Eksodas 32:1 - Nobonob Baibel

¹ Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

Eksodas 32:1 Referans Kwoze

Aposel 7:40

Ag anam henana, ag Aron amegppa appig. ‘Ig danab amu, Moses, danab amu nug ig Isip wanppanu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!’ aon appig.

Duteronomi 9:9

Haen amuam da qaukoppa men maha aɗit, Yawe Nug he, Nug ag ele nug tituana nai qakkak heppig, Nug nai amu men maha aɗit amuppa yom, amu da men maha aɗit amu diiatkkulnu temi. Da attan appa deɗ 40, tuqan 40 oh daami, da ee laa ii lami, le ele ii lami.

2 Pita 3:4

Ag ihaklel henana, “Jesus uɗikkunu nai qakka aum amu adekku?” akkulag. Laa ele ag, “Ig mamenkad ag Nug eɗua uɗikkunu ameg men daaegeg ukke mauhppig, amge digmakppan uɗie gemu ele wanppanu keeke beppig daatteb bianab gemu ele daatteb!” aon akkulag.

Eksodas 24:18

Nug anam e, aakku Moses nug qaukoppa taata, nug lombig ooppa noa, nug qauko igippa ta, nug appa amun 40, tuqan 40 ele dayom.

Matyu 24:48

Amge maɗi nid amu nug danab ena iitta daya, ooppa, ‘Danab okkai dahil nug paha ii uɗima,’ dabmekku dayeb,

Aposel 17:29

Aria, ig Kayak bekkod daattem amunu, ig ihinig dabmakppa, ‘Danab ag gol, silwa, men ele aona, ahilag dabmakppa ag eppelagppa dottog hetteb, amu Kayak Nug keeke amubia daatte,’ aib doomut.

Aposel 19:26

Amu danab laa onig Pol nug uɗia, danab ah ameg naɗi eeɗatta hambuppue, ahilag dabmak am kaboliak daatte. Ag amu ele anidna dootteb. Antteg, nug Epesus ippaib anam ii heum. Iitta! Nug Asia prowins imu ohppa bia oiyaya, nug anam heum. Nug inam atte. ‘Nigul, danab ag eppelagppa hetteb amu, amuam genab kayak iitta!’ Nug hanhan anam atte.

Maika 6:4

Aɗinu? Da Isipnu omalatti uɗippig. Ao, da Isip wanppanu, ag appa begbeg maɗi nid daappig amu, da appanu begbeg maɗi nid dayaknu qagaiettakppanu eɗua uhuqak hemi. Da amu heinne, da Moses ag noolag awa gokkunu mattami; Aron, Miriam ele.

Hosea 12:13

Dimppa amu, Yawe Nug he, propet laa nug Jakop buɗub, am Israel danab ah, nug ag Isipnu omalatta uɗiom. Ao, Yawe nug propet amu eppegppa Israel danab ah dabmadatta, atognoattette uɗippig.

Eksodas 32:11

Yawe Nug Moses amegppa anam aum, amge Moses nug Yawe, nuhig Kayak, nug nuhig oo mak ag uuadmanu haaha, Nug inam Yawe amegppa anana, inam unuqittom. “O Yawe, na oo nauhak doonna, na heppe, danab ah nahipad, na danab ah amu na nahip ɠagattag okkaippa Isipnu diin uɗime ele amu, ag padal mekkulag, amge amuam uug ele.

Eksodas 32:7

Ag amu heegeg amu, Yawe Nug Moses amegppa aum. “Na paha no! Aɗinu? Danab ah nahipad, na ag Isipnu diin uɗime ele amu, ag kobol ena iitta uɗig wak ele hena, da dimeɗappig.

Eksodas 14:11

Ag enana amu, ag Moses amegppa inam appig. “Aɗinu na ig hamu omaigna uɗie, ig atu taɗakppa inam daattem? Boumak aben Isip wanppa elele iite daatte amunu, ig aben imuppa mauhkkunignu omaigna uɗimete? Ig Isip daatta mauhlom am ena.

Eksodas 13:21

Ag ukkaegeg, Yawe Nug amunppa lombig attan tak ooppa dayaya, ib ippunadkkunu anuqa ugakka, tuqan amu, Nug aab ewak attan tak ooppa dayaya, amahlak madakkunu anuqa ugekke goppig. Nug anam heum amunu, ag amun, tuqan ele gokkulagnu elele.

Eksodas 16:3

ag aa amelahppa inam appig. “Ig Isip daapput, Yawe heeb mauhlom am ena. Aɗinu? Aa ig awigya, omaigya atu taɗak ee iitta ele imuppa enug iqeeb, ig ohnab mauhkkunignu uɗipiɗ. Isip appa amu, ig daatta, ig doɗ teppu, ee iɗu iɗu laa ele elelenab lakkunignu amu, ig aot lamut,” aon appig.

Genesis 44:15

Anam heeg amu, Josep ag amelagppa aum. “Ag aɗi hekkulagnu anam heppig? Da am danab emanppa keeke dookkulnu elele amu, ag iite dootteb?” awa aum.

Josua 7:13

Ahan gona heppe, Israel danab ah ag dahilnu tituana meɗak dayeg! Na ag amelagppa inam appe doyeg! ‘Ag buttinu elele daaglagnu, ag Yawenu tituana mettak daaglagnu hena dayeg! Aɗinu? Yawe, Israel dilag Kayak, Nug inam atte. “Keeke dahilnuib pelemppa daatte amu, keeke amu ag oolagppa aakku daatte. Keeke amu ag oolagppa daatte haenppa amu, ag kekeɗ ahilkad eɗadkkulagnu elele iitta daaglag. Ag heppeg, iitta meeb amu, ag eɗun, kekeɗ eɗadkkulag.

Eksodas 33:3

Ag gobeppeg, da ag ele wan amuppa, wan amuam enanag, wan ittag ele, amuppa ee meu huana otte amu, da ag ele oh ouqeta, wan amuppa ii gomata. Aɗinu? Ag am oɗe dim lamidmananu dabmak ɠagattag eppak danab ah. Da ag ele oh ouqeta gota, ibppa ag eheɗ laa heppeg amu, da heppi, ag ibppa padal mekkulagtai,” awa aum.

Genesis 44:4

Ag gona, aab okkai dimittim uma ii ukkaegeg, Josep nug nuhig lag gumak danab amegppa aum. “Na ahan, danab amu dim lamadna gona, haen na gukkuadna wana amu, ag amelagppa inam a! ‘Aɗinu ag nob enanu nob nau heppig?

Genesis 39:8

Nug anam aum, amge Josep nug uua, eɗua amegppa aum. “Dahil danab okkai nug laugnu keeke laa ii dabmette; nuhig keeke oh nug da eppelppa da gumakkulnu meum.

Genesis 19:14

Anam aeh amu, Lot nug aha, danab aɗit aa Lot aɗekuɗ baelti aɗapiɗ ele, ahilahppa ukka amelahppa aum. “Yawe Nug aab okkai imu heeb, padal mekku amunu, aa ahaya, aben laappa ukkeɗ!” awa aum. Lot anam aum, amge danab aɗit amu aa, “Nug qiɗ hak nai atte,” apiɗ.

Matyu 24:43

Ag doyeg! Lag mameg nug haen adekkuppa tuqan yabhok danab uɗikku doolo, nug ib aɗaɗa heeb, yabhok danab nug laug loppaɗa, lag ooppa ii nolo.

Genesis 21:26

Abraham nug le moɗnu a amu, Abimelek nug Abraham oɗeppa awa aum. “Danab aun heum amu, da ii doottem. Da gemu iikkuib ae doottem. Na anukka da amelppa ii ame,” awa aum.

Eksodas 20:23

Ag kayak hambuppuak dottolkad aib hoiyadna, ag da noolppa dup nona, da binal menana, kayak amu ele noolagppa dup nona, aib binalag meppig; ag daib noolppa dup nona, da binal mekkulag. Ag kayak hambuppuak noolagppa dup nona binalag mekkulagnu, ag dottolkad golppa, o silwappa ele aib heppig,’ ” awa aum.

Eksodas 32:23

Anam amu, ag da amelppa inam appig. ‘Ig danab amu, Moses, danab amu nug ig Isipnu aikka, ippa uɗiom ele, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!’ aon appig.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Esekiel 20:8

Da anam ami, amge ag dahil nai tappaeg neum. Ag dahil nai dooglagnu uuppig. Ag dottolkad uɗig wak ele, ag dottolkad amu binalag mekkulagnu oolag okkai daatte amu, ag dottolkad amu ii akkaeg goppig. Ag Isip dilag kayak hambuppuak dottolkad binalag mekkulagnu ii dimadppig. Ag amu heppig amunu, da oppoɗil be, bu okkainab madakkulnu ami. Ao, da ool nauhehe, da ahilag hak naunu nob naunab madakkulnu ami.

Eksodas 24:12

Amu dimppa, Yawe Nug Moses amegppa aum. “Na qaukoppa bena, da gumuiɗna uɗin daappe, da ɗo men maha aɗit laappa yaami, ɗo amuam danab ah ulum madatte amu, geha da na men maha aɗit amu medakkul,” awa aum.

Eksodas 32:22

Moses nug anam a, Aron nug Moses aum, nug nai amunu eɗua inam aum. “Danab naɗi dahil, na oot aib nauhom. Aɗinu? Na danab ah imu diilag doottem. Ag kobol nau hekkulagnu amu, ag ib amu oɗeppa daan oitteb.

Duteronomi 9:1

O Israel danab ah, ag daulag human doyeg! Gemu ag Jodan le mataɗna wana, danab ag eɗattak, ɠagattag okkai ele, ag ag ahilkad wanppanu lamadna aoglagnu daatteb. Danab amu ag aab okkai aɗ attannab tak eleppa daatteb!

Duteronomi 31:8

Yawe Nug anuqa gokku amunu, na aib baɗak doome, o na aib ootppa, ‘Da elele iitta,’ doome. Nug na ele daaglah; Nug na ii uuidma, na ii paɗaidma,” Moses anam aakku Josua amegppa aum.

Sam 106:19

Israel danab ah ag Horep qaukoppa makau gaiɗ dottog heppig. Ag golppa dottog heppig amu, nuhignu dup nona binag meppig.