Eksodas 29:7 - Nobonob Baibel

⁷ Na qakkona, na laittaknu goɗen aon, na goɗen gokkaɗakppa tituanidnana, nug mana mettak danab daakkunu goɗen igippa gokkaɗkkut.

Eksodas 29:7 Referans Kwoze

Namba 35:25

Ag amu hena, ⌊genab⌋ nug ii doyaya anam heum ⌊anidkkulag dayeb amu, ag anam⌋ anana, ag heppeg, layag nug qe mauhak danab nob ma qeeb mauhkkunu daatte ele amu, nug aib qe mauhak danab qeum. Ag qe mauhak danab amu, nug laa nug layag ii doyaya qe mauhomnu ehanittak aab okkaippa qaietta ukkom amu, ag heppeg, nug eɗua, appaib ukka, laa nug qe mauhak danab qeeb mauhkkunu dabmette ele, nuhignu awaittak daakku. Ag nug appa meppeg ukka dayebeb, mana mettak ikki danab, Kayaknu tituanak daattenu goɗen gokkaɗakppa tituanppig ele amu, nug mauheb, danab amu nug eɗua appag diigppa dokku.

Lewitikas 21:10

Mana mettak ikki danab, nug laikkud oolagppan nug danab laittaknu goɗen ele nug igippa gokkaɗe, nug mana mettak danab dilag lamen tagakkunu baɗ awom daatte, ⌊auntai laa mauhkku amu⌋ nug ikki uɗug uueb, mauhnoak ii daakkuoitte. O nug lamen iinab pattiɗkkuoitte

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Aisaia 61:1

Yawenu maɗi nid nug inam atte. “Yawe Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi Yawe Nug nuhig Ouɗi dahilppa daatte. Nug da laa ag oolagppa uug okkai ele dootteb ehanadppi, ag oolag uug iitta ele dooglagnu, Laa, ag laa aɗalatteg, ag eppelagppa daatteb amu, da appi, ag uhuqak aoglagnu, Da appi, laa ag maniguittak nau gatatu eleppa daatteb, ag uhuqak aoglagnu, Nug danab ah, ahilagnu ii helo bia me, Nug ag ehanatta, oo mak haen madakku amu, Nug da ag amelagppa amunu akkulnu, Nug danab ah eheɗ hetteb ele, ahilagnu eheɗ haknu nob tutukku madakku haennu akkulnu, Nug danab ah ag oolagppa uug dootteb amu heeb, ag oolag mekkunu madikkulnu, Nug da laa ag Sion appa oolagppa uug doon gaatteb amu, da ag ehanadkkulnu, Nug da heppi, laa ag uug anam doon, ikkilkadppa uhuɗ metteb amu, ag eɗun, ena daan, uhuɗ amu ihappeg ukkeb, igippan haɗ neekkak enanag ele ag anen anen ag ikkilkadppa daaglagnu, da heppi, laa ag oolagppa mahiak dootteb ele amu, ag eɗun, enaib daan, danab nug king daakkunu laa nug igippa goɗen gokkaɗe, gamag ahak dootte, amubia danab ah imu ag gamag ahak dooglagnu, da heppi, laa ag oolagppa uug dootteb, ag ouɗilag na qekkunu hette bia doon, lamen ena ii tagatteb, ag oolagppa oo gamag ahak doona, ag Kayak binag mena, ag lamen ena takkaglagnu meiɗe uɗimi. Ehanittak dahil amuppa ag ad ok Yawe Nug eppom bia bena, genab tutukku hak danab ah daaglag. Ag anam bia daappeg, danab ah laa ag, ag anadna, ag Yawenu binag amahlak oppiaawak ele anidna, ag Nug humidkkulag.

Sam 133:2

Ao, danab ah ag anamppa daaglag dayeb amu, amuam kobol ena. Kobol amuam olip goɗen enanag Aron igippa gokkaɗeg neum, am amubia. Ao, goɗen amu nug igippan noa, akkaɗippa noa, lamen elab takkom ele laih baagppa daatte ele, amuppa batom.

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.

Lewitikas 10:7

Laa oh ag amu mahiglag, amge Yawenu laittaknu goɗen ahilagppa daatte amunu, ag mauhmananu, ag aib mettid haknu peh lag danab ah appa qagmetteb ele, ag lag amunu od uuidna goppig,” awa aum. Anam amunu, ag Moses nug aum bia heppig.

Eksodas 28:41

Amu Moses na lamen amu na awan Aron, amu nug bekkod ele, na ag bala amu aɗuadppe noppeg, na ag mana mettak danab daaglagnu goɗen gokkaɗakppa tituanadna, baɗ mattan, ag dahil mana mettak danab daan, uɗat hekkulagnu, na ag dahilnu tituanna meɗe!

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

Lewitikas 21:12

Mana mettak ikki danab nug mauhaknu keeke laala hekkunu, nug Kayaknu mettid haknu peh lag iinab uuitta gokkuoitte. Nug heeb, Kayaknu lag dubuttid tekku iinab hekkuoitte. Aɗinu? Danab laittaknu goɗen amu mana mettak ikki danab igippa gokkaɗe no, laitta mala he, nug aakku amuppa nug dahilnu tituana mettak daatte. Da am Yawe.

Sekaraia 4:14

Da anam ai, nug aum. “Naɗi, Nug wan atu oh gumadtte ele, Nug danab aɗit aa Nug ehanidkkulahnu goɗen gokkaɗakppa tituanatom amu, ad aɗit amu, ad eppeg aɗit ele am danab aɗit amu ippunadtte,” awa aum.

Eksodas 40:13

Na ag leppa ihadna malan, na Aron, nug mana mettak uɗat dahil hekkunu amu, na nug aon, na nug mana mettak danabnu lamen, dahilnu tituanak daatteb, nug lamen amu nug beɗuppa aɗuidppe noob, na laittaknu goɗen aon goɗen gokkaɗakppa tituanidna, nug dahilnu tituanna meɗe!

Lewitikas 7:35

Doɗ danab ag amuppa Yawenu aab aɗunu ofa hetteb ele amu, amuppanu laih Aron, bekkod ele dilag epeɗiak daatte am aakku. Haen Moses ag Yawenu mana mettak danab daaglagnu diiatta, Yawe gumitta wana, Nug mettom, haen amuppa epeɗiak amunu aakku beum.