Eksodas 33:12 - Nobonob Baibel

¹² ⌊Amge Moses nug qaukoppa dayeye, Yawe Nug Moses danab ah amu anuqa omalatta ukka, wan laappa tekkunu a⌋ amu, Moses nug Yawe amegppa aum. “Na da amelppa da danab ah imu anuqen omalatte, ahilag wanppa gokkulnu attem, amge na da aun nug da ehaniɗeb gokkunig amu, na amunu da amelppa ii ame. Na amunu ii ame, amge na, ‘Da na dooitte aute awe, am da nahipnu ena doottem,’ ame

Eksodas 33:12 Referans Kwoze

Eksodas 33:17

Moses nug anam a, aria Yawe Nug Moses amegppa aum. “Da nahipnu ena doottem, da na dooitte aute aottem amunu, da am geha, na ame bianab, da anam hekkul,” awa aum.

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Eksodas 32:34

Amu na gona, na danab ah diin, aben da na amenppa ami amu, na amuppa gokkut! Doye! Engel dahil nug geha ibppa ag noolag awa, anuqa omaladkku, amge dimppa bu mattak haen tutukkuppa beeb amu, da geha uɗie, da danab ah ag hipunin heppig ele am bu madakkul,” awa aum.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Eksodas 33:1

Amu Yawe Nug Moses amegppa inam aum. “Na danab ah na Isipnu omalatte uɗippig ele amu, ag aben imu uun, wan laa, da Abraham, Aisak, Jakop ele wan amunu amelagppa, ‘Wan laih umu, geha da ag buɗulkad madakkul’ mattien, nai ɠagattag qettami amu, ag wan amuppa gokkulagnu omaladna ukke!

Eksodas 3:10

amunu ahe! Gemu da na Paro gumidna gona, amegppa appe, nug dahilad danab ah, Israel, nug ag uuatteb, na omaladppe, Isip uun, ⌊wan laa, da ag madakkul, ag amuppa⌋ gokkulagnu, na meitti gottem!” awa aum.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Aisaia 45:3

Da Yawe, Israel dilag Kayak, da na oninppa ettem amu, na da dooiɗna autna aokkutnu, da na ehanitten, en okkai okkai, aben gatatu ele daatte medakkul. Ao, da en okkai okkai, aben lokkumakppanab daatte, da na medakkul.

Hagai 2:5

Amu Yawe Nukka Ɠagattag Oh Ele Nug inam ele atte. “Ag Isip wan uun ahappig, haen amuppa da amu hekkulnu nug tituana nai qakkak hemi amunu, da aakku hettem. Da ag ele daattem. Ag aib baɗappig,” awa atte.

Eksodas 3:4

Amu Yawe Nug Moses ad nakok amu anidkkunu gukkuitta ugekke antta, Kayak Nug baag aab ewak amu ooppanu, “Moses, Moses,” awa aum. A amu, Moses nug aum. “Da iikku daattem,” awa aum.

Eksodas 34:9

Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.

2 Samuel 15:25

Ag amu hena malaeg, Dawit nug Sadok amegppa aum. “Na Kayaknu Tituanak Nainu Kunup aon, eɗun aab okkaippa ukke! Yawe Nug dahilnu ena dookkun dayeb, Nug heeb, da eɗue ukken, Tituanak Nainu Kunup amu, Nug laug baula anidkkul,