Eksodas 30:4 - Nobonob Baibel

⁴ Ag amu hena, ag qaɗab tuqaippa mawaknu gol ring aɗit hena, tuqai aɗit ring oɗeppa yaalatppeg goya daapeɗ, mawaknu amu, ag ring laa laihppa gol bala qataqak ele waappa qakkon, laa amu ag laihppa gol bala waappa qakkaglag.

Eksodas 30:4 Referans Kwoze

Eksodas 27:7

Haen ag qaɗab maoglag amu, ag tuqai aɗit amu aon, qaɗab mawa ukkaknu heqo laih laih ring oɗeppa aɗualatppeg noob, ag human maoglag.

Eksodas 27:4

Amu ag qaɗab hena, ag nuhig keeke laa, battam okkai bia, ag keeke amu brasppa giɗo giɗo ele heig! Ag hewona, ag ring bras waɗele hattana, ag keeke battam okkai bia daug waɗeleppa qata-aqadna, keeke battam bia amu aɗan, qaɗab amu ooppa paɗappeg noaɗ! Ag paɗappeg noobob, keeke battam okkai bia bitob am qaɗab gamagppa, attan iitta, honap ele iitta, nug anam noa dayebeb, keeke battam okkai bia oɗe am qaɗab agappan maha, otala nakok okkai ele amu, am amu waappa daakku.

Eksodas 26:29

Aria, ag gililnu ukku amu oh golppa tonattona, ad emaitak maknu ad ele golppa tonadkkulag. Tonadna amu, ag ring gol laala, ag ad emaitak maknu gililnu ukkuppa qata-aqadkkulagnu ele heig!

Eksodas 25:14

Ag anam tonatna, ag tuqai aɗit amu Tituanak Nainu Kunup mawa ukkaknu heqo laih laih, ring amu oɗeppa aɗualatppeg noiɗ!

Eksodas 25:12

Ag amu hewona, ag gol ring waɗele, kunup mawaknu ele hena, ag Tituanak Nainu Kunup baeg naunau waɗele amuppa qakkalatteg! Ag aɗit heqo laih qakkon, aɗit laa amu heqo laihppa qakkeg!

Eksodas 30:3

Ag amu hena, ag qaɗab amu qaɗeppa, daug daug ele, amu makau qeqeɗi waɗele amuppa ele gol ena dubuttid iitta ele aon tonan, gol laa ele aon, bala qaɗab taliliak daakkunu hena, qaɗabppa qataqena, talilidppeg ukkaɗ!

Eksodas 30:5

Ag maoglagnu tuqai hekkulagnu amu, ag akasia ad maha aɗit aon hoina, qaɗeppa gol aon tonateg!