Eksodas 3:11 - Nobonob Baibel

¹¹ Yawe Nug Moses amegppa anam aum, amge Moses nug Kayak amegppa eɗua aum. “Da danab okkaite, da Paro gumitte ukke, nug amegppa awoya, Israel omaladppi, Isip uun gokkulag?” awa aum.

Eksodas 3:11 Referans Kwoze

1 Samuel 18:18

Saul nug anam a amu, Dawit nug nai nob inam meum. “Da am danab onil iitta. Mamanu aab ikki ele Israel ooppa onig iitta. Na am danab okkai, na am king amunu da, da na aɗen aokkulnu am elele ii doottem,” awa aum.

2 Korint 3:5

Genabnab ig ikkaib uɗat imu hekkunignu am elele iitta. Keeke anam daatte amunu, ig ikka keeke laa hemut amunu ii amata. Iitta. Kayak Nug nukka he, ig uɗat imu hekkunignu elele daattem.

Eksodas 6:12

Yawe Nug anam aum amge, Moses nug Yawe nai aum amu eɗua nob ma inam aum. “Israel ag da nai attem amu, ag ii doon dab-ii-metteb. Da oɗel uug ele; da Paro amegppa nai tutukku madikkulnu elele iitta amunu, da attem hein, Paro nug dahil nai dookkunu dabmekkul?” awa aum.

Jeremaia 1:6

Nug anam a, da ami. “O Naɗi Yawe, da am nid nakok aakkuib amunu, da nai anam madikkulnu elele ii doottem,” awe ami.

2 Korint 2:16

Danab laala ag Kayaknu oolagppa genab ii dootteb, padal mekkulagnu oitteb ele amu, ag am muttuɗig ena otte amubia ii dootteb; ag eheɗ, mauhak beɗak uɗig otte anam bia dootteb, amge danab ag oolagppa genab doona, padal ii memananu oitteb amu, ag am muttuɗig ena otte amubia dootteb; ag am bau dayak muttuɗig dootteb. Ig anam bia daattem amge aun nug uɗat anam hekkunu elele? Ig oh am elele iitta.

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

1 King 3:7

O Yawe, dahil Kayak, na da, nahip maɗi nid, na da awiɗna hee, da mamel abenabppa king daattem, amge da am nid nakok hamu laa bia daattem amunu, da attem hekkul? Da kobol aɗippa danab ah gumadkkulnu amu, da ii doottem; elele iitta.

2 Samuel 7:18

Natan nug Dawit amegppa nai amu mattia male, King Dawit nug aha ukka, Yawenu pehppa noa, Yawe noobppa heɗep na dayaya, nug Yawe amegppa aum. “O Naɗi Yawe, da attem daai, da baeladppa ele am attem daaegeg, na da ehaniɗe, da gemu okkai daattem? ⌊Dahilppa ii beum. Iitta! Na ii helom bia, amge na nahip hak enappa aakku heme.⌋

Ikki Danab 6:15

Yawe Nug anam aum, amge Gideon nob ma aum. “Amge O Naɗi, da attem hein, Israel Midian eppelagppan eɗue diikkul? Aab ikki dahil am, Israel dilag huu okkai Manase ooppanu ɠagattag iitta daatte, amu da am ɠagattag iittanab baeladppa oolagppa daattem,” awa aum.

1 Stori 29:14

Amge da am aun? Dahilad danab ah ele ag am aun? Ig am aun amunu, ig keeke okkai imu oo qak iitta na mettagnignu elele? Aɗinu? Keeke oh am na eppenppanu uɗitte, amu ig keeke mettamut ele, ig keeke amu tatam na eppenppanu aot, eɗut mettamut.