Eksodas 33:5 - Nobonob Baibel

⁵ Aɗinu? Yawe Nug matu Moses amegppa, nug Israel amelagppa akkunu ana, ahilagnu inam aum. “Ag am oɗe dim lamidmananu dabmak ɠagattag eppak danab ah amunu, da ag ele oh haen tutuib ouqeta golom, am da paha heppi, ag padal melobtai. Anam amunu, ag beɗulagppanu gol ring keeke, ag amu oh uhuqadppeg neeb, da geha ahilagppa aɗi hekkulnu dabmak awen hekkul,” awa aum.

Eksodas 33:5 Referans Kwoze

Namba 16:21

“Da danab imu pahanab hadappi nauhkkulagnu, aa awaidya laih dayeɗ!” awa aum.

Sam 139:23

O Kayak, na da oolppa neegna, aɗi oolppa daatte anidkkutnu ool daatte. Ao, na dahil dabmakppa neegna, aɗi appa daatte amu anidkkutnu ool hette.

Gayak Nai 4:6

Yawe Nug dahilad huu bu mattom amu; bu mettak amuam Sodom dilag eɗittom. Yawe Nug Sodom pahanab he nauhom; danab heeg, Sodom danab ah uug ii dooppig.

Aisaia 22:12

Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Job 34:20

Ag oh tuqan tugmag, haen amuppa ag paha mauhtteb. Danab ag dabmak maɗoɗ iitta daan, mauhtteb. Danab ɠagattagnab ag mauhtteb, amge danab heeg ii mauhtteb. ⌊Iitta. Kayak he, ag mauhtteb.⌋

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Genesis 18:21

amunu, da noin anidkkul. Da ag hipunin naunab huanak hetteb nai doomi ele amu, nai amuam genabte o iittate. Iitta amu, da dookkul,” awa aum.

Aposel 7:51

Aria, Israel ag am tappe nak danab, ag oolag, daulag ele am ituak, iitta aɗi danab bia amunu, ag mamelkad aɗi heppig amubia, ag hanhan Kayak Ouɗi dimedatteb.

Eksodas 32:9

Yawe Nug Moses amegppa anam awowa, Nug nai tuɗitta aum. “Da danab ah amu dilagnu amu, da dottem, danab ah amu ag am oɗe dim lamidmananu dabmak ɠagattag eppak danab ah.

Eksodas 33:6

Yawe Nug anam aum, haen amuppa ag Horep qaukoppa daappig amu, haen amuppa ag bala amu uhuqeg ne gonana, ag eɗun ii meppig.

Aisaia 48:4

Da ag, ahilag dabmak am ɠagattag eppom daatte, da ag heppeg, dabmak ahilag eɗukkunu iinab hetteb am doomi. Ahilag dabmak am ɠagattagnab; aen o bras bia.

Joel 2:12

Amu Yawe Nug atte. “Ag matu helob, amge ag gemu, yo, ag gemu haen imuppanab ag meulag ohppa, oolag ohppa, ɠagattag ohppa ele eɗun, da waalppa daaglagnu uɗieg! Ag ee ohnu kud mena, gaanna mahina, ag eɗun dahilppa uɗieg!