Eksodas 33:1 - Nobonob Baibel

¹ Amu Yawe Nug Moses amegppa inam aum. “Na danab ah na Isipnu omalatte uɗippig ele amu, ag aben imu uun, wan laa, da Abraham, Aisak, Jakop ele wan amunu amelagppa, ‘Wan laih umu, geha da ag buɗulkad madakkul’ mattien, nai ɠagattag qettami amu, ag wan amuppa gokkulagnu omaladna ukke!

Eksodas 33:1 Referans Kwoze

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Eksodas 32:7

Ag amu heegeg amu, Yawe Nug Moses amegppa aum. “Na paha no! Aɗinu? Danab ah nahipad, na ag Isipnu diin uɗime ele amu, ag kobol ena iitta uɗig wak ele hena, da dimeɗappig.

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

Eksodas 32:34

Amu na gona, na danab ah diin, aben da na amenppa ami amu, na amuppa gokkut! Doye! Engel dahil nug geha ibppa ag noolag awa, anuqa omaladkku, amge dimppa bu mattak haen tutukkuppa beeb amu, da geha uɗie, da danab ah ag hipunin heppig ele am bu madakkul,” awa aum.

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

Eksodas 17:3

Amge danab ah ag le baalag diie, ag tuɗidna, Mosesnu naittuɗ mena, mattina, ag inam appig. “Aɗinu na ig, nid naunau ihinkad, amu ihinkad doɗ ele ig oh geha le baanig diieb mauhkkunignu Isipnu aigna, omaigna uɗime?” aon appig.

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Aposel 7:36

Amu Moses nug danab amu ag Isip wanppanu gokkunu omalattatta, nug Kayak dabmettaknu kobol danab haknu elele iitta digdig heum. Nug omalatta ugakka, nug Isip wanppa, Le Kokoɗppa amu atu taɗakppa ele, appa maɗ 40 batak anamib heum.

Genesis 26:1

Anukka Abraham nug wan amuppa oiyeye amu, enug haen beum. Aria, Aisaknu haenppa amu, enug haen baula be, amu Aisak nug Abimelek toppa ukkom. Abimelek nug Pilistia dilag king; Gerar aabppa dayom.

Genesis 28:10

Amu Jakop nug Mesopotamia gokkunu ugakka, nug Berseba uua, Haran gokkunu ukkom.

Lewitikas 20:24

Amge, wan ahilag, wan amuam enanag, wan ittag ele, amuppa ee meu huana otte amu, da wan amu madappi, ag aoglagnu nai ain qakkami, wan amuam ag aulag daakku. Da am Yawe, ahilag Kayak. Da aakku, ag danab laa oh oolagppanu ag danab ah laa daaglagnu tituanadmi.

Namba 11:12

Na, na onin aon, amuppa nahip nai ɠagattag qettan, danab ah imu mamelkad aɗi Kanan wan madakkutnu ame. Amge danab ah imu oh da ii hattami; da ii menuadmi. Da amu ii hemi amunu, na da ag dabmatte, atognoatte aute awewe, wan na amenu, appa omalatten gokkulnu ame amu, da amunu diig ii doottem.

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.