Eksodas 29:10 - Nobonob Baibel

¹⁰ Na amu oh hena, na makau gaiɗ main, da meɗakkutnu daatte amu, na makau amu aon, dahil mettid haknu peh lag danab ah appa qagmetteb ele, ag lag amu odppa doppeg, Aron, nug bekkod ele ag eppelag makau igippa meig!

Eksodas 29:10 Referans Kwoze

Lewitikas 8:14

Moses nug amu ha mala, nug makau dawai, ib etta hipunin haknu ofa haknu awa, Yawe gumitta wana, Nug mette, Aron nug bekkod ele ag eppelag makau igippa meppig.

Lewitikas 1:4

Nug amu hewowa, nug eppeg doɗ makau dawai igippa meeb, Yawe Nug doɗ amunu, am danab amu ou daatte antta aokku. Yawe Nug antteb, haen mana mettak danab nug doɗ amuppa mana mettak hette amu, danab amunu eheɗ haknu nob nau doɗ amu tiigppa iitta meeb elele medakku.

Eksodas 29:19

Amu na amu hewona, na sipsip dawai laa ele aoppe, Aron, nug bekkod ele ag eppelag igippa meppeg,

Eksodas 29:15

Amu dimppa amu, na sipsip dawai tatamnu aoppe, Aron, nug bekkod ele ag eppelag igippa meppeg,

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Lewitikas 16:21

Nug eppeg aɗit oh meeme igippa ma, nug hipunin ohnu, amu Israel danab ah dilag nai tappe nak amunu ele miagib madikku. Amuppa, nug geha danab ah dilag hipunin amu meeme igippa mekku. Nug anam hewowa, meeme amu, danab laa otippig ele, nug eppegppa meeb, nug awa atu taɗakppa appa gokku.

Lewitikas 8:18

Moses anam hewowa amu, nug sipsip dawai laa, manaknu ofa haknu awa, Yawe gumitta wana, Nug mette, Aron, nug bekkod ele ag eppelag igippa meppig.

Lewitikas 3:2

Laa nug mana mettak hette ele, nug eppeg doɗ amu igippa mewowa, nug mettid haknu peh lag danab ah appa qagmetteb ele, nug amu odppa baag otaɗkkuoitte. Mana mettak danab, Aron bekkod, ag doɗ tiig amu qaɗab gigin waɗele ohppa tauɗ qettaglag.

Eksodas 29:11

Ag eppelag igippa meppeg, na da, Yawe, da noolppa dahil mettid haknu peh lag danab ah appa qagmetteb ele, na lag amu odppa makau amu baag otaɗppe mauhaɗ!

Namba 8:12

Amu Lewi buɗubppan mana mettak danab iitta ag eppelkad makau gaiɗ aɗit ikkiltippa meppeg, na makau dawai laa aon, ib etta hipunin haknu ofa hena, da Yawe, da meɗakkut. Na anam hewona amu, na makau dawai laa amu aon, manaknu ofa hekkut. Na mana mettak amu henana, na heppe, Lewi buɗubppan mana mettak danab iitta, ahilag eheɗ haknu nob nau doɗ amu tiiltippa iitta mekkunu elele medakku.

Esekiel 43:23

Na qaɗab oppiak ele daakkunu uɗat amu oh hena malona, na makau gaiɗ, amu sipsip dawai laa ele, aa oh beɗulahppa eheɗ laa iitta, na amu oh manatna meɗakkut.

Lewitikas 4:4

Nug makau gaiɗ amu mettid haknu peh lag danab ah appa qagmetteb ele, nug lag amu odppa, Yawe toppa awa wakku. Wana, nug eppeg makau amu igippa mewowa, nug Yawe noobppa baag otaɗkkuoitte