Eksodas 29:9 - Nobonob Baibel

⁹ ikkilagppan lamen ele ikkilagppa itan, imualagppan lamen ele qakkalatte! Aron, nug bekkod ele ag mana mettak danab daanna, aria danab amu ag, amu ag bekkalkad, alalkad, buɗulkad uma ukkak, nid danab geha mana mettak uɗat amu agib hanhan hekkulag; ɗo anam daatte. Na Aron, nug bekkod ele ib amuppa baɗ madakkut.

Eksodas 29:9 Referans Kwoze

Namba 18:7

Ag uɗat amu hekkulagnu tituanadmi, amge na, amu na begapad ele, ag aakkuib mana mettak uɗat qaɗabppanu, amu Oo Gun Eleppanu uɗat hekkulagnu daatteb. Da mana mettak uɗat haknu amu, da uɗat amu ahilag daakkunu hamu madattem. Aun laa nug onig amu iitta ele, nug dahil mettid haknu peh lag guguitta wakku amu, ag qeppeg mauhkkuoitte,” awa aum.

Duteronomi 18:5

Ag amu hekkulagnu diig am, Yawe, ahilag Kayak, Nug Israel dilag huu okkai laa oh oolagppan Lewi buɗub ag hanhan, Yawenu ɗo maɗoɗnu uɗat Nug onigppa hekkulagnu tituanattom.

Namba 25:13

amu tituanak amuam iikku. Nug danab ah ag da, Kayak, da diilnu eheɗ doomnanu yag-nab-bak doya heum amu, nug anam heumppa nug Israel danab ah dilag eheɗ haknu nob nau iitta mekkunu he elele mettom amunu, nug, amu nug buɗub ele, ag geha hanhan mana mettak danab daaglagib,” awa aum.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Namba 16:10

Yawe Nug na, amu na laipad Lewi buɗubppan mana mettak danab iitta, ag diia he, Nug guguittak daatteb, amge gemu amu, ag mana mettak danab ele daaglagnu hetteb.

Namba 3:10

Aron, nug bekkod ele amu, ag mana mettak danab daaglagnu otiatte! Ag aakkuib amu hekkulagnu daatteb. Danab laa nug amu heeb amu, ag qeppeg mauhkkuoitte,” awa aum.

Lewitikas 8:33

Ahilag baɗ awak kobol amu deɗ eblaih aɗit ele daakkun daatte amunu, ag aib mettid haknu peh lag danab ah appa qagmetteb ele, ag lag amu haɗap uuidna, keeke laala deɗ eblaih aɗit amu ooppa hekkulagnu goppig.

Eksodas 40:15

amu na ag mamelagppa heme bia, na ag dahil mana mettak uɗat hekkulagnu, na goɗen gokkaɗakppa tituanadkkut. Goɗenppa tituanak amuam, buɗub buɗub doobob, ag buɗulkad dimppa bekkulag amu, ag hanhan dahil mana mettak danab daaglagnu goɗen gokkaɗakppa tituana awak daakku,” awa aum.

Hibru 5:10

Nug anam dayeye, Kayak Nug Nug mana mettak ikki danab, Melkisedek bia daakkunu tituanom.

Eksodas 32:29

Ag anam heeg amu, Moses nug Lewi buɗub amelagppa inam aum. “Ag gemu ag bekkalkad, awalkad, amalkad aɗi eheɗ heppig ele, ag ag aqaeg mauhppig. Ag amu aqaglagnu ii uuppig amunu, ag Yawenu daaglagnu tituana mettak daatteb. Nug gemu ag itattom,” awa aum.

Eksodas 28:1

Aria, Yawe Nug nai amu tuɗitta inam aum. “⌊Dimppa na eɗun gona,⌋ na Israel oolagppanu na awan Aron, nug bekkod nid danab, ag am Nadap, Abihu, Eleasar am Itamar ele amu, ag dahil mana mettak danab daaglagnu otiadkkutnu, na ag onilagppa eppe, na gumidna uɗieg!

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Lewitikas 8:1

Amu Yawe Moses amegppa aum.

Lewitikas 8:13

Moses nug anam hewowa, amu Yawe Nug anam haknunab aum bia, nug Aron bekkod diia doa, lamen nakok elab, nug lamen amu aɗualatte noeg, lamen matagiɗ imualagppa tagattowa, ikkilagppan lamen ele ikkilagppa itattom.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

Ikki Danab 17:5

Amu danab amu, Maika, nug mettid lag nakok ele, amu nug lamen enanag-epod laa ha, kayak hambuppuak dottolkad danab ag laulkadppa maatteg daatteb, nug amu ele hattom. Anam hewowa, nug bekka laa nug nuhig mana mettak danab daakkunu uɗat mettom.