Eksodas 30:25 - Nobonob Baibel

²⁵ Na amu oh akkan malan, na laittaknu goɗen dahilnu tituanak daakkunu kabolin autna aoppe, am goɗen amuam muttuɗig enanag, doyak danab hette bia aakku ba daakku. Amuam goɗen dahilnu tituanak dayaya, laittaknu goɗen daakku.

Eksodas 30:25 Referans Kwoze

Eksodas 37:29

Aria, ag amu hena, ag laittaknu goɗen Yawenu tituanak daatte ele, amu kalu muttuɗig enanagnab, dubuttid iitta ele, ag amu oh ele heppig. Amunu haknu doyak danab laa, nug amu heum.

1 Stori 9:30

Lewi buɗub laa ag keeke amu dabmadappig, amge mana mettak danab agib spais digdig, ⌊Kayak ag amu hekkulagnu attem attem hekkulagnu aum amu⌋, agib amu kabolippig. Laa nug amu hekkunu elele iitta.

Eksodas 40:9

Aria, dimppa na laittaknu goɗen aon, dahil mettid haknu peh lag, amu ooppan keeke daatteb ele, na amu oh dahilnu tituanna meɗakkutnu, na goɗen gokkaɗakppa tituanadna, na dahilnu tituanna meɗe! Na anam heppe, dahil mettid haknu peh lag, nuhig keeke oh ele, am dahilnu tituana mettak daaglag.

Sam 133:2

Ao, danab ah ag anamppa daaglag dayeb amu, amuam kobol ena. Kobol amuam olip goɗen enanag Aron igippa gokkaɗeg neum, am amubia. Ao, goɗen amu nug igippan noa, akkaɗippa noa, lamen elab takkom ele laih baagppa daatte ele, amuppa batom.

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.

Hibru 1:9

Na genab tutukku hak kobolnu oot mauhom, gemu ele oot mauhtte, kobol naunu amu, na nau ninig ele doome, gemu ele na anam doottem. Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.”

Namba 35:25

Ag amu hena, ⌊genab⌋ nug ii doyaya anam heum ⌊anidkkulag dayeb amu, ag anam⌋ anana, ag heppeg, layag nug qe mauhak danab nob ma qeeb mauhkkunu daatte ele amu, nug aib qe mauhak danab qeum. Ag qe mauhak danab amu, nug laa nug layag ii doyaya qe mauhomnu ehanittak aab okkaippa qaietta ukkom amu, ag heppeg, nug eɗua, appaib ukka, laa nug qe mauhak danab qeeb mauhkkunu dabmette ele, nuhignu awaittak daakku. Ag nug appa meppeg ukka dayebeb, mana mettak ikki danab, Kayaknu tituanak daattenu goɗen gokkaɗakppa tituanppig ele amu, nug mauheb, danab amu nug eɗua appag diigppa dokku.

Eksodas 29:7

Na qakkona, na laittaknu goɗen aon, na goɗen gokkaɗakppa tituanidnana, nug mana mettak danab daakkunu goɗen igippa gokkaɗkkut.

Eksodas 29:21

Na amu hena malona, dimppa na tiig laa qaɗabppanu aon, laittaknu goɗen ele aon kabolin, na Aron tauɗ qettona, nuhig lamen ele tauɗ qettan, na nug bekkod ele tauɗ aqona, ahilkad lamen ele tauɗ qe! Na anam heppe, Aron, nug bekkod, amu ahilag lamen oh ele am dahilnu tituana mettak daaglag.

Eksodas 30:24

amu 6 kilogram kalu ag ad kasia gaɗappa heppig, na amu oh awona, aria 4 lita olip goɗen ele aona, na keeke amu oh aon, meppe dayeg! Amu keeke amu ohnu uug am, mana mettak lagnu melemel bia dayaɗ!

Eksodas 30:32

Ag danab hamu qaɗelagppa aib gokkaɗppig, goɗen laa imu hak bianab laa ele aib heppig. Goɗen ib imuppa hak am dahilnu tituanak daatte, amu ag amunu dabmenan oiglag. Ag goɗen imuam dahilnu tituanak daatte dabmenana, dabmak laa aib aoppig.

Eksodas 30:35

kalu danab ile, muttuɗig enanag bette hekkutnu na keeke amu oh kabolie! Na amu haknu doyak danab hette bia he! Na hewona amu, na yu kalu ele kabolie! Kalu danab ile muttuɗig enanag bette amuam dahilnu tituanak daya, dubuttid iitta ele daya, yu kaboliak ele dayaɗ!

Eksodas 35:15

Laa amu, kalu muttuɗig enanag ileb baknu qaɗab, amu qaɗab amu mawaknu tuqai aɗit, laittaknu goɗen, amu kalu muttuɗig ena ele, am lamen mettid haknu peh lag odppa aihak daakkunu ele.

Lewitikas 8:2

“Na gemu Aron, bekkod ele, amu ahilkad mana mettaknu uɗatnu bala ele, aria laittaknu goɗen, ib etta hipunin haknu ofa haknu makau dawai laippu, aria sipsip dawai aɗit, amu kaleg bret yis iitta ele amuppa daatte, amu ele, na amu oh diin,

Lewitikas 8:10

Aria, Moses nug laittaknu goɗen awa, mettid haknu peh lag, amu keeke oh ooppa daatte ele, nug amu oh goɗen gokkaɗakppa tituanak heum. Nug anam heehe, keeke amu oh Yawenu tituana mettak daappig.

Eklisiastis 10:1

Qabuttid ag leppu muttuɗig enanag eleppa mauhna beɗaegeg, uɗig otte; amubia danab nug kobol doyak dabmak ena ele, kobol binag ele dim lamat-tte, me deɗ laa nug Kayak dab-ii-maama hak kobol laa he, nuhig kobol aɗit laa aa honap nettep.

Eksodas 28:41

Amu Moses na lamen amu na awan Aron, amu nug bekkod ele, na ag bala amu aɗuadppe noppeg, na ag mana mettak danab daaglagnu goɗen gokkaɗakppa tituanadna, baɗ mattan, ag dahil mana mettak danab daan, uɗat hekkulagnu, na ag dahilnu tituanna meɗe!

1 King 1:39

Amge ii noak haenppa mana mettak danab Sadok nug peh lag Yawenu tituanak daatte ele, nug appa ukka, olip goɗen makau qeqeɗi okkulakppa inak ele awom. Awe nona, nug Solomon king daakkunu nug goɗen gokkaɗakppa tituanom. Anam gokkaɗa tituane amu, ag trampet iwaleg, danab ah oh ag ahan inam aon eppig. “Solomon nug king haen elab dayaɗ!” aon eppig.