Eksodas 30:15 - Nobonob Baibel

¹⁵ Ag anam mauhmananu, danab enub ele nug 6 gram silwa eɗittak, okkai ii mema; aria, daɗek danab nug 6 gram silwa, nug amu eɗua honap nak, nug nakok amubia ele ii mema. Iitta. Ag oh melemel laippu, 6 gram silwa, ag amuib ofa daakkunu da Yawe, ag da meɗeg! Amuppa amu, ag qagaiettak amuppa daamnanu uhuqak aoglagnu hekkulag.

Eksodas 30:15 Referans Kwoze

Namba 31:50

Amunu ig anen anen golnu keeke Midian dilagppan aomut ele amu, ig Yawe mettagnignu akkat uɗimut. Keeke amuam nuhignu mana mettak bia aakku. Keeke ig Midian dilagppan aomut ele amu inam; eɗi, eppelag baagppan eɗi, ahilkad doyaknu at ringppa daatteb, daulagppan bala, am kalele ele. Ig keeke amu ihinig eheɗ haknu nob nau amuppa iitta mekkunu hepput, elele medakkunu aakku Yawe noobppa hettem,” aon appig.

Epesus 6:9

Gumak danab ag ele ahilag begbeg maɗi nid dilagppa anamib ena heig! Ag baɗaknu kobol ahilagppa aib heppig. Ag dootteb, Naɗi, hab aabppa daatte ele, Nug am begbeg maɗi nid dilag Naɗi, ag gumak danab, ahilag Naɗi ele. Nug laa, nug danab onig okkai ele, nuhignu ena doonna, laa onig iitta ele nuhignu eheɗ dootteb, amubia iinab hette.

Job 34:19

Kayak Nug king tiigppan danab, enub danab, daɗek ele oh hattom amunu, Nug laa nug king tiigppanu amunu, nuhignu diig iittappa ena doya, laanu diig iittappa eheɗ ii dootte. Ao, Nug laa am enub danab amunu, diig iittappa nuhignu ena doya, laa am daɗek amunu diig iittappa nuhignu eheɗ ii dootte.

Lewitikas 17:11

Aɗinu? Keeke oh bau daatteb ele amu, ag tiigppa bau daatteb. Qaɗabppa amu, mana mettak danab nug heeb, ahilag eheɗ haknu nob nau tiigppa iitta meeb elele medakkunu hette amunu, da ag eheɗ haknu nob nau tiigppa iitta meeb elele medakkunu hekkulagnu tiig ag mattami.

Eksodas 30:12

“Na Israel danab onilag aon, uɗugppa yaabppe, danab laib laib oh ag mauhmananu, ag qagaiettak amuppa daamnanu uhuqak aoglagnu, ag men doɗo laa, da meɗaglag amunu, haen ag anam heppeg amu, geha oɗe nau danab kuɗum aqe mauhtteb ele beeb, ag padal ii memana.

Kolosi 3:25

Amu danab nug eheɗ heum, nug geha eheɗ heumnu nob eheɗ aokku. Amu Kayak Nug danab oh melemel laippuppaib epeɗiadkku.

Prowerb 22:2

Enub danab, daɗek danab ele, ag oh keeke laippuppa, ag laippu daatteb; amuam Yawe Nug ag oh hattom.

2 Samuel 21:3

Dawit nug ag onilagppa e uɗieg, nug ag oɗ mattom. “Da ahilagnu aɗi hekkul? Ag ig Israel, ag ig ena itigkkulagnu amu, da aɗi kobol heppi, ag amuppa, ‘Nug kobol heum, kobol amu nug he, ihinig uug babaittak daatte,’ akkulag?” awa aum.

Eksodas 30:14

Ao, danab oh maɗ 20, amu maɗ 20 eɗitta tak ele ag goppeg, ag onilag aokkut, aria ag oh men doɗo amu ofa daakkunu da, Yawe, ag da meɗeg!

Eksodas 30:16

Na Israel danab ag qagaiettak amuppa daamnanu uhuqak aoglagnu men doɗo amu da meɗaglag amu, na men doɗo amu ahilagnu aoppe, men doɗo amuam dahil mettid haknu peh lag danab ah appa qagmetteb ele, am lag dahil amu dabmettaknu daakku. Am geha haen oh amuam da Yawe, da hei, Israel danab ag ii mauhppig amu, am amunu at daakku,” awa aum.

Esekiel 45:16

Amu Naɗi Yawe Nug atte. “Israel danab ah oh ag ee aeg, doɗ amu ele aon, ag Israel, ag ahilag okkai eppegppa mekkulag. Ag meppeg, nug amuppa mana mettak hekku.