Eksodas 30:23 - Nobonob Baibel

²³ “Am laa amu, na spais digdig; amuam 6 kilogram mir, 3 kilogram sinamon kalu muttuɗig enanag ele, 3 kilogram keeke qaittobttob bia diig laa muttuɗig ena ele,

Eksodas 30:23 Referans Kwoze

Esekiel 27:19

Dan danab, Grik danab Usalnu ele ag nahip keeke daden meppig. Ag keeke ainppa hak, spais kasia, kalamus ele aon uɗin, amuppa nahip keeke daden meppig.

Esekiel 27:22

Keeke laihnu awa dadennu mak danab Sebanu, Ramanu ele, ag ele uɗin, nahip keeke aoppig. Ag spais enanagnab, laa oh eɗattak, men daden nob okkainab ele, amu gol ele aon uɗin meeg, na amu aon, nahip keeke ag mattame.

Jeremaia 6:20

Juda danab ah, ag Sebanu kalu danab ile muttuɗig enanag bette, ag kalu amu amotna, da meɗatteb, amge ag hipunin hekkulagnu ii uutteb amunu, da kalu amunu ool hettete? Da amunu oolppa ena doottemte? Iitta! Ao, ag goɗen muttuɗig enanag hekkulagnu wan umanabnu keeke qaittobttob bia onig kalamus aon, da meɗatteb, amge ag hipunin hekkulagnu ii uutteb amunu, da kalamus amunu ool hettete? Da amunu oolppa ena doottemte? Iitta! Manaknu ofa ahilag amu, ag am pehettak iitta; da ii aopa. Ao, ahilag mana mettak laa amu, da amunu ena ii doottem.” Yawe Nug anam atte.

Solomonnu Ahi 1:13

Muttuɗig enanag dahilppa daakkunu, da tuqan keeke muttuɗig enanag onig mir lamen qattippa qakkak huhulaɗ dahil gamagppa mei, da ele ouqaknab anam daatte; amu laa da nuhignu ool mauhtte ele amu, nug ele anamib daatte.

Solomonnu Ahi 1:3

Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Prowerb 7:17

Niiak aben dahil muttuɗig enanag okkunu amu, da mir kalu muttuɗig enanag, alo kalu muttuɗig enanag, sinamon kalu muttuɗig enanag ele niiak aben dahilppa gokkaɗmi.

Sam 45:8

Keeke muttuɗig enanag, onig mir, alo, kasia ele, ag amu aon, lamen elab nahip laitteg, muttuɗig enanab otte. Na nahip launad enanagnab, appa amu, ag elepan aelkadppa keeke digdig hena, bala madappig. Na launad amuppa ahiettak danab ag ahi ettan autna aon heegeg, na doon, gaman ahatte.

Eksodas 37:29

Aria, ag amu hena, ag laittaknu goɗen Yawenu tituanak daatte ele, amu kalu muttuɗig enanagnab, dubuttid iitta ele, ag amu oh ele heppig. Amunu haknu doyak danab laa, nug amu heum.

Eksodas 25:6

lam amotaknu goɗen olip meuppa hak, spais digdig laaittak goɗen babaittaknu, amu kalu danab ile muttuɗig enanag bette ele kaboliaknu,

Eksodas 30:22

Yawe Nug anam awowa, Nug nai tuɗitta, Moses amegppa inam aum.

Eksodas 30:24

amu 6 kilogram kalu ag ad kasia gaɗappa heppig, na amu oh awona, aria 4 lita olip goɗen ele aona, na keeke amu oh aon, meppe dayeg! Amu keeke amu ohnu uug am, mana mettak lagnu melemel bia dayaɗ!

Eksodas 35:28

Ag amu aona amu, ag spais muttuɗig enanag diig laala, olip goɗen ele aon uɗippig. Keeke amuam lam maknu, amu laittaknu goɗen haknu, amu kalu danab ile muttuɗig enanag bette ele haknu daatte.

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

1 King 1:39

Amge ii noak haenppa mana mettak danab Sadok nug peh lag Yawenu tituanak daatte ele, nug appa ukka, olip goɗen makau qeqeɗi okkulakppa inak ele awom. Awe nona, nug Solomon king daakkunu nug goɗen gokkaɗakppa tituanom. Anam gokkaɗa tituane amu, ag trampet iwaleg, danab ah oh ag ahan inam aon eppig. “Solomon nug king haen elab dayaɗ!” aon eppig.

1 Stori 9:30

Lewi buɗub laa ag keeke amu dabmadappig, amge mana mettak danab agib spais digdig, ⌊Kayak ag amu hekkulagnu attem attem hekkulagnu aum amu⌋, agib amu kabolippig. Laa nug amu hekkunu elele iitta.

Aisaia 43:24

Ag keeke qaittobttob bia diig laa muttuɗig ena ele daden mena aon, da ii meɗappig. Ao, ag mana mettaknu doɗ ittalkad kuɗumnab aon, ittalkad amu da ii meɗappig. Da ag uug anam ii mattami, amge ag hipunin ahilagppa uug okkainab da meɗappig. Ao, da ag uug anam ii mattami, amge ag tappe nak ahilagppa bahi yaak okkainab da meɗappig.

Namba 4:16

Aron nug mana mettak danab daatte. Nug bekka Eleasar nug geha goɗen amahlaknu, kalu danab ile muttuɗig enanag bette, goɗen ee aeg kabolina manan Yawe medatteb ele, amu laittaknu goɗen, nug amu oh dilag italak danab anuqak daakku. Nug dahil mettid haknu peh lag, amu lag amu ooppan keeke, keeke oh dahilnu tituanak daatteb, nug amu dilag gumak anuqak italak danab daakku,” awa aum.

1 Stori 9:29

Amu Lewi buɗubppan mana mettak danab iitta, ag oolagppan laa ag Yawenu mettid lagnu sia keeke atognoadkkulagnu daanna, aɗi keeke laa appa daappig amu, ag amu ele atognona, plaua, wain, goɗen, kalu danab ile muttuɗig enanag bette, amu spais digdig ele dabmadappig.