa lon awa, eɗua ii daden meum dayeb amu, ig megakkunu baula ii amata.

Sam 106:39

Ahilag hak nau amuppa, ag Kayaknu neekkakppa, ag oolagppa dubuttid tak ele daappig. Ag dottog hattak dilagnu dup nona binalag meppig, amuppa ag Yawe amegppa laa nug gappai awom bia heppig.

Hosea 1:2

Yawe Nug digma Hosea oɗeppa nai nuhig imu Israel danab ah amelagppa mattieb dooglagnu haaha, Nug nai imu Hosea amegppa aum. “Na gona, ah laa awe! Na aoppe, nug geha nahip ah daakku, amge nug ah nau dayebeb, nuhig nid laala amu ag mamelkad laappan daaglag. Aɗinu? Kobol amuam Israel danab ah ag dahilppa ewau pakkua gappai hak kobol uɗig wak naunab heegeg uɗie, gemu ele hetteb ⌊danab ah ippunadkku⌋. Israel ag kayak hambuppuak laala noolagppa dup nona binalag meegeg uɗie, gemu ele hetteb amu, kobol amuam gappai kobol ah nahip hekku, amubia,” awa aum.