Eksodas 29:13 - Nobonob Baibel

¹³ Na anam hena, dimppa na ittag ooppan keeke aɗak daatte oh aon, gamagnu maha nakok ele aon, aɗitta doɗo aɗit, ittalah ele, na amu ele aon, na keeke amu oh qaɗabppa main da meɗakkut!

Eksodas 29:13 Referans Kwoze

1 Samuel 2:16

Maɗi nid nug anam a, mana mettak mameg nug, “Na teppu bau aokkutnu am nai iitta, amge tatam laa ittag mana, Kayak metteb, dimppa na teppu aɗi aokkut amu, na aokkut,” ab amu, maɗi nid nug eɗua, inam akku. “Iitta! Geha iikkunab na teppu amu da meɗe! Na ii meɗakkut dayeb, da wagai mein aokkul,” awa akku. Nid aɗit amu, ahilah maɗi nid ele, ag anam hedappig.

Aisaia 43:24

Ag keeke qaittobttob bia diig laa muttuɗig ena ele daden mena aon, da ii meɗappig. Ao, ag mana mettaknu doɗ ittalkad kuɗumnab aon, ittalkad amu da ii meɗappig. Da ag uug anam ii mattami, amge ag hipunin ahilagppa uug okkainab da meɗappig. Ao, da ag uug anam ii mattami, amge ag tappe nak ahilagppa bahi yaak okkainab da meɗappig.

Aisaia 34:6

Tiig am Yawenu qep elab aeg am laidkku. Ao, ittag Nug qep aeg laidkku. Sipsip nag tiilag, meeme tiilag ele qep elab aeg nuhig laidkku. Ao, sipsip dawai aɗita doɗonu ittag am qep aeg laidkku. Nuhig qep elab aeg anam daakkunu diig am, Yawe Nug mana mettak okkai Edom wanppa aab onig Bosra appa daakkunu dabma, bekkunu mattia malom. Ao, Edom wanppa am mauhak huanaknab daakku.

Aisaia 1:11

Am Yawe Nug inam awa atte. “Ag doɗ kuɗum main meɗatteb, amge da amunu ool ii hette. Ag sipsip dawainu manaknu ofa hena, amu doɗ ittag huanak ele, ag doɗ amu ittag main meɗatteb, amge da matu elele aomi; da baula aokkulnu ool iinab daatte. Ag makau dawai, sipsip gaiɗ, meeme dawai ele manadna meɗaglagnu henana, ag baalag otaɗattegeg, tiilag nette, amge da tiilag amunu oolppa ena ii doottem.

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Namba 18:17

Amge ag makau okkai ebehi ele, o iitta sipsip, o iitta meeme nalkad ⌊dawai⌋ tatamnu manan, da meɗaglagnu henana amu, ag doɗ amu tituanakppanu eɗua uhuqak hekkulagnu elele iitta. Amu oh am dahilnu tituanak daatteb. Ag doɗ amu manan, da meɗaglag. Ag mana mettak hekkulagnu amu, ag tiilkad qaɗabppa tauɗna, ittalkad manadkkulag. Mana mettak amuam aab aɗunu ofa, nuhig muttuɗignu da, Yawe, da oolppa ena doottem.

Lewitikas 17:6

Aakku mana mettak danab nug tiig Yawenu qaɗab, qaɗab amuam mettid haknu peh lag danab ah appa qagmetteb ele, am lag amu odppa daatte amu, mana mettak danab nug qaɗab amuppa tiig tauɗowa, nug ittag maneb eokku. Mana mettak amunu muttuɗignu, Yawe Nug ooppa ena dootte.

Lewitikas 16:25

Nug ittag oh ele ib etta hipunin haknu ofa ha qaɗabppa manakku.

Lewitikas 9:19

Aria, nug makau okkai ebehi ele dawai amu, sipsip dawai ele boolah ittag ele, amu ittag ooppan keeke aɗak daatte oh, aria aɗitta doɗo aɗit, amu gamagnu maha nakok ele diia,

Lewitikas 9:10

Anam hewowa, nug ittag, aɗitta doɗo aɗit, gamagnu maha nakok ele, doɗ ib etta hipunin haknu ofa daakkunu, nug doɗ amuppanu awa, qaɗabppa manatte eoppig. Am Yawe Nug Moses amegppa anam haknunab aum bianab heum.

Lewitikas 8:25

Dimppa nug ittag, boob ittag ele, ittag ooppan keeke aɗak daatte oh, gamagnu maha nakok, aria aɗitta doɗo aɗit, ittalah ele, amu tuɗi naɗiap ele oh amu diiom.

Lewitikas 8:16

Nug ittag ooppan keeke aɗak daatte oh, gamagnu maha nakok, amu aɗitta doɗo aɗit, ittalah ele, nug amu oh diia, qaɗabppa manatte eoppig.

Lewitikas 7:31

Nug anam heeb, mana mettak danab nug ittag amu qaɗabppa manakku, amge momo amu Aron, bekkod ele dilag daakku.

Lewitikas 7:3

Mana mettak danab nug doɗ amu ittag oh, amuam boob ittag ele, ittag ooppan keeke aɗak daatte oh, nug amu awa,

Lewitikas 6:12

Qaɗabppa aab am ewawa daakkuoitte; aab nug ii qauhkkuoitte. Buttua ohppa mana mettak danab nug aab ewawa daakkunu aab bau mewowa, nug deɗ ohppanu manaknu ofa aab amuppa kobol eleleppa mewowa, nug laippu dayaknu ofa hak, doɗ amunu ittag deɗ ohppanu manaknu ofa qaɗeppa ma, mana medakkuoitte.

Lewitikas 4:35

Aun laa nug beɗuppa aab ele nug ag Yawe ele oolag laippu dayaknu ofanu sipsip-ppa, mana mettak hetteb bianab, nug sipsip amu ittag oh aokkuoitte. Anam heeb, mana mettak danab nug ittag qaɗabppa, Yawe mettaknu aab aɗunu ofa daatte ele, nug amu qaɗeppa maneb eokku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 4:31

Am laa nug beɗuppa aab ele nug meeme ittag oh, ag laippu dayaknu ofa hetteb bianab doɗ beɗuppanu aokkuoitte. Nug anam heeb, mana mettak danab nug ittag qaɗabppa maneb eokku. Mana mettak amunu muttuɗignu, Yawe Nug ooppa ena dootte. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 4:26

Am nug qaɗabppa, Yawe ele laippu dayaknu ofa hetteb bianab ha, meeme ittag oh maneb eokkuoitte. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 1:15

Mana mettak danab nug ai amu awa, qaɗabppa wana, baag itoɗieb mauheb, ikki pakkua, qaɗabppa meeb eokku. Nug heeb, tiig amu madmad qaɗab daugppa nekkuoitte

Lewitikas 1:9

Amge ofa mameg nug tatam ooppan keeke, gamag, uɗuag, biig keeke, amu baekkud ele, amuam tatam leppa ihakkuoitte. Amu malak amu, mana mettak danab ag doɗ kunum oh aakku qaɗabppa manan, Yawe mettaglag. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Eksodas 29:25

Ag amu hena malappeg, na keeke amu oh ag eppelagppanu aon, doɗ laa, manaknu ofa dayeye, na qaɗabppa main meɗame ele amu, na keeke ag eppelagppanu aome ele, na amu ele qaɗabppa mane! Amuam da Yawe, da meɗaknu aab aɗunu ofa. Mana mettak amunu muttuɗignu da Yawe, da oolppa ena doottem.

Eksodas 29:22

Aria, na sipsip dawai amunu amu, na nug teppunu ittag aon, nug boob ittag ele aon, na ittag ooppan keeke aɗak daatte oh, na amu ele aon, na gamagnu maha nakok aon, aria aɗitta doɗo aɗit, ittalah ele, na amu oh ele aon, na tuɗi naɗiap ele aokkut. Aɗinu? Doɗ imuam Aron bekkod ele ag mana mettak danab daaglagnu baɗ awaknu doɗ.

Eksodas 29:18

na sipsip dawai amu oh qaɗabppa main, da meɗe! Amuam da, Yawe, da meɗaknu manaknu ofa. Ao, amuam da, Yawe, da meɗaknu aab aɗunu ofa. Mana mettak amunu muttuɗignu da, Yawe, da oolppa ena doottem.

Eksodas 12:9

Ag doɗ teppu ii ewom aib lappig; amu ag waappa ele aib battin lappig. Ag amu ii hemana. Iitta. Ag aab aɗuppaib manon laig! Ag ikki, eppeg, baeg, ooppan keeke ele aab aɗuppa maippeg eweb laig!

Lewitikas 7:4

nug aɗitta doɗo aɗit, ittalah ele, maɗog guguittak daattep, aria gamagnu maha nakok ele aokku. Danab nug aɗitta doɗo ittalah ele awawa, nug gamagnu maha nakok ele awaɗ! Nug keeke amu oh awa, nug qaɗabppa manadkkuoitte.