Eksodas 34:11 - Nobonob Baibel

¹¹ ⌊Nug tituana nai qakkak amuppa amu, da anam hekkul. Ag Israel amu, ag⌋ haknunab nai oh da gemu ag madakkulnu hettem amu, ag dimib lamitteg! Ag dim lamidppeg, da heppi, ag Israel ag Amo danab, Kanan danab, Hit danab, Peres danab, Hiwi danab, amu Jebus danab ele lamadkkulag.

Eksodas 34:11 Referans Kwoze

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Eksodas 3:17

Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.

Duteronomi 6:25

Amu ig Yawe, ihinig Kayak, ig Nug haknunab anak oh ig mekkom, Nug noobppa pehettak dim lamidkkunig dayeb amu, amuam genab tutukku hak kobol ihinig daakku.” Nai amuam ag nid naunau ahilkad tutukku appeg dooglag.

Duteronomi 6:3

O Israel danab ah, ag wan laa, wan amuam enanag, wan ittag ele, amuppa ee meu huana otte, ag amuppa nokkulagnu daatteb, amu appa ahilagppa ena, elele ba daakkunu, wan amuppa, ag nid kuɗum ele daaglagnu, Yawe, ag mamelkad aɗi dilag Kayak, Nug ag anam daaglagnu nai anan qakkom, amubia bekkunu, ag da keeke ohnu attem imu ag daulag human doon, tutukku dim lamitteg! Aria, haknunab anak, ɗo ele da ag ippunadppi, ag dim lamidkkulagnu daatteb am inam.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Duteronomi 28:1

Amu Moses nai tuɗitta mattiom. Ag genab Yawe, ahilag Kayak, ag Nug oɗe doon, ag haknunab anak nai gemu da ag madattem imu dabmettaglag dayeb amu, Yawe, ahilag Kayak, Nug heeb, ag wan laa oh eɗattak daan, ag binag okkai, amu onig okkai ele daaglag.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 12:28

Amu ahilagppa, ahilkad nid dilagppa ele ena, elele ba daakkunu amu, ag haknunab anak amu tutukku dabmettan dim lamitteg! Ag anam hekkulag dayeb amu, keeke oh ahilagppa ena gokku. Am ena gokkunu diig am, ag Yawe, ahilag Kayak, ag Nug nuhig neekkakppa aɗi am ena, aɗi am tutukku amu, ag amubianab hekkulag.

Duteronomi 7:19

Keeke Yawe, ahilag Kayak, Nug heum amu, ag amelagppanab anidppig. Nug Isip ag guittak okkainab aoppig ele amu he beum. Nug nuhignu dabmettaknu kobol danab haknu elele iitta, uɗat ɠagattag ele kuɗum heum. Nug nuhig ɠagattag okkainabppa keeke digdig amu oh haaha, ag Isipnu diia, omalatte uɗippig. Yawe, ahilag Kayak, Nug ɠagattag amuppaib, ag ehanatta heeb, ag danab baɗadtteb ele amu eɗadkkulag.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Eksodas 23:28

Da heppi, danab ag uun okkai baɗatteb bia, Hiwi danab, Kanan danab, Hit danab ele ag eheɗ baɗappeg, ag Israel ag ag lamadkkulag.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Nehemaia 13:23

Amu haen amuppa ele da Juda danab ag Asdot ah, Amon ah, Moap ah diippig ele anadmi.

Eksodas 8:27

Amunu ig oit oit, deɗ ewam batak atu taɗak ooppa gokkunig. Ig gota, appa doɗ mait, Yawe, ihinig Kayak, Nug mettagnig. Nug ig amenigppa amu haknunab attebia hekkunig,” awa aum.

Josua 23:5

Danab ig ii eɗadmut, ag gemu wan imuppa daatteb amu, Yawe, ahilag Kayak, Nug heeb, ag Israel, ag danab amu oh lamadkkulag. Yawe, ahilag Kayak, Nug nai ana qakkom bia, Nug heeb, ag ag lamatteb goppeg, ag amu dilag wan ahilag daakkunu aon, ag appa daaglag; danab amu ag ii daamna.

1 Stori 1:14

Jebus danab, Amo danab, Girgas danab,