Eksodas 33:14 - Nobonob Baibel

¹⁴ Moses nug anam a, aria Yawe Nug aum. “Da amu, da geha ag ele oh gokkunig, amu amuppa da na dahil oo maɗoɗ na medakkul,” awa aum.

Eksodas 33:14 Referans Kwoze

Josua 21:44

Amu Yawe Nug he, Israel dilag kekeɗ ag nakok laa heeg, Israel ag ii baɗadna, ag maɗoɗ, ena daappig. Yawe Nug ag mamelkad aɗi amelagppa Nug anamnab hekkunu nuhig nai ɠagattag qetta aum amu, Nug amu bianab heum. Yawe Nug Israel ehanattom amunu, ahilkad kekeɗ laa ag Israel ele ban hena, eɗadkkulagnu elele iitta daappig.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Matyu 11:28

Jesus Nug anam ana, Nug baula ele aum. “Ag danab oh, ag uɗat okkai henana, keeke uug ele maotteb amu, ag gumiɗna doig! Doppeg, da heppi, ag hik aoglag.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Josua 22:4

Amu Yawe, ahilag Kayak, Nug he, gemu Israel dilag huu okkai laa imu oh ag kekeɗ dilag ii baɗan, ag maɗoɗ, enaib daatteb. Nug ahilagnu aɗi hekkunu nai qakka aum amu he, ag ahilag wan aon daatteb amunu, ag ahilag wan, wan amuam Jodannu le kaɗag uɗitteppanu daatte amu, ag ahan, ahilag wan amuppa gona daaglag. Yawenu maɗi nid Moses, nug ag wan amu mattom.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Eksodas 13:21

Ag ukkaegeg, Yawe Nug amunppa lombig attan tak ooppa dayaya, ib ippunadkkunu anuqa ugakka, tuqan amu, Nug aab ewak attan tak ooppa dayaya, amahlak madakkunu anuqa ugekke goppig. Nug anam heum amunu, ag amun, tuqan ele gokkulagnu elele.

Josua 23:1

Amu Yawe Nug he, Israel ag kekeɗ laa ii baɗadna, ag ena daappig. Maɗ kuɗum ukke, Josua nug aakku kainonab meum.

Duteronomi 3:20

haen Yawe Nug ag maɗoɗ mattom bia Israel laala, ag Yawe, ahilag Kayak, Nug wan Jodan le mataɗa ukkak madatte, Nug ag matteb aoglag, ag lailkad appa ag maɗoɗ daatteb bia daappeg, ag eɗun, da ag wan madattem ele imuppa uɗiglagnu elele,” awe ami.

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Duteronomi 4:37

Nug ag mamelkad aɗi dilagnu oo mauhom amunu, Nug ag buɗulkad tituanatta, Nug nukka nuhig ɠagattag okkai eleppa Nug ag Isipnu diia, omalatte uɗippig.

Duteronomi 12:10

Ag haen elab iitta, Jodan le mataɗna wana, ag wan Yawe, ahilag Kayak, Nug ag madatte, ag amuppa daaglag. Wan amuam ag aulag daakkunu ag madatte. Yawe Nug ag ehanatteb, ahilkad kekeɗ eɗadna, ag appa aben aon, baɗak iittappa daanna amu,

Duteronomi 25:19

Ag anam heppig amunu, haen Yawe, ahilag Kayak, haen Nug heeb, ag hik aon ena daaglagnu, wan Nug ag aulag daakkunu madatte, ag amuppa daanna amu, haen amuppa ag banelag gona, Amalek danab ah ag iitta mena autna aoppeg, hab waappa, danab laa nug baula ahilagnu dab-ii-memanu heig! Ag amu hekkulagnu aib daulag atiom.

Duteronomi 31:8

Yawe Nug anuqa gokku amunu, na aib baɗak doome, o na aib ootppa, ‘Da elele iitta,’ doome. Nug na ele daaglah; Nug na ii uuidma, na ii paɗaidma,” Moses anam aakku Josua amegppa aum.

Jeremaia 31:2

Amu Yawe Nug imu ele atte. “Danab ah ag qep elabppa ii mauhkkulag amu, ag atu taɗakppa daappeg, da ahilagnu ii helom bia me, da ehanadkkul. Da uɗien, Israel ehanadppi, ag maɗoɗ ele daaglag,” awa atte.

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Daniel 12:13

Amu Daniel, nahipnu, na wanppa daanna, na maɗoɗ ele daye! Na wanppa oinna, wanppa dayak nahip iitta meeb, na hik aon daappe ukkeb, gog tak haenppa na eɗun hippaidna, aug ena Kayak medakkunu tituanom daatte amu, na aokkut,” awa aum.