Eksodas 33:11 - Nobonob Baibel

¹¹ Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.

Eksodas 33:11 Referans Kwoze

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ

Eksodas 33:9

Ag anttegeg, Moses nug lag ooppa no, aakku lombig teppu ele attan tak nug uɗia, peh lag amu od guguitta dayaya, od amu tone, Yawe Nug Moses amegppa nai mattiom.

Eksodas 24:13

Yawe Nug Moses amegppa anam a, aria Moses nug nuhig maɗi nid Josua ele aa ahaya, Moses nug Kayaknu qauko igippa tekkunu teum.

Duteronomi 5:4

Yawe Nug qaukoppa aab dittiak ooppa mattieye, ig amenigppanab anidta doomut.

Genesis 32:30

Anam amunu, Jakop nug aum. “Da Kayak ele nug iɗu anttak hemuɗ, amge danab ag anam hena mauhtteb, amubia da ii mauhmi.” Nug anam aum amunu, nug aben amu onig Peniel ataɗom.

Jems 2:23

Amu nug heum amuppa nai laa Kayak naippa daatte am elele mettom. Nai am inam. “Abraham nug Kayaknu ooppa genab doyom amunu, Kayak Nug ooppa genab doyak amu antta, ‘Nug am genab tutukku hak danab daatte,’ ” awa aum. Ele amu Kayak Nug Abrahamnu, “Da layalnab,” aum.

Jon 11:11

Jesus nai amu mattia mala am Nug aum. “Ig lainig Lasarus nug niiom daatte, amge da ukken maɗedakkul,” awa aum.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

Aisaia 42:8

Da am Yawe, amuam da onil. Da uuppi, dahil binag amahlak oppiaawak ele am kayak hambuppuak laa, nuhigppa ii daama. Ao, da uuppi, kayak hambuppuak dottog laa da binal ii aoma.

Job 16:21

O gadon, gamag danab nug huu aɗit oo mak laippu daaglahnu gamag danab uɗat hette, amubia laa nug gamag danab dayaya, Kayak da ele gamanihppa gamag danab uɗat hekku, amuam ena.

2 Stori 20:7

O Kayak ihinig, ig memetankad anukka haenppa danab wan imuppa daadppig amu, na hee, nahipad danab ah Israel ag danab amu lamatteg, na wan imu na layap Abraham buɗuppud, amuam ig, na ihinig hanhan daakkunu ig mekkame.

Eksodas 32:17

Moses nug noa, Josua dayomppa no, aa oh ahaya noyaya, danab ah ag muttub qeegeg doya, Josua nug Moses amegppa aum. “Haen tutu dayaknu aab kalakppa amu, ag ban heegeg, oqotti otte bia dottem,” awa aum.

Eksodas 17:9

amu Moses nug danab laa onig Josua amegppa aum. “Na ihinig danab laala otiadppe, ag oh gona, Amalek aqeg! Butti ag anam hebeppeg, da am geha qauko nakok umu igippa hibaittette, da dudqak hokkat, Kayak Nug da maokkulnu aum amu, da amu aɗen daakkul,” awa aum.

Eksodas 33:10

Anam hanhan beum, amu haen danab ah ag lombig teppu ele attan tak amu, ag oh peh lag odppa dayeye anidna amu, ag peh lag ahilag odppa hippaidna daanna, ag dup nona, Yawe binag meppig.

Namba 11:28

Amu danab bau anam a, amu Josua, Nan bekka, haen nug danab bau dayaya, nug digma, Moses ehanittatta dayom ele, nug aum. “Danab okkai dahil, appe uueɗ!” awa aum.

Namba 12:7

Amge Moses, dahil maɗi nid amu, nug dahilad danab ah oolagppa oo metta ii uuak kobol elelenab dim lamidtte amunu, da nug amegppa ib anamppa nai ii madittem.

Duteronomi 31:14

Aakku Yawe Nug Moses amegppa aum. “Na mauhkkutnu haen aakku doum. Na Josua appe uɗieb, na nug ele oh dahil mettid haknu peh lag danab ah appa qagmetteb ele, aa appa gumiɗya doya daapeɗ, da nug ehah medakkul,” awa aum. Yawe Nug anam aum amunu, Moses, Josua ele aa goya, mettid haknu peh lag, danab ah appa Nug noobppa qagmetteb ele, aa peh amu odppa, Yawe gumiɗya doya daapiɗ.