Eksodas 30:13 - Nobonob Baibel

¹³ Na danab oh ag onilag yaabppe, ag anen anen 6 gram silwa ofa daakkunu da meɗeg! Silwa amunu uug am, mana mettak lagnu melemel bia dayaɗ! Sekel laippu, aria gera 20 ele, aa oh ahilah uug am laippu

Eksodas 30:13 Referans Kwoze

Lewitikas 27:25

Am mana mettak danab nug daden nob attem akkunu amu, nug men doɗo mana mettak lagnu melemel bia akkuoitte. Sekel laippu, aria gera 20 ele, aa oh ahilah uug am laippu.

Namba 3:47

na danab 273 amu anen anen dilagnu 55 gram silwa Israel danab eppelagppanu awe! Silwa amunu uug am, mana mettak lagnu melemel bia dayaɗ! Sekel laippu, aria gera 20 ele, aa oh ahilah uug am laippu.

Esekiel 45:12

Aria, na skelppa uug dookkutnu dabmekkut dayeb amu, na, sekel, dabmekkut. Sekel laippu, aria gera 20 ele, aa oh ahilah uug am laippu. Aria, na 60 sekel mekkut dayeb amu, na, mina laippu dookkut,” awa atte.

Matyu 17:24

Amu dimppa ag gona Kaperneam teppig. Teeg amu Kayaknu mettid lagnu takis awak danab ag Pita toppa uɗin inam appig. “Ahilag ippunittak danab nug Kayaknu mettid lakkanu takis hettete o iittate?” oɗ medappig.

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Matyu 21:12

Anam amu, Jesus Nug Kayaknu mettid lag nuhig tomppan keeke oh ele ooppa noa, Nug danab appa mana mettaknu keeke dadennu maadppig, laala daden meppig ele, Nug ag oh lamattom. Appan danab laala ag men doɗo baolippig ele amu, Nug ahilag balal huma awe, ukka na qe, am laala ag uppuɗil beɗulag nakok maatteg daden maadppig ele, Nug ahilag dayak aben ele huma awe, ukka na qeum.

Genesis 23:15

“O danab naɗi dahil, doye! Wan amu nuhig nob am 4.5 kilogram silwa, amge da, na ele, ii gamanihppa amu, keeke amuam keeke iitta bia. Na ah nahip amuppa boume,” awa aum.

Eksodas 30:14

Ao, danab oh maɗ 20, amu maɗ 20 eɗitta tak ele ag goppeg, ag onilag aokkut, aria ag oh men doɗo amu ofa daakkunu da, Yawe, ag da meɗeg!

Eksodas 38:24

Amu gol oh, danab ah ag mettid haknu peh lag haknu akkan uɗin, amuppa huma epponitta mettaknu ofa heppig amu, uug nuhig am 1,000 kilogram. Gol amunu uug am, mana mettak lagnu melemel bia dayom.

Lewitikas 5:15

“Aun nug Yawe ippunittomnu oo metta ii uuak kobol ii dim lamitta, nug ii doyaya ib apiɗitta, aɗi keeke laa, amu Yawenu tituanak daatte amu, nug Yawe medakkunu daatte ii medatte, nug hipunin aakku hette. Laa anam hekku amu, nug aakku hipunin heum daakku amunu, nug sipsip dawai laa eheɗ haknu ofa haknu awa, Yawe toppa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am, amubia daakkuoitte. Silwa amunu uug am, mana mettak lagnu melemel bia dayaɗ! Amuam eheɗ haknu ofa aakku.

Lewitikas 27:3

Am danab nug nuhig maɗ 20, ukka maɗ 60 ele gamagmag anam ele dayeb amu, ag 600 gram silwa da meɗaglagnu daatte. Silwa amunu uug am mana mettak lagnu melemel bia dayaɗ!

Namba 7:67

Keeke nug ofa ha, akka waum ele am, silwa tappiɗ laippu, nuhig uug am 1.5 kilogram, tiig amuppanu awa tauɗeb ukkaknu tappiɗ silwappa hak laippu, nuhig uug am 800 gram, gol tappiɗ laippu, uug nuhig am 110 gram, makau gaiɗ laippu, sipsip dawai laippu, amu sipsip gaiɗ laippu maɗ laippu awak ele, meeme laippu, makau okkai ebehi ele aɗit, sipsip dawai tanig ele, amu meeme dawai tanig ele, aria sipsip gaiɗ tanig ele laa maɗ laippu awak ele. Silwa tappiɗ aɗit amu oh, ahilah uug am mana mettak lagnu melemel bia daapiɗ. Ahieser nug plaua enanag goɗenppa kaboliak, amu silwa tappiɗ anen anen maate, ambeum; amuam ee aegnu ofanu dayom. Nug gol tappiɗppa kalu danab ile muttuɗig enanag bette ele me, ambeum. Makau gaiɗ, sipsip dawai, amu sipsip gaiɗ maɗ laippu awak ele, doɗ amu oh am manaknu ofanu daappig. Meeme dawai amu, doɗ amuam ib etta hipunin haknu ofanu dayom. Amu makau okkai ebehi ele aɗit, sipsip dawai tanig ele, meeme dawai tanig ele, sipsip gaiɗ tanig ele maɗ laippu awak ele, doɗ amu oh am laippu dayaknu ofanu daappig. Keeke amu Amisadai bekka Ahieser, nug Yawe mettom.

Namba 7:86

Aria, gol tappiɗ 12, kalu danab ile muttuɗig enanag bette ambak ele, anen anen ahilkad uug amu 110 gram dayom. Gol tappiɗ anen anen dilag uug, amuam mana mettak lagnu melemel bia dayom. Tappiɗ amu ohnu uug am 1.4 kilogram.

2 King 12:4

Amu Joas nug mana mettak danab onilagppa e uɗieg, nug ag amelagppa inam aum. “Ag mana mettak danab, ag men doɗo, ofa Kayaknu tituanak daakkunu, danab ah ag Yawenu mettid lakka aon dotteb ele, ag amu oh aoglag. Amuam Yawenu mettid lagnu takis men doɗo, men doɗo danab ag ahilag keeke laa genab hekkunu nai anan qakkaknu nai, nai amu elele mettan medatteb, amu men doɗo danab ag akka Kayak mettaglagnu oolag daye medatteb amu, ag amu oh aweg!

Namba 18:16

Ag tituanakppanu eɗua uhuqak amu hekkulagnu, haen nid ag kalam laippu aweb, ag uhuqak amu hekkulagnu, ag daden nob 55 gram silwa, ag amuppa uhuqadkkulag. Silwa amunu uug am, mana mettak lagnu melemel bia dayaɗ! Sekel laippu, aria gera 20 ele, aa oh ahilah uug am laippu.

2 King 12:5

Ag mana mettak danab oh anen anen, ag danab ah dabmattanna ehanadtteb, ag eppelagppanu men doɗo amu aotteb, ag men doɗo amu aona, haen ag Yawenu mettid lag laih adeppa, aben laa nauheb anidna, aria ag mana mettak danab ag laih nauhom amu bau bappaidkkulag,” awa aum.