Eksodas 29:12 - Nobonob Baibel

¹² Na qeppe mauheb, na eppen doɗo makau gaiɗ amunu tiigppa meppe noob aon, qaɗabnu qeqeɗi waɗele, na amuppa maattona, tiig laa oh amu laih qaɗab diigppa gokkaɗppe ukkaɗ!

Eksodas 29:12 Referans Kwoze

Eksodas 27:2

Ag henana amu, ag qaɗab ad akasia, amuppa hetteb, ag ad amuppaib ag keeke makau qeqeɗi bia waɗele qaɗabnu daug waɗele ohppa hoiatteg! Ag ad piɗenu hoyadna, qaɗabppa aib atulppig; laippu heig! Ag amu oh hewona, ag qaɗab amu oh brasppa toneg!

Lewitikas 9:9

Nug bekkod ag tiig aon doeg, nug eppeg doɗo laa me, tiig amuppa no, taula awa, qaɗabnu qeqeɗi waɗeleppa meum. Nug tiig laa oh amu qaɗab diigppa gokkaɗom.

Lewitikas 8:15

Ag eppelag igippa meeg amu, aria Moses makau dawai amu baag otaɗom dimppa, qaɗab oppiak ele daakkunu, Moses nug eppeg doɗo makau amunu tiigppa me no awa, manaknu ofa haknu qaɗabnu qeqeɗi waɗele ohppa meum. Amu tiig laih dayom amu, nug amu oh qaɗab diigppa gokkaɗom. Amunu Moses nug ib amuppa tiigppa he, qaɗab am Yawenu tituana mettak daya, Yawenu neekkakppa oppiaawak dayom.

Eksodas 30:2

Qaɗab amu, elab nuhig am 45 sentimita, emaitak nuhig am 45 sentimita, amu attan nuhig amu 90 sentimita. Elab nuhig, emaitak nuhig ele am laippu anam dayaɗ! Amu keeke makau qeqeɗi bia ⌊waɗele qaɗab agappa, daug waɗeleppa,⌋ amu oh qaɗab ele laippuib daaglagnu ele hoyeg!

Hibru 10:4

Aɗinu? Makau dawai, meeme ele amu, ag tiilkad am hipunin uhuqkkunu elele iittanab.

Hibru 9:22

Aria ɗo kobolppa, tiigppaib keeke oh bia oppiak daakkunu daatte. Amu tiig ii ne amu, Kayak Nug hipunin ii uhuqtte.

Lewitikas 16:14

Nug anam hewowa amu, nug eppeg doɗo makau gaiɗ amunu tiigppa meeb noob awa, Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, nug ameg amu noobppa tauɗ qedakku. Nug anam hewowa amu, nug haen eblaih aɗit tiig amu aben Tituanak Nainu Kunup ameg noobppa daatte, aben amuppa tauɗ qedakku.

Lewitikas 5:9

Nug anam hewowa, nug tiig laih qaɗab daug laih tauɗ qettowa, aria tiig laih oh heeb, madmad qaɗab diigppa nokkuoitte. Amuam ib etta hipunin haknu ofa aakku.

Lewitikas 4:34

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa ma, tiig laa oh am qaɗab diigppa gokkaɗkku.

Lewitikas 4:30

Nug amu heeb, mana mettak danab nug eppeg doɗo doɗ amunu tiigppa meeb noob awa, manaknu ofa haknu qaɗabnu qeqeɗi waɗeleppa mewowa, amu tiig laih oh qaɗab diigppa gokkaɗeb nokku.

Lewitikas 4:25

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa meeb, tiig laa oh am qaɗab diigppa gokkaɗkku.

Lewitikas 4:18

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa appa gokkaɗkku.

Lewitikas 4:7

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa, appa gokkaɗkku.

Eksodas 38:2

Ag henana amu, ag qaɗab ad akasiappa hetteb, ag ad amuppaib ag keeke makau qeqeɗi bia waɗele qaɗabnu daug waɗele ohppa hoippig. Ag ad piɗenu hoyadna, qaɗabppa ii atulppig. Iitta. Ag laippu heppig. Ag amu oh hewona, ag qaɗab amu oh brasppa tonappig.

Revelesen 6:9

Amu Sipsip Nag Nug buk itoɗiak qataqak ebqak 5 tolom. Tole amu qaɗab waappa danab ah Kayak nainu oolagppa genab doona, mehuqppig ele amunu, laa ag aqaeg mauhppig ele amu, da ag dottolkad anadmi.

Eksodas 29:11

Ag eppelag igippa meppeg, na da, Yawe, da noolppa dahil mettid haknu peh lag danab ah appa qagmetteb ele, na lag amu odppa makau amu baag otaɗppe mauhaɗ!