Biblia Todo Logo
Bib sou entènèt

- Piblisite -




Eksodas 29:1 - Nobonob Baibel

1 Yawe Nug nai amu anana, Nug nai tuɗitta aum. “Aron, nug bekkod ele, ag dahil mana mettak danab bena, dahil uɗat amu hekkulagnu amu, da gemu, da na Aron, bekkod ele dilagppa aɗi aɗi laa heppe, ag dahilnu tituana mettak daaglag amu, da amunu na amenppa appi dookkut. Am na inam hekkut. Na makau gaiɗ laippu aon, sipsip dawai aɗit beɗulah enaib ele anatna diiate!

Gade chapit la Kopi




Eksodas 29:1
23 Referans Kwoze  

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.


Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.


Amu ag anen anen doɗ sipsip gaiɗ laa, o meeme dawai laa, maɗ laippu awak ele, ag amu laa tituaneg! Ag doɗ sipsip, o meeme nug beɗu enaib daatte tituaneg! Laa nug beɗu ihi mettak ele, o nug eppeg baeg keeke kaliak ele, o beɗuppa uug aɗi laa daatte ele amu, ag doɗ amubia aib aoppig.


Am anam amunu, ag inam unuqitteg! ‘Ig Mamenig, na hab attan daattem. Na heppe, ig danab oh ig na onin am oppiaawak daatte dootu!


Ag amu ele, amge ag heeg, Yawenu mana mettak danab, Aron buɗub ag, amu Lewi buɗubppan mana mettak danab iitta, ag ele ahilag wan uun, Juda wanppa iite gona daatteb? Mana mettak danab, amu Lewi buɗubppan mana mettak danab iitta, ag gona Juda wanppa daaeg, ag Israel, Jeroboam dim lamidtteb ele, ag wan laalappan danab hetteb bia ag ahilag danab hamu laala tituanatteg, ahilkad mana mettak danab iite daatteb? Ge, auntai laa nug nukka, nug kayak hambuppuaknu mana mettak danab daakkunu nug nukka nug beɗu tituana, nug aha, makau gaiɗ laippu, sipsip dawai eblaih aɗit ele kayak hambuppuak amu medakkunu awa uɗie, ag heeg, nug mana mettak danab daatte.


Aibnab doɗ nug beɗuppa eheɗ ele amu maippig. Aɗinu? Ag anam hekkulag dayeb amu, Yawe Nug ena doya, ii aoma.


⌊Yawe Nug anam ana, Nug doya dim lamittaknu nai imu ele Moses mettom.⌋ “Aron nug aben Kayaknu tituanak daatte ele amuppa nokkunu amu, nug nai imu tutukkunab dim lamidkkuoitte. Tatam amu, nug ib etta hipunin haknu ofa hekkunu, nug makau gaiɗ laa awa, amu nug manaknu ofa hekkunu sipsip dawai ele awa dokkuoitte.


Nug he, ag qagmeeg, Moses nug Aron amegppa aum. “Ib etta, hipunin haknu ofa nahipnu haknu, na makau gaiɗ laa, amu manaknu ofa nahipnu haknu, na sipsip dawai laa ele, doɗ aɗit amu oh aa beɗulahppa eheɗ laa iitta ele amu, na doɗ amu diiatna, Yawe gumidna wana, Nug mette!


Nug eheɗ haknu ofa amu awa doa, mana mettak danab medakkuoitte. Nug mana mettak danab medatta, nug aakku Yawe medatte. Doɗ amuam sipsip dawai, amu nug beɗuppa eheɗ laa iitta ele daakku; doɗ amu nug doɗ ena laa silwappa daden metteb, am nuhig noob am, amubia daakkuoitte.


Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.


Na amu hena malona, dimppa na tiig laa qaɗabppanu aon, laittaknu goɗen ele aon kabolin, na Aron tauɗ qettona, nuhig lamen ele tauɗ qettan, na nug bekkod ele tauɗ aqona, ahilkad lamen ele tauɗ qe! Na anam heppe, Aron, nug bekkod, amu ahilag lamen oh ele am dahilnu tituana mettak daaglag.


Am danab da ag lamen koitkkulagnu doyak digdig mattami amu, na ag onilagppa ena, amelagppa appe, ag Aronnu lamen, nug mana mettak danab daakkunu otiak daatte, danab ah ippunadkku amu, ag amu heig!


Amu Moses na lamen amu na awan Aron, amu nug bekkod ele, na ag bala amu aɗuadppe noppeg, na ag mana mettak danab daaglagnu goɗen gokkaɗakppa tituanadna, baɗ mattan, ag dahil mana mettak danab daan, uɗat hekkulagnu, na ag dahilnu tituanna meɗe!


Aɗinu? Da Yawe, da deɗ eblaih laippu ele uɗat hei ukke, hab, wan, yu ele, amu keeke oh amuppa daatteb ele hattami, amge da deɗ ebqak eblaih aɗitppa, da hik aomi. Da keeke amu oh deɗ amuppa hein maloya, da deɗ eblaih aɗitppa hik aomi amunu, da deɗ ebqak eblaih aɗit ele, amuam Sabat aakku, da deɗ amu itittak ena mettoya, dahil daakkunu tituanmi.


Amu Yawe Moses amegppa aum.


Na qaɗab oppiak ele daakkunu uɗat amu oh hena malona, na makau gaiɗ, amu sipsip dawai laa ele, aa oh beɗulahppa eheɗ laa iitta, na amu oh manatna meɗakkut.


Aria, Yawe Nug nai amu tuɗitta inam aum. “⌊Dimppa na eɗun gona,⌋ na Israel oolagppanu na awan Aron, nug bekkod nid danab, ag am Nadap, Abihu, Eleasar am Itamar ele amu, ag dahil mana mettak danab daaglagnu otiadkkutnu, na ag onilagppa eppe, na gumidna uɗieg!


Aab nug deɗ ohppa haen oh qaɗabppa ewawaib daakkuoittede, aib daulag atiom. Aab amu nug iinab qauhkkuoitte,” awa aum.


Doɗ danab ag amuppa Yawenu aab aɗunu ofa hetteb ele amu, amuppanu laih Aron, bekkod ele dilag epeɗiak daatte am aakku. Haen Moses ag Yawenu mana mettak danab daaglagnu diiatta, Yawe gumitta wana, Nug mettom, haen amuppa epeɗiak amunu aakku beum.


Diia wab, mana mettak danab nug danab laa Kayak ele ouqeya daaglahnu elele atte, mana mettak danab amu nug danab Kayak ele ouqeya daaglahnu bekkun daatte, aria keeke nug mana, Kayak mettaknu diia waum ele amu, nug amu oh akka, danab amu omala, mettid haknu peh lag danab ah appa qagmetteb ele, lag amu odppa, Yawe noobppa maadkku.


Swiv nou:

Piblisite


Piblisite